PĀ GƏ̄ 92:1 - Bibəl ta Sar̄

¹ Pā. I pā kə́ ndɔ̄ sabat tə́.

Bible sar

¹ Pā. I pā kə́ ndɔ̄ *sabat tə́.

PĀ GƏ̄ 92:1 Referans Kwoze

PĀ GƏ̄ 147:1

Aleluya! Kɔsə gɔn Nə́ɓā yājí i yá̰á̰ kə́ majə ngá̰ý, ɓōkə́n tɔ̄ȳ kə gōó majə i yá̰á̰ kə́ nel̄ ta ngá̰ý!

PĀ GƏ̄ 107:1

Ɔ́siī gɔn Kɔ́ɔ̄ɓē tām̄ ni i nge kem ndaa, tɔdɔ̄ ni-rāā kem majə ngándáńg.

EPEJƏ 5:19

Ɔ̄rī najə̄ kə naá kə pā gə̄ kə́ yā ndɔ̄yń Nə́ɓā ō, kə́ yā tɔ̄ȳnəń ō, kə pā gə̄ ń Ndíĺ adə̄sí ní ō. Ə̄nīī pā gə̄ ɔ́siīneé gɔn Kɔ́ɔ̄ɓē kə ngarān̄g kemsí malang.

PĀ GƏ̄ 135:3

Aleluya! Kɔ́ɔ̄ɓē i de kə́ majə! Ī-tɔ̄yī rīn kə pāá, tɔdɔ̄ ni i de kə́ kemən ndaa ngá̰ý!

PĀ GƏ̄ 33:1

Sḭḭ̄ de kə́ gōtə́ gə̄ ə́gaī kɔŕ rɔ̄nel̄ dɔ Kɔ́ɔ̄ɓē tə́! Ɓōkə́n tɔ̄ȳ əhɔ i de kə́ súmūú gə̄.

PĀ GƏ̄ 73:28

Banī ndi majə yāḿ mā i ndi ngɔr rɔ̄ Nə́ɓā tə́. m̄-ɓɔ̄ɔ̄ rɔ̄ḿ i rɔ̄ Kɔ́ɔ̄ɓē Nə́ɓā tə́, kadə̄ m-ɔ́jəń kəla rāāí gə̄ malang.

PĀ GƏ̄ 107:8

Ādə̄ nin̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 52:9

Á̰a̰ī dəngam ń Nə́ɓā i loo ɓɔ̄ɔ̄ rɔ̄ yān kə́ ngan̄g ngá̰ý alé, adə̄ əndā tɔ́gən i dɔ yá̰a̰ kənge yān gə̄ tə́ ō, dɔ yá̰a̰ rāān kə́ majaĺ gə̄ tə́ ō ní!

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

PĀ GƏ̄ 107:15

Ādə̄ nin̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 54:6

Á̰a̰ā̰, Nə́ɓā i nge dḭḭ̄m̄, i Kɔ́ɔ̄ɓē ngóy n i nge kəhɔm̄ kə̄ dɔɔ́ ní.

PĀ GƏ̄ 92:8

Ré de kə́ sew aĺ gə̄ tɔgən̄ ngá̰ý tītə̄ mu ō, ngé rāā yá̰a̰ majaĺ gə̄ malang teēn̄ deē ō anī, i yā kadə̄ nujən̄ sedə́ kə́ njɔ́ḿ gə̄ tə́.

PĀ GƏ̄ 50:23

Deē ń yá̰a̰ tun̄ yān i tɔ̄ȳ ní n i deē ń ɔsə gɔnəḿ ní. Deē ń ngɔ̄m̄ hálən majə adə̄ ni i de kə́ súmūú ní, m-ā m-ɔ́jən loo kajə ń Nə́ɓā a ajə deē ní.

PĀ GƏ̄ 82:6

M-ə́dá wáńg na sḭ́ḭ̄ i nə́ɓā gə̄, sḭḭ̄ malang i ngáń kem Nə́ɓā kə́ dɔɔ́ sa̰y ngá̰ý,

HEBƏRO 13:15

I beé ní, jə-ndējī Nə́ɓā tɔȳ yājí tītə̄ yá̰a̰ tun̄ beé kə ndɔ̄ gə̄ ndɔ̄ gə̄, kə ta kūl̄ Jeju. Kumən na ādə̄ jə-tɔ̄yī rīn kə tam tají kə ndɔ̄ gə̄ ndɔ̄ gə̄.

HEBƏRO 4:9

I beé ní, kɔr̄ koō kógə̄ḿ kə́ to tītə̄ kɔr̄ koō yā Nə́ɓā kə́ kə ndɔ̄ kə́ nge ko̰ sīrí to noó tām̄ yā de gə̄ yā Nə́ɓā tə́.