PĀ GƏ̄ 9:19 - Bibəl ta Sar̄

¹⁹ Banī dɔ Nə́ɓā a ndígə̄nal dɔ nge rɔ̄ tō ndoō tə́ aĺ i kə́ bátə́ gə̄ tə́. Kəndā kem dɔ Nə́ɓā tə́ yā ngé rɔ̄ tō ndoō gə̄ ní gotə a to karī alé.

Bible sar

¹⁹ Banī dɔ Nə́ɓā a ndígə̄nal dɔ nge rɔ̄ tō ndoō tə́ aĺ i kə́ bátə́ gə̄ tə́. Kəndā kem dɔ Nə́ɓā tə́ yā ngé rɔ̄ tō ndoō gə̄ ní gotə a to karī alé.

PĀ GƏ̄ 9:19 Referans Kwoze

PĀ GƏ̄ 3:7

Loo ń noō tə́ m̄-ɓōĺ dūbə̄ de kə́ ngá̰ý gə̄ ń tə́nīn̄ rɔ̄də́ kə̄ loo gə̄ tə́ gīrə̄n̄ gidəḿ ní to̰ alé.

PĀ GƏ̄ 44:26

Tɔdɔ̄ jə-to i kum bumbə́rú tə́ ō, jə-laa ta kemjí i nang tə́ ō.

PĀ GƏ̄ 44:23

Banī i najə̄ yāí tə́ n tɔ̄lə̄n̄neéjí kə dɔ ndɔ̄ gə̄ ō, rāān̄neéjí batə̄ kə́ yā tɔ̄l̄ gə̄ tə́ ō ní.

PĀ GƏ̄ 10:12

Kɔ́ɔ̄ɓē, ḭ́ḭ dɔɔ́! Nə́ɓā, ī-rāā yá̰á̰ kógə̄ḿ! Ādə̄ dɔí ndígə̄nal dɔ ngé rɔ̄ tō ndoō gə̄ tə́ alé!

PĀ GƏ̄ 7:6

anī ādə̄ madə̄ ba̰ā̰ḿ ngɔ̄də̄ əhɔm̄ ō, ənīm̄ nang tə́ kum bumbə́ru tə́ ba tə́ɓām̄ kə njaneé ō, əlań rɔ̄sɔl̄ dɔḿ tə́.

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

IJAI 51:9

Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

PĀ GƏ̄ 149:7

I gáŕ kadə̄ rāān̄ ba̰ā̰ dɔ nápar de gə̄ tə́, kadə̄ tə̄ndān̄ gír de gə̄ tām̄ majaĺ yādə́ tə́,

PĀ GƏ̄ 79:6

Ī-bə̄gā wōn̄g yāí dɔ nápar de gə̄ ń gerīn̄ aĺ tə́ ní, dɔ ɓē ko̰o̰ gə̄ ń ɓārə́n̄ rīí aĺ tə́ ní,

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

JAKARI 14:18

Ré gír kojə gə̄ kə́ Ejiptə gə̄ aw̄n̄ Jerusalem rāā nāā kújə́ kámbə gə̄ tə́ aĺ anī, yá̰á̰ kə́ tōr̄ kógə̄ḿ a əsō dɔdə́ tə́, tītə̄ ń əsōń dɔ nápar de gə̄ ń a aw̄n̄ rāā nāā ngeé ń noō tə́ aĺ ní.

JEREMI 10:25

Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

PĀ GƏ̄ 80:2

Nge ngɔ̄m̄ Israel, ī-nēl̄ mbīí ōō. Ḭ̄ ń ā ɔ́r no gír deē yāí gə̄ tītə̄ loo kɔr no ɓūtə̄ yá̰a̰ kul̄ gə̄ ní, ḭ̄ ń kōr̄ kāgə̄ mbang yāí ndi i dɔɔ́ dɔ de kə́ dɔ rā̰ tə́ gə̄ tə́ ní, ɔ́jə kə̄ ndágá kadə̄ ī-ndi noó.

2 YÁ̰A̰ GƏ̄ 14:11

Kɔ́ɔ̄ɓē tetə Nubi gə̄ rɔ̄ɔ̄ no Asa tə́ ō, no Juda gə̄ tə́ ō, adə̄ Nubi gə̄ a̰ȳn̄ naā.

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.