PĀ GƏ̄ 91:2 - Bibəl ta Sar̄

² M-ə́da najə̄ kə́ dɔ Kɔ́ɔ̄ɓē tə́ na: Ni i loo ɓɔ̄ɔ̄ rɔ̄ yāḿ, ndogə̄ mbal̄ kə́ ngan̄g ngá̰ý yāḿ, Nə́ɓā yāḿ: Adə̄ m-ə̄ndā kemḿ i dɔn ni tə́!

Bible sar

² M-ə́da najə̄ kə́ dɔ Kɔ́ɔ̄ɓē tə́ na: Ni i loo ɓɔ̄ɔ̄ rɔ̄ yāḿ, ndogə̄ mbal̄ kə́ ngan̄g ngá̰ý yāḿ, Nə́ɓā yāḿ: Adə̄ m-ə̄ndā kemḿ i dɔn ni tə́!

PĀ GƏ̄ 91:2 Referans Kwoze

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

PĀ GƏ̄ 142:5

Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

PĀ GƏ̄ 46:1

Pā kə́ kem makətūbə̄ yā ngār yā gōsə̄ pā gə̄ tə́ ō, i pā yā ngán Kore gə̄ ō. A dānə̄n̄ gō i kə ndū kə́ dūú ngá̰ý.

PĀ GƏ̄ 71:3

Ādə̄ ḭ̄ i mbal̄ ń m-ā m̄-déw gidə tə́ kadə̄ yá̰a̰ ɔdə rɔ̄ḿ aĺ ní, mbal̄ ń m-ásə kaw̄ tū tə́ kə kum mbang gə̄ malang ní. Ḭ̄ ī-gḛy kajəm̄. A̰á̰ā̰, ḭ̄ i mbal̄ yāḿ, ɓē kə́ ngan̄g ngá̰ý yāḿ.

PĀ GƏ̄ 14:6

Yá̰a̰ gə̄ ń nge ndoō əndā kemən dɔ tə́ ní sḭḭ̄ ī-rāāī i yá̰á̰ kə́ karī tə́, banī Kɔ́ɔ̄ɓē i loo ɓɔ̄ɔ̄ rɔ̄ yān.

PĀ GƏ̄ 91:9

Rɔ̄kum Kɔ́ɔ̄ɓē, i ḭ̄ n i loo ɓɔ̄ɔ̄ rɔ̄ yāḿ ní! Ḭ̄ ī-rāā Nə́ɓā kə́ dɔɔ́ sa̰y ngá̰ý i loo ndi yāí tə́,

HEBƏRO 11:16

Kə́ rɔ̄kum tə́ tā anī nin̄-gḛyn̄ i ɓē kə́ majə tɔȳ nge ń nin̄-teēn̄ kemeé á reēn̄ ní. Kumən na nin̄-gḛyn̄ i ɓē kə́ dɔ rā̰ tə́. I tām̄ najə̄ ń noō tə́ n ré ɓārə́n̄ Nə́ɓā na i Nə́ɓā yādə́ anī, rɔ̄ Nə́ɓā sɔlə̄n aĺ ní. Tɔdɔ̄ Nə́ɓā rāā ɓē kógə̄ḿ tām̄ yādə́ tə́.

PĀ GƏ̄ 48:14

Á̰a̰ī ndogə̄ mbal̄ kə́ gidə tə́ gə̄ majə. Ī-tə́daī kutə loo kə́ ngan̄g ngan̄g kə́ tū tə́ gə̄ majə ī-gerī, kadə̄ ə́daīneé ngé kə́ ndɔ̄ń tə́ gə̄ gotə.

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

Najə̄ kə́ Majə yā Jeju ń Luk ndang ní 20:38

Banī Nə́ɓā i Nə́ɓā yā de kə́ koy gə̄ alé, ba i Nə́ɓā yā de gə̄ kə́ ndin̄ kə kumdə́ gə̄, tɔdɔ̄ nin̄ malang ndin̄ kə kumdə́ i kə kūl̄neé.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

PĀ GƏ̄ 43:4

Loo ń noō tə́ m-ā m-ūgə̄ loo tun̄ yá̰a̰ yāí tə́, rɔ̄í ḭ̄ ń i nge rāā kadə̄ m̄-ndām̄ ndām̄ rɔ̄nel̄ ní tə́. M-ā m-ún kənde yāḿ kə̄ jīḿ tə́ yā kugə ɓōkíīneé tɔ̄ȳ, ḭ̄ ń i Nə́ɓā yāḿ ní!

PĀ GƏ̄ 18:3

Kɔ́ɔ̄ɓē i mbal̄ yāḿ ō, loo ndiḿ kə́ ngan̄g ngá̰ý ō, nge gān̄g dɔḿ ō. Ni i Nə́ɓā yāḿ ō, mbal̄ ɓɔ̄ɔ̄ rɔ̄ yāḿ ō. Ni i der yāḿ ō, yá̰á̰ ń m̄-tetəń rɔ̄ɔ̄ ní ō, loo ndiḿ kə́ ngan̄g ō.

PĀ GƏ̄ 25:2

Nə́ɓā yāḿ, m-ə̄ndā kemḿ dɔí tə́ ba ī-lōō kəla rɔ̄sɔl̄ dɔḿ tə́! Ādə̄ madə̄ ba̰ā̰ḿ gə̄ tetəmə̄n̄ rɔ̄ɔ̄ alé!

PĀ GƏ̄ 31:15

Banī Kɔ́ɔ̄ɓē, mā m-ə̄ndā kemḿ i dɔí ḭ̄ tə́. M-ə́da na: Nə́ɓā yāḿ i ḭ̄.

PĀ GƏ̄ 46:2

Nə́ɓā i loo ɓɔ̄ɔ̄ rɔ̄ yājí kə́ ngan̄g. Ni i nge dḭḭ̄jí kə́ ndi dɔ rɔ̄n tə́ ngándáńg yā rāā sejí ndɔ̄ kə́ wur kɔl əsōń dɔjí tə́.

PĀ GƏ̄ 61:5

m̄-ndigə i ndi kem kújə yāí tə́ ngándáńg ō, i kənge loo ɓɔ̄ɔ̄ rɔ̄ḿ kem kújə yāí tə́, gír bɔ̄gīí tə́ ō.

PĀ GƏ̄ 142:6

Kɔ́ɔ̄ɓē, m-ə́ga kɔŕ kə̄ dɔí tə́! M-ə́da na: I ḭ̄ n i loo ɓɔ̄ɔ̄ rɔ̄ yāḿ ō, yá̰a̰ halaḿ ō, dɔ nang tə́ laā ní.