PĀ GƏ̄ 9:6 - Bibəl ta Sar̄

⁶ Ḭ̄ ɔ́jə rāā yá̰á̰ kə́ tōr̄ kə nápar de gə̄ ń noō. Ī-rāā ādə̄ de kə́ sew aĺ gə̄ oyn̄. Ɔ̄r̄ rīdə́ kɔ̄ɔ́ dɔ nang tə́ kə́ njɔ́ḿ gə̄ tə́.

Bible sar

⁶ Ḭ̄ ɔ́jə rāā yá̰á̰ kə́ tōr̄ kə nápar de gə̄ ń noō. Ī-rāā ādə̄ de kə́ sew aĺ gə̄ oyn̄. Ɔ̄r̄ rīdə́ kɔ̄ɔ́ dɔ nang tə́ kə́ njɔ́ḿ gə̄ tə́.

PĀ GƏ̄ 9:6 Referans Kwoze

MISE 7:8

Sḭḭ̄ madə̄ ba̰ā̰jí gə̄, ī-lōōī rāā rɔ̄nel̄ najə̄ yājí tə́. Ré j-əsō anī, j-a j-ḭḭ dɔɔ́. Ré jḭḭ i kum loo kə́ ndɔ̄ɔ́ tə́ anī, Kɔ́ɔ̄ɓē i loo kə́ unjə̄ kow yājí.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

JEJU TEĒ KUM JA̰A̰ 20:2

Ni-əhɔ dā̰ kə́ to ɓōĺ ngá̰ý ń i lī kə́ jóó ō, i diabəl ō, i Sətan ō ní, do̰ō̰n kə súĺ kadə̄ rāā ɓāl̄ dūbú.

1 KORḚNTƏ 15:26

Madə̄ ba̰ā̰ kə́ gō gogə́ ń a nujən̄ seneé kɔ̄ɔ́ ní i yo.

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

JEREMI 51:25

Mbal̄ kə́ nge nujə loo gə̄, ḭ̄ ń ī-nujə dɔ nang kə taá malang ní, m-ə́hɔī ɓōólaā tā! M-ə́la jīḿ kə̄ dɔí tə́, m̄-rāāī adə̄ ī-ndūbə̄rū dɔ mbal̄ gə̄ tə́ ī-teē ə̄sō ō, m̄-rāāī adə̄ ī-tél dūbə̄ yā̰l̄ hor kə́ ajə ying ō. Najə̄ ń Kɔ́ɔ̄ɓē əda ní n noó.

IJAI 37:26

Ní, ḭ̄ Senakerib ī-ger̄ yá̰á̰ ń toō aĺ i mbée a? Yá̰a̰ gə̄ ń a rāān̄ yá̰a̰ toó i mā n m-ə̄ndā dɔdə́ danaá kété jóó ní. m̄-núm̄ yá̰á̰ ń toō i kété, banī ngɔlaā m̄-rāādə́ adə̄ reē udən̄ gíŕ kə́ rɔ̄ tə́. m̄-gḛy kadə̄ ī-rāā ɓē gə̄ ń ngɔ̄mə̄n̄də́ majə ní kadə̄ télən̄ kɔkərɔ kə́ ra dɔ naā tə́ bing gə̄.

IJAI 14:17

Ni ń kété rāā dɔ nang adə̄ tél dəla loo ō, nujə ɓē bo gə̄ ō, mbātə́ kəya̰ dəngáy gə̄ dɔɔ́ ō ní.

PĀ GƏ̄ 46:9

Ī-reē á̰a̰ī kəla rāā Kɔ́ɔ̄ɓē, yá̰á̰ kə́ dɔ nang tə́ gə̄ ń ni nujəń sák sák ní!

PĀ GƏ̄ 34:16

Kum Kɔ́ɔ̄ɓē i kə̄ dɔ de kə́ gōtə́ gə̄ tə́ ō, nēl̄ mbīn yā koōń nōō yādə́ ō.

PĀ GƏ̄ 8:2

Kɔ́ɔ̄ɓē, kɔ́ɔ̄jí, rīí majə to ɓōĺ ngá̰ý dɔ nang tə́ malang! Dɔ rā̰ bo ɓá tā ba ḭ̄ ī-bo tɔȳn.

