PĀ GƏ̄ 85:6 - Bibəl ta Sar̄

⁶ Ā ī-rāā wōn̄g sejí i kə̄ noí tə́ a? Ā ī-rāā wōn̄g kə gír kaají kə taá malang kə dɔ ɓāl̄ gə̄ kə dɔ ɓāl̄ gə̄ a?

Bible sar

⁶ Ā ī-rāā wōn̄g sejí i kə̄ noí tə́ a? Ā ī-rāā wōn̄g kə gír kaají kə taá malang kə dɔ ɓāl̄ gə̄ kə dɔ ɓāl̄ gə̄ a?

PĀ GƏ̄ 85:6 Referans Kwoze

HABAKUK 3:2

Kɔ́ɔ̄ɓē, kəla rāāí kə́ bo bo gə̄ ní, m-ōō gotə. Kɔ́ɔ̄ɓē, dan ń m-ōō ní, m̄-ndew. Ī-rāā yá̰á̰ kə́ tītə̄ ń noō gə̄ dan ndijí kə kumjí tə́ ō, ī-rāā adə̄ de gə̄ gerə̄n̄də́ dan ndijí kə kumjí tə́ ō. Ká ré wōn̄g rāāī gə̄gē anī, ādə̄ əga kemií dɔ tár yāí tə́.

PĀ GƏ̄ 80:18

Ə̄ndā jīí dɔ deē ń ndi dɔ jī ko̰í tə́ ní ō, dɔ ngōn̄ deē ń i ḭ̄ n i nge kadə̄n tɔ́gə́ tə́ ní ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

PĀ GƏ̄ 90:14

Ī-rāā kem majə sejí ngá̰ý, ādə̄ tɔ̄l̄ ɓōn kə́ kemjí tə́ dəloí ɓatə. Loo ń noō tə́ j-a j-əga kɔŕ rɔ̄nel̄ kə dɔ ndɔ̄ gə̄ malang ń j-a jə-ndiń kə kumjí ní.

OJEE 6:2

Gō tə́ rāā ndɔ̄ jōó anī, ni a rāā kadə̄ j-a jə-tél jə-ndiī kə kumjí gogə́. Kə ndɔ̄ kə́ nge ko̰ mətá anī, ni a tél yā kunjí dɔɔ́ gogə́ ō, j-a jə-ndiī kə kumjí ta kumən tə́ ō.

PĀ GƏ̄ 71:20

Ḭ̄ ī-rāā ādə̄ wur kɔl əsō dɔḿ tə́ ō, yá̰á̰ kə́ to kum kaȳ aĺ gə̄ teēn̄ dɔḿ tə́ ō. Banī ā ī-reē yā rāām̄ kadə̄ m-ā m̄-ndi kə kumḿ gogə́. Ā ī-reē yā teē seḿ kɔ̄ɔ́ ɓádá, kem bəlo kə́ lú ngá̰ý tə́.

PĀ GƏ̄ 53:6

Loo ń yá̰á̰ kə́ to ɓōĺ gətóo tū tə́ anī, nin̄ a ɓōlə́n̄ i mbéé kə́ ndewn̄ yakə yakə. Tɔdɔ̄ ngé kənīī rɔ̄ɔ̄ gə̄ ní, Nə́ɓā tə́nī kə̄ngādə́ kógə̄ḿ kógə̄ḿ kə̄ loo gə̄ tə́. Ī-mbóo sedə́ tɔdɔ̄ Nə́ɓā tə̄ɓādə́ kɔ̄ɔ́.

PĀ GƏ̄ 138:7

Ré mā i dan wur kɔl tə́ anī, ī-rāā ādə̄ m̄-ndi kə kumḿ gogə́. Ī-ɓir̄ jīí ə́ndań kó̰ń ngé rɔ̄ɔ̄ḿ gə̄ ō, jī ko̰í rāā adə̄ m̄-tetə rɔ̄ɔ̄ ō.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

PĀ GƏ̄ 149:2

Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

PĀ GƏ̄ 74:1

Pā kə́ kəda, i pā yā Asap. Nə́ɓā, ī-mbātə́jí njɔ́ḿ i tām̄ rí tə́? Jḭḭ ń i ɓūtə̄ yá̰a̰ kul̄ gə̄ kə́ i ḭ̄ n i nge kul̄jí ní, wōn̄g rāāī sejí ngá̰ý i tām̄ rí tə́?

PĀ GƏ̄ 77:8

Kɔ́ɔ̄ɓē a mbātə́jí i kə́ njɔ́ḿ gə̄ tə́ a? A rāā kem majə sejí to̰ aĺ i kə́ bátə́ gə̄ tə́ a?

JEREMI 3:5

Nə́ɓā a rāā wōn̄g seḿ kə̄ non tə́ a? Ni a əhɔm̄ kemən tə́ kə́ njɔ́ḿ gə̄ tə́ a? Banī, taí a ɔ̄r najə̄ ō, ā ī-rāań yá̰á̰ kə́ majaĺ kə̄ noí tə́ kə́ nja ngáā tə́ ō.