PĀ GƏ̄ 92:6 - Bibəl ta Sar̄

⁶ Kɔ́ɔ̄ɓē, kəla rāāī gə̄ boon̄ to ɓōĺ ngá̰ý ō, gír̄ yāí teē sa̰y ngá̰ý ō!

Bible sar

⁶ Kɔ́ɔ̄ɓē, kəla rāāī gə̄ boon̄ to ɓōĺ ngá̰ý ō, gír̄ yāí teē sa̰y ngá̰ý ō!

PĀ GƏ̄ 92:6 Referans Kwoze

PĀ GƏ̄ 73:22

m̄-mbó ngá̰ý, m̄-ger̄ kum yá̰a̰ alé, m̄-to i tītə̄ dā̰ beé, ɓá tā ba mā i naā tə́ seí.

PĀ GƏ̄ 94:8

Ōōī, sḭḭ̄ ń i mbóo de gə̄ dan madə̄sí gə̄ tə́ ní, sḭḭ̄ ń dɔsí un yá̰a̰ aĺ ní, ā ī-gerī kum najə̄ i ndɔ̄ kə́ rá tə́?

Gōsə̄ najə̄ gə̄ 1:22

Sḭḭ̄ de kə́ kum gān̄g aĺ gə̄, a nel̄sí kə kum gān̄g aĺ yāsí i bátə́ ta kə́ rá? Ngé lur loo gə̄ a nel̄də́ lur loo i bátə́ ta kə́ rá ō, de kə́ mbóo gə̄ a mbātə́n̄ yá̰a̰ ger̄ i bátə́ ta kə́ rá ō?

PĀ GƏ̄ 49:10

Ni a ndi kə kumneé ngándáńg a? A oy yā kaw̄ ɓádá aĺ a?

1 KORḚNTƏ 2:14

Deē ń aw̄ kə Ndíl Nə́ɓāá aĺ ní, a asə ndigə najə̄ kə́ rɔ̄kum gə̄ kə́ ḭḭn̄ rɔ̄ Ndíĺ ní tə́ alé: Najə̄ gə̄ ní i najə̄ kə́ to mbóo ta kumən ni tə́. Ni-asə ger̄ kumdə́ alé, tɔdɔ̄ deē a asə kəda najə̄ dɔ yá̰á̰ tə́ i kə ta kūl̄ Ndíl.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

Gōsə̄ najə̄ gə̄ 24:7

Yá̰a̰ gə̄ kə́ tū kum kedə̄ tə́ ní de kə́ mbóo asə kugə̄ gō tə́ alé, ni asə teē tan loo sarya kə́ kem ɓēé tə́ alé.

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

Gōsə̄ najə̄ gə̄ 30:2

Kə́ rɔ̄kum gə̄ tə́ ní, mā i de kə́ m̄-mbóo m̄-tɔȳ de gə̄ malang. Kur̄ dɔ ń aw̄n̄neé ní mā m-āwń alé.

PĀ GƏ̄ 32:9

Ī-lōō ndájə̄ sə́nda, aláa kərō rapáy ń mbóon̄ páráńg á, a əhɔn̄də́ gətóo i kə jámáá ō kə kəlāá ō ní. Loo ń noō tə́ yá̰a̰ a rāāī alé.

PĀ GƏ̄ 14:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. De kə́ mbóo gə̄ ədan̄ naā dɔ dandə́ tə́ na Nə́ɓā na gətóo! Nin̄ i de kə́ nujə kɔ̄ɔ́ gə̄. Yá̰a̰ rāādə́ to yḛr kum. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo.

PĀ GƏ̄ 75:4

Dɔ nang asə ndebə kə de gə̄ malang kə́ tū tə́. I mā Nə́ɓā n m-údə bir̄ njan m-ādə̄ ra ngan̄g ní aĺ a?

PĀ GƏ̄ 104:24

Kɔ́ɔ̄ɓē, kəla rāāí gə̄ i ngá̰ý! Ḭ̄ ī-rāādə́ malang i kə kum kedēé, yá̰a̰ gə̄ ń ə̄ndādə́ ní taān̄ loo dɔ nang tə́ malang.

PĀ GƏ̄ 139:14

Kɔ́ɔ̄ɓē, m̄-tɔ̄yī tɔdɔ̄ ī-rāā dā̰ rɔ̄ḿ adə̄ majə to ɓōĺ ngá̰ý. Yá̰a̰ rāāí to kɔr kum ngá̰ý adə̄ m̄-ger̄ majə.

IJAI 28:29

Kɔ́ɔ̄ɓē kə́ bo kə́ tɔ́gən i ngá̰ý ní, loo rāā kəla kə́ tītə̄ ń noō ḭḭ i rɔ̄n tə́ ō. Ni i nge kadə̄ kɔjə̄ kə́ majə ngá̰ý. Ni ger̄ rāā yá̰á̰ ngá̰ý.

IJAI 55:9

Jī bēl̄ loo rāā yá̰a̰ yāḿ gə̄ ō, jī bēl̄ loo rāā yá̰a̰ yāsí gə̄ ō ní, dɔ dáńdə́ i sa̰y ngá̰ý, gír̄ yāḿ gə̄ ō, gír̄ yāsí gə̄ ō ní, dɔ dáńdə́ i sa̰y ngá̰ý. Dɔ dáńdə́ i sa̰y tītə̄ dɔ dán dɔ rā̰ kə dɔ nangaá beē.

JEREMI 32:19

Nə́ɓā kə́ nge ger̄ kadə̄ kɔjə ngá̰ý ō, nge ger̄ rāā yá̰á̰ ngá̰ý ō, ə̄ndā kumií gíŕ hál de gə̄ tə́ malang ō, ə̄ndā njadə́ kógə̄ḿ kógə̄ḿ kə gō hál rāādə́ gēé ō, yá̰a̰ rāādə́ gēé ō.