PĀ GƏ̄ 9:13 - Bibəl ta Sar̄

¹³ Tɔdɔ̄ i ni n i nge ndəle nja nge tɔ̄l̄ deē ní, ni i nge rāā ba̰ā̰. Dɔn ndígə̄nal ngé rɔ̄ tō ndoō gə̄ ń nōōn̄ kə̄ dɔn tə́ ní alé.

Bible sar

¹³ Tɔdɔ̄ i ni n i nge ndəle nja nge tɔ̄l̄ deē ní, ni i nge rāā ba̰ā̰. Dɔn ndígə̄nal ngé rɔ̄ tō ndoō gə̄ ń nōōn̄ kə̄ dɔn tə́ ní alé.

PĀ GƏ̄ 9:13 Referans Kwoze

PĀ GƏ̄ 86:13

Tɔdɔ̄ kem majə ń ī-rāā seḿ ní to ɓōĺ ngá̰ý, ī-teē seḿ kem bəlo kə́ lú ngá̰ý yā yo tə́ kɔ̄ɔ́.

PĀ GƏ̄ 30:3

Kɔ́ɔ̄ɓē Nə́ɓā yāḿ, m̄-nōō kə̄ dɔí tə́, anī ḭ̄ ī-rāā adə̄ rɔ̄ḿ ngan̄g.

NŌŌ RƆ̄ 1:11

Gír deē yān gə̄ malang a nōōn̄ i ɓō, nin̄ a sāān̄ i yá̰a̰ kəsa. Adə̄n̄ yá̰a̰ yādə́ kə́ majə ngá̰ý gə̄ gíŕ yá̰a̰ kəsa tə́, tām̄ kadə̄ kə n-ndin̄neé kə kumdə́. Anī ni ndɔ̄ȳ Nə́ɓā, ə́da na: Kɔ́ɔ̄ɓē, á̰á̰ kídə̄ ń kídə̄mə̄n̄ toó.

NŌŌ RƆ̄ 1:9

Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

IJAI 38:10

Kété ní m-ɔ̄r̄ najə̄ kə rɔ̄ḿ m-ə́da na: I núsə ndɔ̄ḿ ngóy n m̄-rāā ō, i gáŕ kadə̄ m-āw̄ kɔ̄ɔ́ ō. Gotə ɓālə̄ḿ gə̄ ń na̰yn̄ ní m-ā m̄-tɔ̄l̄ tadə́ i ɓádá dan de kə́ koy gə̄ tə́.

PĀ GƏ̄ 142:6

Kɔ́ɔ̄ɓē, m-ə́ga kɔŕ kə̄ dɔí tə́! M-ə́da na: I ḭ̄ n i loo ɓɔ̄ɔ̄ rɔ̄ yāḿ ō, yá̰a̰ halaḿ ō, dɔ nang tə́ laā ní.

PĀ GƏ̄ 119:153

Á̰á̰ yá̰á̰ kə́ to kum tō ndoō ń rāām̄ ní ba ī-gān̄g dɔḿ, tɔdɔ̄ dɔḿ ndígə̄nal ndū najə̄ yāí alé.

PĀ GƏ̄ 119:132

Ī-tūr̄ kumií kə̄ rɔ̄ḿ tə́, ba ī-rāā seḿ tītə̄ ń ī-gḛyń kadə̄ i tītə̄ ń noō tām̄ yā ngé gḛy rīí gə̄ tə́ ní.

PĀ GƏ̄ 56:13

Nə́ɓā, yá̰á̰ ń m-ə̄nī ndūḿ kadə̄ m-ādī ní, kə̄rān i dɔḿ tə́. M-ā m̄-ndējī yá̰a̰ tun̄ gə̄ kə́ yā ɓōkíīneé tɔ̄ȳ.

PĀ GƏ̄ 51:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

PĀ GƏ̄ 38:19

A̰á̰ā̰, m-ə́dá yá̰á̰ kə́ gōtə́ aĺ yāḿ kə̄ ndágá wáńg, majaĺ yāḿ a̰ȳ ndílə́ḿ mə̄kɔ́.

PĀ GƏ̄ 25:19

Á̰a̰ madə̄ ba̰ā̰ḿ gə̄ ń kutədə́ i ngá̰ý ní ō, á̰a̰ kim̄ ń imə̄mə̄n̄ kə ngangá ngá̰ý ní ō.

PĀ GƏ̄ 13:3

Kə m̄-ndi kə sōlōó ō, kə wurəḿ ɔləm̄ kə ndɔ̄ gə̄ ō i yā tɔ̄l̄ ta rá? Madə̄ ba̰ā̰ḿ a ndi dɔḿ tə́ i kə̄ non tə́ a?

