PĀ GƏ̄ 96:3 - Bibəl ta Sar̄

³ Ə̄nīī mbēr̄ kɔsə gɔn yān dan nápar de gə̄ tə́, ə̄nīī mbēr̄ yá̰á̰ kə́ yáā gə̄ ń ni-rāā ní dan nápar de gə̄ tə́ malang.

Bible sar

³ Ə̄nīī mbēr̄ *kɔsə gɔn yān dan nápar de gə̄ tə́, ə̄nīī mbēr̄ yá̰á̰ kə́ yáā gə̄ ń ni-rāā ní dan nápar de gə̄ tə́ malang.

PĀ GƏ̄ 96:3 Referans Kwoze

PĀ GƏ̄ 22:27

m̄-ɓāŕ ngé ndoō gə̄ adə̄ əsan̄ yá̰a̰ ndānə̄n̄. Adə̄ ngé sāā Kɔ́ɔ̄ɓē gə̄ ɔsən̄ gɔn Kɔ́ɔ̄ɓē ō, ndin̄ majə ta kaw̄ jóo ō!

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ Jerusalem tə́.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

JAKARI 9:10

Ni a rāā kadə̄ púsə rɔ̄ɔ̄ gə̄ kə́ Epəraim gətóon̄ kɔ̄ɔ́ ō, ni a rāā kadə̄ sə́nda gə̄ kə́ Jerusalem gətóon̄ kɔ̄ɔ́ ō. Ni a tétə̄ ga̰ gərā gə̄ kə́ yā rɔ̄ɔń kɔ̄ɔ́ ō, a rāā kadə̄ lɔm to dan nápar de gə̄ tə́ ō. Əla gír bā katə̄ tə́ bátə́ bā bo kə́ no ɓē tə́ ō, bā Opəratə tə́, bátə́ ta ngóy ɓē kə́ dām̄ kə́ rang tə́ ō ní, ni i ngol de gə̄.

MISE 4:2

Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

PĀ GƏ̄ 9:2

Kɔ́ɔ̄ɓē, m̄-ndigə ɓōkíī tɔ̄ȳ kə ngarā̰ kemḿ gēé malang ō, m̄-ndigə kənī gotə yá̰a̰ malang kə́ majə ngá̰ý gə̄ ń ī-rāā ní ō.

PĀ GƏ̄ 57:9

Ngarā̰ kemḿ ī-ndól̄! Kənde kə́ kəlān i ngá̰ý ō, kə́ kəlān i ngá̰ý aĺ ō ī-ndólī dɔ ɓīī tə́! M-ā m̄-ndól̄ ta gír loo dɔ ɓīī tə́.

PĀ GƏ̄ 150:2

Ī-tɔ̄ȳniī tām̄ yá̰a̰ rāān kə́ to ɓōĺ gə̄ tə́. Ī-tɔ̄ȳniī tām̄ ni i de kə́ bo ngá̰ý.