PĀ GƏ̄ 92:3 - Bibəl ta Sar̄

³ Kəda najə̄ kem majə yāí dəloí ɓatə i yá̰á̰ kə́ majə ō, kəda najə̄ yá̰á̰ kə́ rɔ̄kum yāí ndɔ̄ɔ́ i yá̰á̰ kə́ majə ō.

Bible sar

³ Kəda najə̄ kem majə yāí dəloí ɓatə i yá̰á̰ kə́ majə ō, kəda najə̄ yá̰á̰ kə́ rɔ̄kum yāí ndɔ̄ɔ́ i yá̰á̰ kə́ majə ō.

PĀ GƏ̄ 92:3 Referans Kwoze

PĀ GƏ̄ 33:2

Úgiī kənde ī-ɓōkíīneé Kɔ́ɔ̄ɓē tɔ̄ȳ. Úgiī kənde kə́ kəlān i kutə ādə̄niī!

PĀ GƏ̄ 68:25

Nə́ɓā, nin̄ a̰a̰n̄ kósə de gə̄ ń njə̄rān̄ gōí tə́ ní, kósə de gə̄ ń njə̄rān̄ gō Nə́ɓā yāḿ tə́ ō, mban̄g yāḿ tə́ ō, kem loo kə́ táĺ tə́ ní.

NEHEMI 12:27

Dan ń əndān̄ ndogə̄ mbal̄ kə́ Jerusalem oy anī, əlan̄ gō ngán Lebi gə̄ tə́ loo malang ń ndin̄ tū tə́ ní tə́ kadə̄ reē ɔrə̄n̄ kamə̄n tayā tām̄ yā Nə́ɓā tə́ ō, rāān̄ nān kə rɔ̄nelēé ō, kə tɔ̄ȳ gə̄ ō, pā gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde kə́ kəlān i ngá̰ý kə́ kugə gə̄ ō, kə́ kəlān i ngá̰ý aĺ kə́ kugə gə̄ ō.

2 YÁ̰A̰ GƏ̄ 23:5

ɓūtə̄ kə́ nge ko̰ jōó a ngɔ̄m̄ kújə yā mban̄g ō, ɓūtə̄ kə́ nge ko̰ mətá a ngɔ̄m̄ ta róbə́ ń a ɓārə̄n̄ na i ta róbə ngəra kújə́ ní ō. Ngán Israel gə̄ malang a ran̄ ndágə loo kə́ gīr̄ gidə kújə yā Kɔ́ɔ̄ɓē gə̄ kə́ ta kújə yā Kɔ́ɔ̄ɓē tə́.

1 YÁ̰A̰ GƏ̄ 13:8

Dabid ō, Israel gə̄ malang ō, ənīn̄ pā ndāmə̄n̄neé kə tɔ́gə́də́ gēé malang ō, ugən̄ kənde gə̄ kə́ kəladə́ i ngá̰ý gə̄ ō, kə́ kəladə́ i ngá̰ý aĺ gə̄ ō, əndan̄ kɔdə tamburḛ̄ḛ gō tə́ ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kɔ̄rə́n̄ bərúnjə gə̄ ō.

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

1 SAMUEL 10:5

Gō tə́ anī ā ɔ̄tə̄ Gibea Eloim ń i ɓē ń ngé ko̰o̰ ɓē gə̄ yā Pilistin gə̄ ndin̄ tū tə́ ní. Ré ā údə kə̄ kem ɓēé anī, ā ə́nge ɓūtə̄ ngé koō ta gə̄ kə́ ḭḭn̄ loo kə́ kḭḭ kə̄ dɔɔ́ tə́ a reēn̄. Ngé kugə kənde kə́ kəlān i ngá̰ý gə̄ ō, kə́ kəlān i ngá̰ý aĺ gə̄ ō, ngé kənda kɔdə gə̄ ō, ngé kɔĺ nal gə̄ ō, a njə̄rān̄ kété nodə́ tə́. Ba nin̄ kɔ́ gə̄ tá a ɔrə̄n̄ najə̄ kə́ loo ngé koō ta gə̄ tə́ beé.

