PĀ GƏ̄ 9:5 - Bibəl ta Sar̄

⁵ Tɔdɔ̄ ḭ̄ ī-rɔ̄ɔ̄ dɔḿ tə́ ō, ī-gān̄g sarya yāḿ ō. Ī-ndi dɔ kōr̄ kāgə̄ mbang yāí tə́, ḭ̄ i nge gān̄g sarya kə́ gōtə́.

Bible sar

⁵ Tɔdɔ̄ ḭ̄ ī-rɔ̄ɔ̄ dɔḿ tə́ ō, ī-gān̄g sarya yāḿ ō. Ī-ndi dɔ kōr̄ kāgə̄ mbang yāí tə́, ḭ̄ i nge gān̄g sarya kə́ gōtə́.

PĀ GƏ̄ 9:5 Referans Kwoze

Gōsə̄ najə̄ gə̄ 10:7

Kəga kem dɔ de kə́ súmūú tə́ i yá̰á̰ kə́ a rāā majə kə deé, banī dɔ de gə̄ a ndígə̄nal rī ngé kem ndul gə̄.

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

NDŪ NAJƏ̄ 9:14

Ə́ya̰m̄ ādə̄ m̄-nujə sedə́ kɔ̄ɔ́ malang. M-ā m̄-rāā kadə̄ dɔ de gə̄ ndígə̄nal dɔ rīdə́ tə́ kɔ̄ɔ́ dɔ nang tə́. Ba m-ā m̄-rāāī ḭ̄ kadə̄ ī-téĺ nápar de gə̄ kə́ tɔ́gə́də́ ō, kutədə́ ō i ngá̰ý tɔȳ yādə́.

Gōsə̄ najə̄ gə̄ 13:9

Ta kum de kə́ súmūú a ndə́lē tītə̄ loo kə́ unjə̄ kow beē, ba nge kem ndul tél to tītə̄ lámbá kə́ hor oy kemeé kɔ̄ɔ́ beē.

PĀ GƏ̄ 149:7

I gáŕ kadə̄ rāān̄ ba̰ā̰ dɔ nápar de gə̄ tə́, kadə̄ tə̄ndān̄ gír de gə̄ tām̄ majaĺ yādə́ tə́,

PĀ GƏ̄ 79:10

Ə́ya̰ ādə̄ nápar de gə̄ ədan̄ na Nə́ɓā yādə́ i rá i najə̄ rí tə́? Ādə̄ nápar de gə̄ gerə̄n̄ dan ń jə-rań jījí tə́ toō, kadə̄ a dalən̄ ba̰ā̰ ngé kəla yāí gə̄ ń tɔ̄lə̄n̄də́ ní.

PĀ GƏ̄ 78:55

Ni-tə̄ɓā nápar de gə̄ nodə́ tə́ kɔ̄ɔ́, gán̄g dɔ nang yā de gə̄ ní naā tə́ nə̄ɓōdə́ yá̰a̰ ndəbā tə́, tə́ndā gír ɓē kə́ Israel tə́ gə̄ dɔ tə́.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

PĀ GƏ̄ 5:6

De kə́ nge ɓōĺ ndíl deē alé a aw̄ ta kumií tə́ alé. Ngé rāā majaĺ gə̄ malang ní nelī sedə́ alé.

PĀ GƏ̄ 2:1

Nápar de gə̄ a̰a̰n̄ woy woy i tām̄ rí tə́? Gír de gə̄ oōn̄ naā ba i karī.

1 SAMUEL 31:4

adə̄ ni-əda nge kətō yá̰a̰ rɔ̄ɔ̄ yān na kə ɔr̄ kaskar yān kə ɔsənneé na sōgə́ de kə́ ngé kəja mɔtədə́ aĺ gə̄ ń noō reē ɔsənən̄ ba mbóon̄neé seneé. Banī nge kətō yá̰a̰ rɔ̄ɔ̄ yān ɔdə alé, tɔdɔ̄ ɓōĺ asən nák. Anī Saul un kaskar yān nəkɔ́ ba əsō ta tə́.

1 SAMUEL 25:32

Dabid tél əda Abigail na: m̄-ndadə̄ Kɔ́ɔ̄ɓē Nə́ɓā yā Israel gə̄ ń ɓōólaā əlaī adə̄ ī-reē ī-ndɔ̄də̄m̄ ní ō.

1 SAMUEL 25:39

Dan ń Dabid oō kadə̄ Nabal oy anī əda na: m̄-ndadə̄ m-ādə̄ Kɔ́ɔ̄ɓē ń rɔ̄ dɔḿ tə́ dan ń Nabal tájə̄m̄neé tə́ ní. m̄-ndadə̄ m-ādə̄n tām̄ kɔgə̄ ń ni ɔgə̄m̄ rāā majaĺ tə́ ní ō tām̄ rāā ń ni-rāā adə̄ kem ndul yā Nabal tél əsō i dɔn nəkɔ́ tə́ ní ō. Gō tə́ anī Dabid əla de gə̄ kəda Abigail tə́ na n-ndigə taān.

PĀ GƏ̄ 7:12

Nə́ɓā i nge gān̄g sarya kə́ gōtə́. Ni i nge rāā ngan̄g ngá̰ý kə de gēé kə ndɔ̄ gə̄.

JEREMI 49:38

M-ə̄ndā kōr̄ kāgə̄ mbang yāḿ ɓē kə́ Elam tə́. m̄-tɔ̄l̄ mban̄g ō, de kə́ bo gə̄ ō, kə́ kemeé malang. Najə̄ ń Kɔ́ɔ̄ɓē əda ní n noó.

NŌŌ RƆ̄ 3:58

Kɔ́ɔ̄ɓē, ɔ̄r̄ najə̄ dɔḿ tə́ ndɔ̄ sarya ń sāān̄ kəndā dɔḿ tə́ ní ō, ájəm̄ ō.