PĀ GƏ̄ 96:4 - Bibəl ta Sar̄

⁴ Tām̄ Kɔ́ɔ̄ɓē i de kə́ bo ō, majə kadə̄ de gə̄ ɓōkə́nən̄ tɔ̄ȳ ō. Ni to ɓōĺ ngá̰ý ō, tɔȳ nə́ɓā gə̄ malang ń i ɓesə̄ gə̄ ní ō.

Bible sar

⁴ Tām̄ Kɔ́ɔ̄ɓē i de kə́ bo ō, majə kadə̄ de gə̄ ɓōkə́nən̄ tɔ̄ȳ ō. Ni to ɓōĺ ngá̰ý ō, tɔȳ nə́ɓā gə̄ malang ń i ɓesə̄ gə̄ ní ō.

PĀ GƏ̄ 96:4 Referans Kwoze

PĀ GƏ̄ 145:3

Kɔ́ɔ̄ɓē i de kə́ bo, i náā n asə ger̄ gír. Ɓōkə́nən̄ tɔ̄ȳ asə kə̄ ta tə́ ta ngóy boon̄ gətóo.

PĀ GƏ̄ 18:3

Kɔ́ɔ̄ɓē i mbal̄ yāḿ ō, loo ndiḿ kə́ ngan̄g ngá̰ý ō, nge gān̄g dɔḿ ō. Ni i Nə́ɓā yāḿ ō, mbal̄ ɓɔ̄ɔ̄ rɔ̄ yāḿ ō. Ni i der yāḿ ō, yá̰á̰ ń m̄-tetəń rɔ̄ɔ̄ ní ō, loo ndiḿ kə́ ngan̄g ō.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

PĀ GƏ̄ 95:3

Tɔdɔ̄ Kɔ́ɔ̄ɓē i Nə́ɓā kə́ bo, ni i mban̄g kə́ bo kə́ dɔ nə́ɓā gə̄ tə́ malang.

PĀ GƏ̄ 89:7

Kɔ́ɔ̄ɓē, de kə́ asə seí gətóo dɔ rā̰ tə́. Dan nə́ɓā gə̄ tə́ ní, nge kə́ to tītə̄ Kɔ́ɔ̄ɓē gətóo.

PĀ GƏ̄ 66:3

ə́daī Nə́ɓā na kəla rāān gə̄ na ton̄ ɓōĺ ngá̰ý ō, dan ń madə̄ ba̰ā̰n gə̄ na a̰a̰n̄ tɔ́gən kə́ ngá̰ý al̄ naā anī, na lōn̄ gír kɔsə rɔ̄də́ kə̄ dɔɔ́ tə́ ō,

PĀ GƏ̄ 86:10

Tɔdɔ̄ ḭ̄ i de kə́ bo, ī-rāā yá̰á̰ kə́ majə to ɓōĺ ngá̰ý gə̄, i īkɔ́ kal kógə̄ḿ beē n i Nə́ɓā kə́ rɔ̄kum ní!

PĀ GƏ̄ 48:1

I pā yā ngán Kore gə̄.

Najə̄ kə́ Majə yā Jeju ń Luk ndang ní 12:5

Ādə̄ m-ɔ́jə́sí deē ń majə kadə̄ ī-ɓōĺniī ní: Ī-ɓōlíī deē ń tɔ̄lī oy anī i kə tɔ́gə kənīī kum hor Gehen tə́ ní. A̰á̰ā̰ m-ə́dásí, i ni n majə kadə̄ ī-ɓōĺniī ní!

PĀ GƏ̄ 66:5

Ī-reē á̰a̰ī kəla rāā Nə́ɓā! Kəla rāān gə̄ əla ɓōĺ kem de gə̄ tə́.

Teē Ngán Israel gə̄ 18:11

Ká ré wōn̄g rāā ɓesə̄ gə̄ malang ngá̰ý kə de gə̄ yā Kɔ́ɔ̄ɓēé gə̄gē, anī na n-ger̄ kadə̄ Kɔ́ɔ̄ɓē i de kə́ bo tɔȳ ɓesə̄ gə̄ ń noō malang.

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

PĀ GƏ̄ 76:7

Nə́ɓā yā Jakob, dan ń ī-ndán̄gdə́ ní, sə́nda gə̄ gə̄gē, ngé kaldə́ gə̄ gə̄gē, rɔ̄də́ oy yélélé.

NEHEMI 9:5

Gō tə́ anī Yesua ō Kadəmiel ō Banī ō Hasabəneya ō Serebia ō Hodia ō Sebania ō Petahia ō ń i ngán Lebi gə̄ ní ədan̄ na: Ḭ́ḭī dɔɔ́ ɔ́siī gɔn Kɔ́ɔ̄ɓē Nə́ɓā yāsí! Əlan̄ gír kɔsə gɔnən i jóó ngá̰ý ō, a to i ta kaw̄ jóo ō! Kɔ́ɔ̄ɓē, ādə̄ de gə̄ ədan̄ rīí kə́ majə! Rīí to kɔsə gɔn ō, bo tɔȳ najə̄ kə́ majə gə̄ malang ń de gə̄ asən̄ kəda d ɔ tə́ ní ō,

1 SAMUEL 4:8

Yá̰á̰ kə́ to kum kaȳ aĺ əsō dɔjí tə́. I náā n a ɔr̄jí jī nə́ɓā kə́ nge tɔ́gə́ ń toō tə́ ní? I nə́ɓā ń tə̄ndā de kə́ Ejiptə gə̄ kem dəla loo tə́ kə ndéý kə́ tayā tayā gə̄ ní.

2 YÁ̰A̰ GƏ̄ 2:4

Tá kújə́ ń m̄-sāā rāā ní i kújə́ kə́ bo, tɔdɔ̄ Nə́ɓā yājí i Nə́ɓā kə́ bo tɔȳ nə́ɓā gə̄ malang.

PĀ GƏ̄ 150:2

Ī-tɔ̄ȳniī tām̄ yá̰a̰ rāān kə́ to ɓōĺ gə̄ tə́. Ī-tɔ̄ȳniī tām̄ ni i de kə́ bo ngá̰ý.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.