PĀ GƏ̄ 85:9 - Bibəl ta Sar̄

⁹ Yá̰á̰ ń Kɔ́ɔ̄ɓē Nə́ɓā əda ní m-ōō kə mbīḿ. Ni-ɔr̄ i najə̄ kem sɔl̄ lɔm kə́ tām̄ yā gír deē yān gə̄ tə́ ō, deē yān gə̄ kə́ ran̄ dɔ ndūdə́ tə́ ō, ba kadə̄ tél rāān̄ mbóo to̰ alé!

Bible sar

⁹ Yá̰á̰ ń Kɔ́ɔ̄ɓē Nə́ɓā əda ní m-ōō kə mbīḿ. Ni-ɔr̄ i najə̄ kem sɔl̄ lɔm kə́ tām̄ yā gír deē yān gə̄ tə́ ō, deē yān gə̄ kə́ ran̄ dɔ ndūdə́ tə́ ō, ba kadə̄ tél rāān̄ mbóo to̰ alé!

PĀ GƏ̄ 85:9 Referans Kwoze

JAKARI 2:5

Mā Jakari m-ún kumḿ kə̄ dɔɔ́ anī, yá̰á̰ ń m-á̰ā̰ ní n toó, m-á̰a̰ i deē kógə̄ḿ kə́ əhɔ kəlā kə́ yā mbɔ̄jə́nń loo jīn tə́.

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

Najə̄ kə́ Majə yā Jeju ń Luk ndang ní 2:32

Ni i loo kə́ unjə̄ kow tām̄ yā nápar de kə́ rang gə̄ tə́ ō, a ɔsə gɔn Israel ń i gír deē yāí gə̄ ní ō.

JAKARI 2:8

Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

EJEKIEL 26:20

M-ā m̄-rāāī kadə̄ ā ī-risə yā kaw̄ ndi dan de kə́ koy gə̄ tə́, naā tə́ kə ngé gə̄ ń ton̄ kem bəlo ɓádə gə̄ tə́ ní, adə̄ ā āw̄ gō de kə́ kété jóo gə̄ tə́. M-ā m̄-rāāī kadə̄ ā ī-ndi ɓē gíŕ nángāá. Ā ī-to tītə̄ mbal̄ kə́ jóo gə̄, ā ī-ndi naā tə́ kə ngé gə̄ ń nin̄ i kem bəlo ɓádə gə̄ tə́ ní. Ā ásə teē loo ń noō tə́ aĺ ō, dɔ nang ń de kə́ kə kumuú gə̄ ndin̄ tū tə́ ní, ā ə́nge loo tū tə́ aĺ ō.

PĀ GƏ̄ 50:23

Deē ń yá̰a̰ tun̄ yān i tɔ̄ȳ ní n i deē ń ɔsə gɔnəḿ ní. Deē ń ngɔ̄m̄ hálən majə adə̄ ni i de kə́ súmūú ní, m-ā m-ɔ́jən loo kajə ń Nə́ɓā a ajə deē ní.

KƏLA RĀĀ 13:16

Anī Pol ḭḭ dɔɔ́, wél̄ jīn, ba əda na: Israel gə̄ ō, sḭḭ̄ ngé rāā kəla kadə̄ Nə́ɓā ō, ōōī najə̄ yāḿ.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

IJAI 4:5

anī, ni a rāā kadə̄ kil̄ man̄ kógə̄ḿ teē kadaá dɔ mbal̄ Siyo̰ tə́ kə taá malang ō, dɔ de gə̄ malang ń a kánə̄n̄ naā dɔ tə́ ní tə́ ō, ba ndɔ̄ɔ́ anī ni a rāā kadə̄ sa ō, ta ndo̰ hor kə́ ndə́lē gə̄ ō, teēn̄ dɔ mbal̄ Siyo̰ tə́ kə taá malang ō, dɔ de gə̄ malang ń kánə̄n̄ naā dɔ tə́ ní tə́ ō. Kɔsə gɔn yā Kɔ́ɔ̄ɓē a utə̄ dɔ yá̰a̰ malang tītə̄ kújə tandā kə́ bo ngá̰ý beē,

PĀ GƏ̄ 119:155

Kajə ndetə kadə de kə́ sew aĺ gə̄ ngɔr alé. Tɔdɔ̄ nin̄ sāān̄ gō yá̰a̰ gə̄ ń ī-ndang kadə̄ yā rāā ní alé.

1 SAMUEL 3:9

Adə̄ əda Samuel na: Ī-tél āw̄ ī-to nang tə́. Ba ré a ɓāríī ɓáý to̰ anī, ə́da na: Kɔ́ɔ̄ɓē, ɔ̄r̄ najə̄ na nge kəla yāí nēl̄ mbīn yā koōń. Samuel tél aw̄ to gotən tə́ gogə́.

JEREMI 23:35

Najə̄ ń ā ə́daī naā dɔ dáńsí tə́ ní n toó: Kɔ́ɔ̄ɓē tél əda na i rí? Kɔ́ɔ̄ɓē ɔr̄ najə̄ i əda na i rí?

JEREMI 23:37

Yá̰á̰ ń ā ə́da nge koō ta ní n toó: Kɔ́ɔ̄ɓē tél ədaī na i rí? Kɔ́ɔ̄ɓē ɔr̄ najə̄ əda na i rí?

JEREMI 29:11

Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

EJEKIEL 3:10

Ni na̰y kə̄ loo kɔr̄ najə̄ tə́ seḿ ɓáý, əda na: Ḭ̄ ngōn̄ deē, ī-nēl̄ mbīí majə ōoń najə̄ ń m-ā m-ə́daī ní ō, ī-taā najə̄ yāḿ ə̄ndā ngarā̰ kemií tə́ ō.

HABAKUK 2:1

Mā m̄-ndigə ra loo ngɔ̄m̄ loo ń əndāmə̄n̄ tū tə́ ní tə́. M-ā m̄-ra kə njaḿ dɔɔ́ dɔ ndogə̄ mbal̄ kə́ yā rɔ̄ɔ̄ń dɔ ɓē tə́ tə́. M-ā m̄-ngóō yā ger̄ yá̰á̰ ń Nə́ɓā a ədam̄ ní ō, yā ger̄ loo dal ń ni a dal nōō rɔ̄ yāḿ gə̄ ní ō.