PĀ GƏ̄ 96:6 - Bibəl ta Sar̄

⁶ Loo kə́ ndə́lē pipir ō unjə̄ kow ō i kété non tə́, tɔ́gə ō yá̰á̰ kə́ ɔjə kadə̄ ni i de kə́ bo ō i kem loo yān kə́ táĺ tə́.

Bible sar

⁶ Loo kə́ ndə́lē pipir ō unjə̄ kow ō i kété non tə́, tɔ́gə ō yá̰á̰ kə́ ɔjə kadə̄ ni i de kə́ bo ō i kem loo yān kə́ *táĺ tə́.

PĀ GƏ̄ 96:6 Referans Kwoze

PĀ GƏ̄ 104:1

Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Kɔ́ɔ̄ɓē Nə́ɓā yāḿ, ḭ̄ i de kə́ bo ngá̰ý! Ḭ̄ ə́la loo kə́ ndə́lē pipir ō unjə̄ kow ō kūbə̄ tə́ rɔ̄í tə́.

PĀ GƏ̄ 93:1

Kɔ́ɔ̄ɓē i mban̄g. Kɔsə gɔn utə̄ gidə rɔ̄n malang. Tɔ́gə gīr̄ gidən tītə̄ ndāŕ kəhɔ ɓōdə̄ beé. Rɔ̄kum, dɔ nang ra ngan̄g, yá̰a̰ a yéȳn alé.

1 YÁ̰A̰ GƏ̄ 16:27

Loo kə́ ndə́lē pipir ō, unjə̄ kow ō, i kété non tə́. Loo ń ni-ndi tū tə́ ní tɔ́gə ō, rɔ̄nel̄ ō, i ngá̰ý tū tə́.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

PĀ GƏ̄ 50:2

Siyo̰ ń i ɓē kə́ majə ngá̰ý ní, Nə́ɓā ndi kemeé ndə́lē pipir.

PĀ GƏ̄ 29:9

Ndū Kɔ́ɔ̄ɓē rāā adə̄ dul gə̄ ojən̄ dɔ gúú tə́ ō, rāā adə̄ ngán bə̄yā̰ kɔ̄r̄ gə̄ teēn̄ kem kó̰də́ gə̄ tə́ ō. Yá̰a̰ gə̄ malang kə́ kem kújə yā Kɔ́ɔ̄ɓē tə́ ədan̄ na: Kɔsə gɔn i yā Nə́ɓā!

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

PĀ GƏ̄ 19:1

Pā kə́ kem makətūbə̄ yā ngār yā gōsə̄ gə̄ tə́. I pā yā Dabid.

PĀ GƏ̄ 8:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. A dānə̄n̄ gō i kə kənde kə́ Gat.

PĀ GƏ̄ 63:5

M-ā m̄-ɓōkíī tɔ̄ȳ bátə́ kadə̄ m-óyń ō, m-ā m-ɔ́y jīḿ kə̄ dɔɔ́ tām̄ yā rīí tə́ ō.