NEHEMI 9:32

Ba ngɔlaā ní Nə́ɓā yājí, Nə́ɓā kə́ bo ō, kə́ tɔ́gí i ngá̰ý ō, kə́ ī-to ɓōĺ ngá̰ý, ḭ̄ ń ā ī-ra dɔ ndūí kə́ ə̄nī tə́ ō, ā ī-rāā háĺ kə́ sew ō ní, ko̰y gə̄ malang ń jḭḭ ō, mban̄g yājí gə̄ ō, ngār yājí gə̄ ō, ngé tun̄ yá̰a̰ yājí gə̄ ō, ngé koō ta yājí gə̄ ō, kaají gə̄ ō, gír deē yāí gə̄ malang ō, j-əla gír kənge ɓāl̄ yā mban̄g gə̄ kə́ Asiri tə́ bátə́ ɓōólaā ní, ī-lōō rāā yá̰á̰ kə́ sḛ́ý beē tə́.

JA̰A̰ 2:6

Tə́ndān̄ jóo bo ɓōkə́ man̄ tə́go rɔ̄ yā Jipə gə̄ mehḛ́ loo ngeé ń noō tə́. Kemdə́ kógə̄ḿ kógə̄ḿ ní asə man̄ kem jóo jōó aláa mətá ń noō.

PĀ GƏ̄ 107:18

adə̄ yá̰a̰ kəsa tél i yá̰á̰ kə́ to yḛr ta kumdə́ tə́ ō, njadə́ i kə̄ ta bāá tə́ ō.

TA KƏLA 4:9

Kɔ́ɔ̄ɓē dəje Kain na: Ngōkó̰ó̰í Abel i rá? Anī Kain tél ədan na: m̄-ger̄ alé. Mā i nge ngɔ̄m̄ ngōkó̰ó̰ḿ a?

TA KƏLA 4:10

Kɔ́ɔ̄ɓē tél ədan na: Ī-rāā i rí? Ndū mósə ngōkó̰ó̰í ɓār̄ dɔ nang tə́ bátə́ teē rɔ̄ḿ tə́.

1 MBAN̄G GƏ̄ 21:19

Āw̄ ə́dan na Kɔ́ɔ̄ɓē əda na: Adə̄ ī-tɔ̄l̄ deē ba ī-reē yā taā yá̰a̰ yān dɔ tə́ ní! Gō tə́ anī ə́dan na Kɔ́ɔ̄ɓē əda ɓáý to̰ na: Loo ń bísə gə̄ tō̰nə́n̄ mósə Nabot tū tə́ ní, bísə gə̄ a tō̰nə́n̄ mósí īkɔ́ tū tə́ ō.

2 MBAN̄G 9:26

Kɔ́ɔ̄ɓē əda bɔbə̄n kété na mósə Nabot nin̄ kə ngánən gēé ní na n-a̰ā̰. N-a̰ā̰ na i joó ngá̰ý alé. Na n-a n-rāā seneé kadə̄ əgā kə̄rān kem ndɔr̄ nəkɔ́ ń toō tə́. Yehu əda ɓáý to̰ na: I beé ní ún Joram ə̄nīn kem ndɔr̄ ń toō tə́, tītə̄ ń Kɔ́ɔ̄ɓē ədań ní.

2 YÁ̰A̰ GƏ̄ 24:22

Kem majə ń Yoyada bɔbə̄ Jakari rāā kə mban̄g Joas ní, dɔ mban̄g Joas ndígə̄nal kɔ̄ɔ́, adə̄ tɔ̄l̄ ngōnən. Dan ń Jakari a rāā yā koy ní əda na: Ādə̄ Kɔ́ɔ̄ɓē a̰a̰ yá̰á̰ ń rāā yá̰á̰ ní ba rāāī yá̰á̰ kə́ tōr̄ kum gotə.

PĀ GƏ̄ 10:12

Kɔ́ɔ̄ɓē, ḭ́ḭ dɔɔ́! Nə́ɓā, ī-rāā yá̰á̰ kógə̄ḿ! Ādə̄ dɔí ndígə̄nal dɔ ngé rɔ̄ tō ndoō gə̄ tə́ alé!

PĀ GƏ̄ 12:6

Banī Kɔ́ɔ̄ɓē əda na, ń toō ní n-a n-ḭḭ dɔɔ́ yā dḭḭ̄ ngé tɔ́gə gətóo gə̄ ń a rāān̄ kumdə́ ndoō tə́ ní ō, ngé rɔ̄ to ndoō gə̄ ń a tṵ́ṵ̄n̄ ní ō. Na n-a n-dḭḭ̄ deē ń a əjanən̄ kə̄ gogə́ kə gidə jīdə́ ní ō.