PĀ GƏ̄ 92:13 - Bibəl ta Sar̄

¹³ Banī de kə́ súmūú tɔgə tītə̄ kāgə̄ túmbur beé. Ta jīn tɔ̄ɔ̄ tītə̄ kāgə̄ sédər kə́ Liban beé.

Bible sar

¹³ Banī de kə́ súmūú tɔgə tītə̄ kāgə̄ túmbur beé. Ta jīn tɔ̄ɔ̄ tītə̄ kāgə̄ sédər kə́ Liban beé.

PĀ GƏ̄ 92:13 Referans Kwoze

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

EPEJƏ 3:17

Ba kadə̄ Kərist ndi kemsí tə́ kə ta kūl̄ taā kə́ ī-taāī kemən ō, ə́laī ngərasí kem tár tə́ ō, ī-raī ngan̄g dɔ tə́ ō.

Makətūbə̄ ń Pol ndang adə̄ Rom gə̄ ní 6:5

Ré jə-rāāī i dā̰ rɔ̄ kə́ kógə̄ḿ beē seneé loo koy kə́ tītə̄ yān tə́ anī, j-a jə-rāāī dā̰ rɔ̄ kə́ kógə̄ḿ beē seneé loo ndól̄ kə́ tītə̄ yān tə́ ō.

PĀ GƏ̄ 100:4

Ī-rāāniī kə́ra loo ń ā údiī kə̄ kem kújə yān tə́ ní. Ī-ɓōkə́nī tɔ̄ȳ dan ń ā údiī kə̄ kem ndogə̄ yān tə́ yā kaw̄ ra ndágə loo kə́ gīr̄ gidə kújə yān tə́ ní. Ɔ́siī gɔnən, ī-tɔ̄yī rīn.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

PĀ GƏ̄ 116:19

ndágə loo kə́ gīr̄ gidə kújə yān tə́ tə́, kemií ḭ̄ ɓē kə́ Jerusalem tə́ tə́! Aleluya!

2 YÁ̰A̰ GƏ̄ 4:9

Rāān̄ ndágə loo kə́ gīr̄ gidə kújə yā Kɔ́ɔ̄ɓē yā ngé tun̄ yá̰a̰ gə̄ ō, rāān̄ ndágə̄ loo kə́ rang kə́ bo ngá̰ý ō, rāān̄ ta róbə gə̄ kə́ yā kudəń kə̄ ndágə̄ loo gə̄ ní tə́ ō. Rāān̄ gidə bápə gə̄ kə́ tū ta róbə gə̄ ní tə́ i kə gində̄ nə̄ngá kasaá.

Makətūbə̄ ń Pol ndang adə̄ Rom gə̄ ní 11:17

Ngán Israel gə̄ rāān̄ rɔ̄də́ i kāgə̄ olibə kə́ ɓēé kə́ tə́gān̄ ta jīn kə́rēý gə̄ kɔ̄ɔ́ tə́. Ḭ̄ ń i Jipə aĺ ní, ī-rāā rɔ̄í i kāgə̄ olibə kə́ bembeé, kə́ əhɔīn̄ gotədə́ tə́, adə̄ ī-ndi kə ta kūl̄ bəto ń ngəra kāgə̄ olibə kə́ ɓēé a adī ní.

ESTER 9:4

Tɔdɔ̄ Mardose i de kə́ bo kə́ ndogó mbangāá ō, rīn ɓār̄ asə gō nang gə̄ malang ō, tɔ́gən reē dɔ madə̄ tə́ ō.

PĀ KƏ́ MAJƏ 4:11

Nge nong yāḿ, taí i man̄ hútə̄ kāgə̄ kə́ lúndə̄. Gír ndo̰í i yibə̄ tejə ō mba ō. Kūbə̄ yāí gə̄ otən̄ tītə̄ sēē kāgə̄ gə̄ kə́ Liban beé.

PĀ KƏ́ MAJƏ 5:15

Njan gə̄ i mbal̄ máŕbər kə́ ra ngāl̄ ɓururu ba ndin̄ dɔ bir̄ njadə́ gə̄ kə́ rāān̄ kə́ lɔ́ŕ kə unjə̄ njáý njáý. Á̰a̰n ɓáa to tītə̄ mbal̄ Liban beé. Ni to tayā tītə̄ kāgə̄ sédər gə̄ beé.

OJEE 14:5

Kɔ́ɔ̄ɓē əda na: Mo̰y kəra dɔ ndū tə́ aĺ ń rāā Israel ní, m-ā m̄-tɔ̄l̄ kɔ̄ɔ́ dɔn tə́. M-ā m̄-tárən kə kem kə́ majaá, tɔdɔ̄ wōn̄g rāām̄ seneé to̰ alé.