PĀ GƏ̄ 7:5

ré deē ń rāām̄ kə́ majaĺ ní m̄-rāān kə́ majaĺ kum gotə, ré deē ń gír̄ kə́ majaĺ i kemən tə́ seḿ kanjə̄ kumən ní m̄-taā yá̰a̰ yān,

2 MBAN̄G 19:25

Senakerib, m̄-nóm̄ rāā yá̰a̰ gə̄ ń noō i kété jóó ngá̰ý ní, ī-ger̄ aĺ a? M-ə́lá gíŕ nóm̄də́ i kem ɓāl̄ gə̄ kə́ jóó ngá̰ý tə́ ní, ī-ger̄ aĺ a? Ngɔlaā ní m̄-rāādə́. M-ə̄ndāī i yā kadə̄ ī-nujə ɓē kə́ ngan̄g gə̄ sák sák kɔ̄ɔ́ kadə̄ télən̄ ndəbā ɓē gə̄.

1 SAMUEL 31:7

Dan ń ngán Israel gə̄ ń ndin̄ gidə wól loo kə́ dām̄ kə́ nú tə́ ō ngé gə̄ ń ndin̄ gidə bā Jurdḛ kə́ dām̄ kə́ nú tə́ ō a̰a̰n̄ kadə̄ ngé rɔ̄ɔ̄ gə̄ yā Israel gə̄ a̰ȳn̄ naā kɔ̄ɔ́ ō Saul nin̄ kə ngánən kə́ dəngam gēé oyn̄ kɔ̄ɔ́ ō anī, əya̰n̄ ɓē yādə́ gə̄ kɔ̄ɔ́ ba a̰ȳn̄ naā, adə̄ Pilistin gə̄ reē ndin̄ gotədə́ tə́.

1 SAMUEL 30:1

Dabid nin̄ kə deē yān gēé ugə̄n̄ kem ɓē kə́ Sikəlag tə́ i kə ndɔ̄ kə́ nge ko̰ mətá. Ba kété pá tá kadə̄ nin̄ ugə̄n̄ ní, Amalek gə̄ aw̄ ɓogən̄ de gə̄ kə́ dɔ nang kə́ Negeb tə́ ō de gə̄ kə́ kem ɓē kə́ Sikəlag tə́ ō. Nin̄ nujən̄ ɓē sák sák kɔ̄ɔ́ ō əlan̄ hor dɔ tə́ ō.

Teē Ngán Israel gə̄ 15:16

Ndíĺdə́ a̰ȳ malang. Kɔ́ɔ̄ɓē, dan ń gír deē yāí gə̄ ń ī-gān̄g dɔdə́ ní a mānə̄n̄ anī, ɓōĺ asə madə̄ ɓēdə́ gə̄ nák adə̄ ədan̄ najə̄ alé, tɔdɔ̄ a̰a̰n̄ tɔ́gí ń ī-rɔ̄ɔń dɔ deē yāí gə̄ tə́ ní.

Makətūbə̄ yā Job 18:17

Əga kem de kə́ dɔ nang tə́ gə̄ dɔn tə́ to̰ alé. A ɓārə́n̄ rīn loo kə́rēý tə́ dɔ nang tə́ to̰ alé.

PĀ GƏ̄ 34:17

Kɔ́ɔ̄ɓē ənī ngé rāā majaĺ gə̄ rɔ̄, i yā kadə̄ əga kem deē dɔdə́ tə́ dɔ nang tə́ to̰ alé.

IJAI 26:14

Ngol gə̄ ngeé ń toō oyn̄ kɔ̄ɔ́, nin̄ a télən̄ yā reē to̰ alé. Nin̄ i ndíl de gə̄ kɔ̄ɔ́, a télən̄ yā kḭḭ dɔɔ́ gogə́ to̰ alé. Ḭ̄ ī-rāā yá̰a̰ yā nujəńdə́, yá̰a̰ gə̄ ń ton̄ kadə̄ əgań kem deē gə̄ dɔdə́ tə́ ní, ḭ̄ ī-rāā adə̄ yá̰a̰ gə̄ ní gətóon̄ kɔ̄ɔ́ malang.