PĀ GƏ̄ 90:2 - Bibəl ta Sar̄

² Kété pá tá kadə̄ mbal̄ gə̄ teēn̄ ō, kété pá tá kadə̄ ī-rāā dɔ nang ō yá̰á̰ malang kə́ tū tə́ ō, ta kəla gír tə́ jóo bátə́ kə̄ no tə́ ō ní, ḭ̄ i Nə́ɓā.

Bible sar

² Kété pá tá kadə̄ mbal̄ gə̄ teēn̄ ō, kété pá tá kadə̄ ī-rāā dɔ nang ō yá̰á̰ malang kə́ tū tə́ ō, ta kəla gír tə́ jóo bátə́ kə̄ no tə́ ō ní, ḭ̄ i Nə́ɓā.

PĀ GƏ̄ 90:2 Referans Kwoze

HEBƏRO 13:8

Jeju Kərist to i kum gotən, tagə́bēé ō, ɓōólaā ō, ni a to i kum gotən ngándáńg ō.

TA KƏLA 1:1

Ta kəga dɔ sasak Nə́ɓā əndā dɔ rā̰ ō, dɔ nang ō.

JEJU TEĒ KUM JA̰A̰ 1:8

Kɔ́ɔ̄ɓē Nə́ɓā əda na ni na i Alpa ō, Omega ō, deē ń ndi ngɔlaā ō, ndi kété ō, a reē ɓáý ō ní. I ni n i Nə́ɓā kə́ bo kə́ tɔ́gən i ngá̰ý ní.

PĀ GƏ̄ 93:2

Kɔ́ɔ̄ɓē, kōr̄ kāgə̄ mbang yāí əla gír ndi ngan̄g i jóo. Ḭ̄ ə́lá gír ndi i jóó ngá̰ý.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

Makətūbə̄ yā Job 15:7

Ḭ̄ i Adam a? I ḭ̄ n ojīnī kété ní a? Ojīnī kété no ngán mbal̄ gə̄ tə́ a?

PĀ GƏ̄ 146:6

Kɔ́ɔ̄ɓē rāā dɔ rā̰ ō dɔ nang ō, bā bo ō yá̰a̰ malang kə́ kum tə́ ō. Ni i nge ra dɔ ndūn tə́ ngándáńg.

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

Teē Ngán Israel gə̄ 8:6

Parao̰ əda na i bírí. Anī Moijə əda na majə, ka̰rā̰ gə̄ na a gətóon̄ kɔ̄ɔ́ kem kújə yān gə̄ tə́ ō, ɓē ngé kəla yān gēé ō, ɓē gír deē yān gə̄ tə́ ō, ba na a na̰yn̄ na i kum bā tə́ tá ngóy, kadə̄ Parao̰ gerə̄ń kadə̄ de kə́ tītə̄ Kɔ́ɔ̄ɓē Nə́ɓā yādə́ na gətóo.

Makətūbə̄ yā Job 36:26

Á̰a̰ā̰, Nə́ɓā i kə́ bo, banī jə-gerī bo yān ní alé. Deē asə tə́da ɓālə̄n gə̄ alé.

PĀ GƏ̄ 102:13

Banī Kɔ́ɔ̄ɓē, ḭ̄ i mban̄g ngándáńg, ḭ̄ i Nə́ɓā kə dɔ ɓāl̄ gə̄ ɓāl̄ gə̄.

DANIEL 7:9

m̄-na̰y kə̄ loo ka̰a̰ yá̰á̰ tə́ ɓáý: Tə́ndān̄ kōr̄ kāgə̄ mbang gə̄, anī deē kógə̄ḿ kə́ tɔgə ɓə́ga reē ndi. Kūbə̄ kə́ rɔ̄n tə́ na tītə̄ búy kūbə̄ beé nənga dɔn to tītə̄ bḭḭ̄ batə̄ kə́ ndaa kə́ tə́go beé ō. Kōr̄ kāgə̄ mbang yān i kə́ rāā kə ndo̰ horoó ō, njan kə́ gōr̄ gə̄ i kə́ rāā kə hor kə́ unjūú ō.