PĀ GƏ̄ 94:10 - Bibəl ta Sar̄

¹⁰ Ni ń ənda nápar de gə̄ tām̄ majaĺ yādə́ tə́ ní, asə kənda deē tām̄ yá̰á̰ kə́ majaĺ kə́ kɔ́ɔ̄ rāā tə́ aĺ a? Kɔ́ɔ̄ɓē ń rāā adə̄ deē ger̄ yá̰á̰ ní,

Bible sar

¹⁰ Ni ń ənda nápar de gə̄ tām̄ majaĺ yādə́ tə́ ní, asə kənda deē tām̄ yá̰á̰ kə́ majaĺ kə́ kɔ́ɔ̄ rāā tə́ aĺ a? Kɔ́ɔ̄ɓē ń rāā adə̄ deē ger̄ yá̰á̰ ní,

PĀ GƏ̄ 94:10 Referans Kwoze

Makətūbə̄ yā Job 35:11

nge ndóōjí yá̰a̰ kə ta kūl̄ dā̰ kə́ bembeé gə̄ ō, nge ndóōjí kum kedə̄ kə ta kūl̄ yel̄ gə̄ ō ní.

IJAI 28:26

I Nə́ɓā yān n ndóōn loo rāā yá̰a̰ tītə̄ ń noō ō, ɔjən yá̰a̰ adə̄ ger̄ ní ō.

JEREMI 10:25

Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

PĀ GƏ̄ 44:2

Nə́ɓā, yá̰á̰ kə́ to rī ɓār̄ gə̄ ń ī-rāā kété jóo ɓāl̄ yā kaají gə̄ tə́ ní, bɔbə̄jí gə̄ ənīn̄jí gotə, adə̄ j-oō kə mbījí.

JA̰A̰ 6:45

I kə́ ndang kem makətūbə̄ yā ngé koō ta gə̄ tə́ na: Nin̄ malang ní Nə́ɓā a ndóōdə́ yá̰a̰. Náā nəkɔ́ ń oō ta Bɔbə̄ Ngōn̄ ō, ndóō yá̰a̰ yān ō ní, a reē rɔ̄ḿ tə́.

HABAKUK 3:12

Wōn̄g i ngá̰ý kemií tə́ ō, ī-njə̄rā kumií kə̄ kété dɔ nang tə́ ō. Ḭ̄ ī-rējə̄ gotə nápar de gə̄ kɔ̄ɔ́ tɔdɔ̄ wōn̄g rāāī ngá̰ý.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

AMOS 3:2

Dan gír kojə gə̄ malang kə́ dɔ nang tə́ ní, i sḭḭ̄ ngóy m-ə̄ndā kumḿ gíŕsí tə́ ní. I tām̄ najə̄ ń noō tə́ n m-ā m̄-rāāsí yá̰á̰ kógə̄ḿ, najə̄ yá̰a̰ rāāsí gə̄ malang kə́ majaĺ ngá̰ý tə́ ní.

EJEKIEL 39:21

M-ā m-ɔ́jə́ nápar de gə̄ kɔsə gɔn yāḿ. Nin̄ malang a a̰a̰n̄ loo kun ń m-ā m-úń tɔ́gə́ḿ yā rāań yá̰á̰ ń m-ə́da m̄-gāngəń sarya ní.

IJAI 54:13

Ngání gə̄ malang ní, m-ā m̄-ndóōdə́ yá̰a̰ ō, nin̄ a ndin̄ dan majə tə́ ō.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

IJAI 2:3

Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

Gōsə̄ najə̄ gə̄ 2:6

Tɔdɔ̄ i Kɔ́ɔ̄ɓē n i nge kadə̄ deē kum kedə̄ ní. Yá̰a̰ ger̄ ō, ger̄ kum najə̄ ō, a teēn̄ i tan ni tə́.

PĀ GƏ̄ 119:66

Ī-ndóōm̄ loo ka̰a̰ yá̰a̰ majə ō, loo ger̄ gō míndí gə̄ ō, tɔdɔ̄ m̄-taā kemdə́.

PĀ GƏ̄ 10:16

Kɔ́ɔ̄ɓē i mban̄g ngándáńg, nápar de kə́ rang gə̄ a gətóon̄ kɔ̄ɔ́ kem ɓē yān tə́.

PĀ GƏ̄ 9:5

Tɔdɔ̄ ḭ̄ ī-rɔ̄ɔ̄ dɔḿ tə́ ō, ī-gān̄g sarya yāḿ ō. Ī-ndi dɔ kōr̄ kāgə̄ mbang yāí tə́, ḭ̄ i nge gān̄g sarya kə́ gōtə́.

PĀ GƏ̄ 149:7

I gáŕ kadə̄ rāān̄ ba̰ā̰ dɔ nápar de gə̄ tə́, kadə̄ tə̄ndān̄ gír de gə̄ tām̄ majaĺ yādə́ tə́,

Makətūbə̄ yā Job 28:28

Gō tə́ anī əda deē ndul na: Yá̰á̰ ń i kum kedə̄ ní, i ɓōĺ ndíĺ Kɔ́ɔ̄ɓē! Yá̰á̰ ń i ger̄ yá̰á̰ ní, i ka̰a̰ yá̰á̰ kə́ majaĺ a ka̰ȳ kɔ̄ɔ́ ta tə́!

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.