PĀ GƏ̄ 9:15 - Bibəl ta Sar̄

¹⁵ Loo ń noō tə́ m-ā m̄-tə́dá yá̰a̰ malang ń ndḛḛ̄ kadə̄ m̄-ɓōkíī tɔ̄ȳ ní dan ngé kán naā gə̄ kə́ Siyo̰ tə́ rang ɓáý ō, m-ā m̄-rāā rɔ̄nelí ḭ̄ nge kajəḿ ō.

Bible sar

¹⁵ Loo ń noō tə́ m-ā m̄-tə́dá yá̰a̰ malang ń ndḛḛ̄ kadə̄ m̄-ɓōkíī tɔ̄ȳ ní dan ngé kán naā gə̄ kə́ *Siyo̰ tə́ rang ɓáý ō, m-ā m̄-rāā rɔ̄nelí ḭ̄ nge kajəḿ ō.

PĀ GƏ̄ 9:15 Referans Kwoze

PĀ GƏ̄ 57:6

Nə́ɓā, ḭ́ḭ ī-ra dɔ rɔ̄í tə́ dɔɔ́ dɔ rā̰ tə́! Ādə̄ kɔsə gɔn yāí taā loo dɔ nang tə́ malang!

Gōsə̄ najə̄ gə̄ 5:22

Yá̰á̰ kə́ gōtə́ aĺ gə̄ ń nge kem ndul rāā ní tél əhɔn nəkɔ́ gūmbə̄ tə́ ō, kəlā majaĺ yān gə̄ a do̰ō̰n ō.

PĀ GƏ̄ 35:8

Ādə̄ yá̰á̰ kə́ majaĺ ngá̰ý kógə̄ḿ kə́ rāā yá̰á̰ jóo aĺ ɓáý teē rétə́ kə̄ rɔ̄də́ tə́. Ādə̄ gūmbə̄ ń nin̄ kɔ́ gə̄ əyān̄ ní tél əhɔdə́ ō, ādə̄ yá̰á̰ kə́ majaĺ ń noō tɔ̄l̄də́ ō.

Gōsə̄ najə̄ gə̄ 22:8

Deē ń rāā yá̰á̰ kə́ gōtə́ aĺ ní majaĺ a əso dɔn tə́ ō, tɔ́gən ń rāań yá̰a̰ kə dɔ́nɔ́ ní a gətóo kɔ̄ɔ́ ō.

PĀ GƏ̄ 94:23

Ni-rāā adə̄ yá̰a̰ rāādə́ kə́ gōtə́ aĺ gə̄ tél rāādə́ nin̄ kɔ́ gə̄. Ni nujədə́ sák sák kə kem ndul yādə́ nin̄ kɔ́ gɔ̄ɔ́. Kɔ́ɔ̄ɓē Nə́ɓā yājí nujə sedə́.

PĀ GƏ̄ 37:15

Banī kaskar yādə́ a ɔsə i kújə́ mósə́də́ nin̄ kɔ́ gə̄ ō, ga̰ gərā yādə́ a tétə̄ kɔ̄ɔ́ ō.

PĀ GƏ̄ 13:6

Mā m-ə̄ndā kemḿ i dɔ ndūí ń ī-ra dɔ tə́ ní, ādə̄ m̄-rāā rɔ̄nel̄ kajə kə́ ájəm̄. Ādə̄ m-ə̄nī pā m̄-rɔȳń Kɔ́ɔ̄ɓē tām̄ majə ń rāā seḿ tə́ ní.

PĀ GƏ̄ 20:6

Loo ń noō tə́ j-a jə-rāā rɔ̄nel̄ rɔ̄ɔ̄ ń ī-tetə ní, j-a j-əhɔ dərapóo rɔ̄ɔ̄ dɔjí tə́ dɔɔ́ yā rɔȳń Nə́ɓā yājí. Ādə̄ Kɔ́ɔ̄ɓē tɔ̄l̄ ta yá̰a̰ malang ń ī-dəjen kadə̄ rāā adī ní.

PĀ GƏ̄ 35:9

Anī m-ā m̄-tḭ́ḭ̄ bal walya najə̄ yā Kɔ́ɔ̄ɓē tə́ ō, m-ā m̄-ndām̄ ndām̄ kə rɔ̄nelēé tām̄ kajə kə́ ni ajəm̄ tə́ ō.

PĀ GƏ̄ 107:22

Ādə̄ ndējə̄n̄ Nə́ɓā yá̰a̰ tun̄ gə̄ kə́ yā ɓōkə́nneé tɔ̄ȳ ō, ənīn̄ gotə kəla rāān gə̄ kə kɔŕ rɔ̄nelēé ō.