PĀ GƏ̄ 91:4 - Bibəl ta Sar̄

⁴ Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

Bible sar

⁴ Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

PĀ GƏ̄ 91:4 Referans Kwoze

PĀ GƏ̄ 61:4

Tɔdɔ̄ ḭ̄ i loo ɓɔ̄ɔ̄ rɔ̄ yāḿ, kújə yāḿ kə́ ngan̄g ta kum madə̄ ba̰ā̰ḿ tə́.

PĀ GƏ̄ 57:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.

PĀ GƏ̄ 17:8

Ī-ngɔ̄mə̄m̄ tītə̄ loo ngɔ̄m̄ njár̄ kumií beē. Ī-ɓɔ̄ɔ̄m̄ gír bɔ̄gīí tə́,

NDŪ NAJƏ̄ 32:11

Tītə̄ ń kə̄rō a nēləń dɔ ngánən tə́ ba a mērə̄n̄də́ kḭḭ bɔ̄gə̄, aké a jā̰a̰ń bɔ̄gə̄n gíŕdə́ tə́ yā kɔgə̄ńdə́ kəsō ní, Kɔ́ɔ̄ɓē to i tītə̄ ń noō tām̄ yā deē yān gə̄ tə́ ō.

PĀ GƏ̄ 35:2

Ún der ō, kūbə̄ gində̄ ō, ba ḭ́ḭ dɔɔ́ ī-dḭḭ̄m̄!

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

RUTƏ 2:12

Ndə̄ngā yāḿ i kadə̄ Kɔ́ɔ̄ɓē əndā njaí tām̄ yā yá̰a̰ gə̄ ń noō tə́ malang. Kadə̄ Kɔ́ɔ̄ɓē Nə́ɓā yā Israel əndā njaí ngá̰ý kadə̄ tɔȳ dɔ. Tɔdɔ̄ ī-reē ī-ɓɔ̄ɔ̄ rɔ̄í i gír bɔ̄gə̄n tə́.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

MARK 13:31

Dɔ rā̰ ō, dɔ nang ō, a mānə̄n̄, ba najə̄ yāḿ gə̄ a mānə̄n̄ alé.

PĀ GƏ̄ 138:2

M-ɔ́sə noḿ nang tə́ sɔɔ̄ kújə́ kə́ táĺ yāí ō, m̄-tɔ̄ȳ rīí ō, i tām̄ kem majə yāí tə́ ō, najə̄ kə́ rɔ̄kum yāí tə́ ō, tɔdɔ̄ ḭ̄ ī-rāā i yá̰á̰ ń ə̄nī míndí yā rāā ní ō, ḭ̄ ī-rāā ādə̄ mān̄ dɔ ō.