PĀ GƏ̄ 149:3

Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.

PĀ GƏ̄ 57:8

m̄-sōl̄ to̰ alé, Nə́ɓā yāḿ, m̄-sōl̄ to̰ alé. m-ā m-ə̄nī pā yā kɔsəń gɔnií.

2 YÁ̰A̰ GƏ̄ 29:25

Gō tə́ anī mban̄g tə́nī ngán Lebi gə̄ kem kújə yā Kɔ́ɔ̄ɓē tə́ kə gində̄ kə́ laa gə̄ kə́ yā kənda naā tə́ kadə̄ ɓār̄ gēé ō, kə kənde gə̄ kə́ kəlādə́ i ngá̰ý gēé ō, kə ngé kə́ kəlādə́ i ngá̰ý aĺ gēé ō, jīdə́ tə́, kə gō ń Dabid ō, Gad nge ka̰a̰ yá̰a̰ yā mban̄g ō, Natan nge koō ta ō, ədan̄neé kadə̄ rāān̄ ní. Tɔdɔ̄ i Kɔ́ɔ̄ɓē n əda kadə̄ yā rāā ní. Ni-əndā najə̄ ní i ta ngé koō ta yān gə̄ tə́ kadə̄ ədan̄.

1 YÁ̰A̰ GƏ̄ 25:6

De gə̄ malang ń noó i bɔbə̄də́ n i nge kɔr̄də́ ta róbə́ á a ənīn̄neé pā kem kújə yā Kɔ́ɔ̄ɓē tə́ ní. A dānə̄n̄ gō pā yādə́ i kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, i kə kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō. I mban̄g ō, Asap ō, Yedutun ō, Heman ō n i ngé kɔr nodə́ loo rāā kəla yādə́ tə́ tām̄ yā kújə yā Nə́ɓā tə́ ní.

1 YÁ̰A̰ GƏ̄ 15:16

Dabid əda ngol ngán Lebi gə̄ kadə̄ tə́ndān̄ ngákó̰ó̰də́ kə́ ngé kənī pā gə̄ kem kəla yādə́ tə́, kadə̄ ənīn̄ pā kə yá̰á̰ kə́ ɓār̄ gōsə̄ gēé. Yá̰a̰ gə̄ ní i kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō, i gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō. A ugən̄ kənde gə̄ ní ō, a əndan̄ gində̄ kə́ laa gə̄ ní naā tə́ ō, kadə̄ kōōdə́ ɓār̄ ngá̰ý yā kɔjəń na rɔ̄nel̄ to.

1 YÁ̰A̰ GƏ̄ 23:30

Nin̄ a ndin̄ dɔ rɔ̄də́ tə́ yā kɔ̄sə gɔn Kɔ́ɔ̄ɓē tə́ ō, yā ɓōkə́n tɔ̄ȳ ō,

2 YÁ̰A̰ GƏ̄ 20:28

Nin̄ ugən̄ i kənde gə̄ kə́ kəlādə́ i ngá̰ý aĺ gə̄ ō, kə́ kəlādə́ i ngá̰ý gə̄ ō, kɔ̄rə́n̄ bərúnjə gə̄ ō n udən̄neé kem ɓē kə́ Jerusalem tə́ ō, aw̄n̄neé bátə́ ugə̄n̄ ta kújə yā Kɔ́ɔ̄ɓē tə́ ō ní.

PĀ GƏ̄ 42:9

Kadaá anī Kɔ́ɔ̄ɓē rāā kem majə seḿ, ndɔ̄ɔ́ anī m-ə̄nī pā yān ō, m̄-ndɔ̄ȳ Nə́ɓā ń i nge rāā kadə̄ m̄-ndi kə kumḿ ní ō.