PĀ GƏ̄ 9:12 - Bibəl ta Sar̄

¹² Kɔ́ɔ̄ɓē ń kōr̄ kāgə̄ mbang yān ndi Siyo̰ ní, j-ənī pā j-ɔsiīneé gɔnən. Yá̰á̰ kə́ to ɓōĺ gə̄ ń ni-rāā ní ə̄nīī mbērən dan gír de gə̄ tə́!

Bible sar

¹² Kɔ́ɔ̄ɓē ń kōr̄ kāgə̄ mbang yān ndi *Siyo̰ ní, j-ənī pā j-ɔsiīneé gɔnən. Yá̰á̰ kə́ to ɓōĺ gə̄ ń ni-rāā ní ə̄nīī mbērən dan gír de gə̄ tə́!

PĀ GƏ̄ 9:12 Referans Kwoze

Teē Ngán Israel gə̄ 3:7

Kɔ́ɔ̄ɓē tél əda na: M-á̰a̰ loo rāā ń rāān̄ kum gír deē yāḿ gə̄ ndoō tə́ dɔ nang kə́ Ejiptə tə́ ní. M-ōō nōō yādə́ dan ń ngé rāā kumdə́ ndoō tə́ gə̄ a tə̄ndān̄də́ ní. m̄-ger̄ tápə̄ yādə́.

PĀ GƏ̄ 34:6

Ngé gə̄ ń a̰a̰n̄ loo kum kə̄ rɔ̄n tə́ ní ta kumdə́ i kə kəgōó jarya ō, dɔ kumdə́ a síndə̄rī to̰ aĺ ō.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

TA KƏLA 9:5

Mósə́sí ń rāā adə̄ ā ī-ndiī kə kumsí ní, m-ā m̄-dəje kə̄rān. M-ā m̄-dəje kə̄rān jī dā̰ ń a tɔ̄l̄ deē tə́ ní ō, jī deē ń a tɔ̄l̄ deē madə̄n tə́ ní ō.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

PĀ GƏ̄ 22:24

Sḭḭ̄ ngé ɓōĺ ndíĺ Kɔ́ɔ̄ɓē gə̄, ī-ɓōkə́niī tɔ̄ȳ! Sḭḭ̄ gír kaa yā Jakob gə̄ malang, ɔ́siī gɔn Kɔ́ɔ̄ɓē! Sḭḭ̄ gír kaa yā Israel gə̄ malang, ī-ɓōlíī gidə Kɔ́ɔ̄ɓē.

NGÉ SARYA 10:16

Gō tə́ anī ró̰ȳn̄ ɓesə̄ yā tə́rā gə̄ ń udən̄ loodə́ ní kɔ̄ɔ́ ba tél rāān̄ kəla yā Kɔ́ɔ̄ɓē. Adə̄ Kɔ́ɔ̄ɓē asə tə́gā tan dɔ ko̰y yādə́ tə́ to̰ alé.

PĀ GƏ̄ 10:17

Kɔ́ɔ̄ɓē, ngé tél kə rɔ̄də́ kə̄ nang tə́ gə̄ ní, ḭ̄ ādə̄də́ yá̰á̰ ń ɓōn i kemdə́ tə́ ní. Ī-rāā ādə̄ kemdə́ tetə kə̄ nang tə́ ō, ī-nēl̄ mbīí ōoń ɓār̄ yādə́ ō,

PĀ GƏ̄ 10:14

Tá yá̰á̰ kə́ gōtə́ aĺ ngá̰ý ń ni-rāā kə nge ndoó ō, ka̰a̰ tápə̄ yā nge ndoō ō ní, ḭ̄ á̰a̰ā̰ ō, īkɔ́ ə̄ndā rɔ̄í ta yá̰a̰ gə̄ ń reēn̄ dɔn tə́ ní malang. Nge tɔ́gə gətóo əya̰ rɔ̄n i kem jīí ḭ̄ tə́. Ḭ̄ i nge rāā kə ngōn̄ halaá.

2 MBAN̄G 24:4

ni tɔ̄l̄ de kə́ kanjə̄ najə̄ dɔdə́ tə́ ngá̰ý adə̄ majaĺ i ngá̰ý kem ɓē kə́ Jerusalem tə́. I tām̄ najə̄ ń noō tə́ n Kɔ́ɔ̄ɓē gḛyń mā̰ȳ rɔ̄n aĺ ní.

Teē Ngán Israel gə̄ 3:9

Ń toō ní nōō yā ngán Israel gə̄ əsō mbīḿ tə́ ō, m-á̰a̰ loo rāā ń de kə́ Ejiptə gə̄ a rāān̄ kumdə́ ndoō tə́ ní ō,

MATIYE 23:35

Yā kadə̄ mósə de kə́ súmūú gə̄ ń a̰ȳ nang tə́ laā ní əsō dɔsí tə́ malang. Əla gír dɔ mósə Abel ń ni i de kə́ súmūú tə́, bátə́ ugə̄ń dɔ mósə Jakari kə́ ngōn̄ Barasi ń ī-tɔ̄l̄niī dɔ dán loo tun̄ yá̰á̰ tə́ kə loo kə́ táĺ ní tə́.

PĀ GƏ̄ 68:17

i tām̄ rí tə́ á sḭḭ̄ mbal̄ gə̄ ń jamsí gə̄ i ngá̰ý ní ə̄ndāī ni mbal̄ ń Nə́ɓā gərā yā ndi tū tə́ ní? A̰á̰ā̰, Kɔ́ɔ̄ɓē a ndi tū tə́ ngándáńg.

PĀ GƏ̄ 74:2

Ādə̄ əga kemií dɔ gír deē yāí gə̄ ń télən̄ yá̰a̰ yāí gə̄ i jóó ngá̰ý tə́ ní. Ādə̄ əga kemií dɔ gír ɓē gə̄ ń i yá̰á̰ kə́ sɔɔ̄ī á ī-taā tə́ ní ō, ādə̄ əga kemií dɔ mbal̄ Siyo̰ ń ī-rāā kújə ndií dɔ tə́ ní ō.

PĀ GƏ̄ 76:3

Kújə ndin i kem ɓē kə́ Salem tə́, loo ndin i Siyo̰.

PĀ GƏ̄ 132:13

Tɔdɔ̄ Kɔ́ɔ̄ɓē gə̄rā Siyo̰, ni gḛy rāān i loo ndi yān tə́.

IJAI 8:18

Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ Siyo̰ tə́ ní, taā de gə̄ i kə ta kūl̄jí.