PĀ GƏ̄ 94:5 - Bibəl ta Sar̄

⁵ Kɔ́ɔ̄ɓē, nin̄ rāān̄ kum deē yāí gə̄ ndoō tə́! Ngé gə̄ ń i deē yāí gə̄ ní, nin̄ əlan̄ rɔ̄sɔl̄ dɔdə́ tə́.

Bible sar

⁵ Kɔ́ɔ̄ɓē, nin̄ rāān̄ kum deē yāí gə̄ ndoō tə́! Ngé gə̄ ń i deē yāí gə̄ ní, nin̄ əlan̄ rɔ̄sɔl̄ dɔdə́ tə́.

PĀ GƏ̄ 94:5 Referans Kwoze

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

JEREMI 51:34

Nabukodonosor, mban̄g kə́ Babilon, rə́yā̰m̄ naā tə́ ō, əsam̄ ō. Ni rāām̄ ādə̄ m̄-tél səmbē kə́ tō̰ń kem kɔ̄ɔ́. Ni urəm̄ kemən tə́ tītə̄ dā̰ kə́ bo kə́ to ɓōĺ ngá̰ý beē. Ni njúū yibə̄ kə́ kəngāḿ tə́ adə̄ ndān̄ kemən ba əya̰m̄ kɔ̄ɔ́.

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

JEREMI 22:17

Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

IJAI 52:5

Ba ngɔlaā ní m-ə́nge i rí gírí? Najə̄ ń Kɔ́ɔ̄ɓē əda ní n noó. Əhɔn̄ gír deē yāḿ gə̄ dəngáy ba aw̄n̄ sedə́ i karī. Ngé gə̄ ń ndin̄ dɔdə́ tə́ ní, urən̄ kɔĺ tetə rɔ̄ɔ̄ ō, nin̄ tájə̄n̄ rīḿ kanjə̄ kadə̄ asədə́ ō. Najə̄ ń Kɔ́ɔ̄ɓē əda ní n noó.

PĀ GƏ̄ 79:7

tɔdɔ̄ nin̄ təgān̄ yá̰a̰ yā Jakob malang, nujən̄ loo yān sák sák kɔ̄ɔ́.

PĀ GƏ̄ 74:8

Nin̄ ədan̄ naā najə̄ kə́ dɔjí tə́ na: J-a j-əlaī dɔdə́ gíŕ tɔ́gə́jí tə́ ō, j-a jə-tə́laī hor dɔ loo malang kə́ kem ɓēé ń de gə̄ a əngen̄ naā kə Nə́ɓāá tū tə́ ní ō.

PĀ GƏ̄ 44:22

Nə́ɓā ń i nge ger̄ yá̰á̰ kə́ to loo ɓɔ̄ɔ̄ tə́ kem de gə̄ tə́ ní a a̰a̰ aĺ a?

PĀ GƏ̄ 14:4

Kɔ́ɔ̄ɓē əda na ngé rāā yá̰a̰ majaĺ gə̄ ń noō na gerə̄n̄ yá̰a̰ aĺ rɔ̄kum, tɔdɔ̄ na əsan̄ jī gír deē yān gə̄ ajən̄neé, ba na ɓārə́n̄ rīn nja kógə̄ḿ aĺ bátə́.

PĀ GƏ̄ 7:2

Kɔ́ɔ̄ɓē, Nə́ɓā yāḿ, m̄-namī. Ájəm̄, ī-taām̄ jī ngé rāā kumḿ ndoō tə́ gə̄ tə́ malang.

NŌŌ RƆ̄ 3:36

dan ń gāngə̄n̄ sarya dɔ deē kógə̄ḿ tə́ kə gōó aĺ ō ní, Kɔ́ɔ̄ɓē a̰a̰ aĺ a?

EJEKIEL 22:7

De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.