PĀ GƏ̄ 86:9 - Bibəl ta Sar̄

⁹ Kɔ́ɔ̄ɓē, gíŕ nápar de gə̄ malang ń ī-rāādə́ ní, a reēn̄ yā kɔsə nodə́ nang tə́ noí tə́ ō, yā tɔ̄ȳ rīí ō.

Bible sar

⁹ Kɔ́ɔ̄ɓē, gíŕ nápar de gə̄ malang ń ī-rāādə́ ní, a reēn̄ yā kɔsə nodə́ nang tə́ noí tə́ ō, yā tɔ̄ȳ rīí ō.

PĀ GƏ̄ 86:9 Referans Kwoze

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

IJAI 66:23

Adə̄ kə dɔ rāā nāā gə̄ kə́ ndɔ̄ teē naā kə́ kijə tə́ gə̄ malang ní, kə dɔ ndɔ̄ sabat gə̄ malang ní, de kə́ dɔ nang tə́ gə̄ malang a reēn̄ yā kɔsə kejədə́ nang tə́ noḿ mā Kɔ́ɔ̄ɓē tə́.

PĀ GƏ̄ 66:4

na de kə́ dɔ nang tə́ gə̄ malang na ɔsən̄ nodə́ nang tə́ non tə́ ō, na ənīn̄ pā ɔsən̄neé gɔnən ō tɔ̄ȳn̄neé rīn ō.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

PĀ GƏ̄ 102:15

O̰o̰ ngé kəla yāí gə̄ tɔdɔ̄ mbal̄ kəndā kújə́ kə́ tū tə́ gə̄ ngá̰ý, bū loo kə́ ndəbā ɓē kə́ Siyo̰ tə́ gə̄gē kumdə́ o̰o̰də́ tɔdɔ̄ ngá̰ý.

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

Makətūbə̄ ń Pol ndang adə̄ Rom gə̄ ní 15:9

Ni-reē i yā kadə̄ de gə̄ ń nin̄ i Jipə aĺ gə̄ ní, ɔsən̄ gɔn Nə́ɓā tām̄ kem majə yān tə́. Tītə̄ ń makətūbə̄ yā Nə́ɓā ədań ní, ndangən̄ na: I tām̄ najə̄ ń toō tə́ n m-ā m̄-ɓōkíī tɔ̄ȳ dan nápar de gə̄ tə́ ō, m-ā m-ə̄nā pā yā tɔ̄ȳń rīí ō ní.

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

JAKARI 14:9

Kɔ́ɔ̄ɓē a ndi mban̄g dɔ dɔ nang malang tə́ kə taá. Ndɔ̄ ń noō tə́ ní, i Kɔ́ɔ̄ɓē ngóy n de gə̄ a rɔȳnən̄ tītə̄ Nə́ɓā beé ō, de gə̄ a ndɔ̄ȳn̄ i kə rīn nií ngóy ō.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

PĀ GƏ̄ 72:19

ādə̄ tɔ̄ȳn̄ Nə́ɓā kə́ nge rī ɓār̄ ngándáńg! ādə̄ kɔsə gɔn yān taā loo malang dɔ nang tə́! Adə̄ i tītə̄ ń noō, adə̄ i tītə̄ ń noō!

PĀ GƏ̄ 67:7

Dɔ nang teē kōō: Nə́ɓā ń i Nə́ɓā yājí ní rāā majə sejí.

JEJU TEĒ KUM JA̰A̰ 20:3

Ni-ənīn bəlo kə́ bo kə́ ngɔ́nən gətóó tə́ ba utə̄ tan ō, rákə̄ yá̰a̰ tan tə́ adə̄ ngan̄g ō, yā kadə̄ dā̰ ní rāā nápar de gə̄ adə̄ ndúmə̄n̄ to̰ alé, bátə́ kadə̄ gír ɓāl̄ kə́ dūbú gə̄ gāngəń. Gō tə́ anī, a tútənən̄ yā kəya̰n dɔɔ́ sḛ́ý.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

EPEJƏ 1:12

I beé ní, jḭḭ̄ ń j-əndāī kemjí dɔ Kərist tə́ ta kəga dɔ ní, ādə̄ jə-tɔ̄yī Nə́ɓā ń i de kə́ bo ní.

PĀ GƏ̄ 72:8

Ādə̄ loo ń ni-o̰o̰ ɓē dɔ tə́ ní ḭḭ bā bo kə́rēý tə́ bátə́ bā bo kə́ rang tə́ ō, ḭḭ bā Opəratə tə́ bátə́ ta ngóy dɔ nang tə́ ō!

2 YÁ̰A̰ GƏ̄ 6:33

ḭ̄ Kɔ́ɔ̄ɓē ń loo ndií i dɔ rā̰ tə́ ní, ī-ndi tū tə́ ōoń ndū tə̄rā ní ba ī-rāā yá̰a̰ malang ń dəjeī ní. I beé tá gír de kə́ dɔ nang tə́ gə̄ malang a gerə̄n̄neé rīí ō, a ɓōlə́n̄neé ndílí tītə̄ ń gír deē yāí gə̄ a ɓōlə́n̄neé ndílí ní ō, a gerə̄n̄neé kadə̄ rīí ɓār̄ dɔ kújə́ ń toō ń m̄-rāā tə́ ní ō.

SOPONI 3:9

A̰á̰ā̰, m-ā m̄-tə́go ta nápar de gə̄ kadə̄ unjə̄ njáý njáý. Loo ń noō tə́ nin̄ malang a asən̄ ndɔ̄ȳm̄ mā Kɔ́ɔ̄ɓē ō, a rāān̄ kəla yā kadə̄m̄ kə kemdə́ kə́ kógə̄ḿ ō.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.