PĀ GƏ̄ 85:13 - Bibəl ta Sar̄

¹³ Kɔ́ɔ̄ɓē nəkɔ́ i nge rāā kadə̄ deē ndi majə ō, nge rāā kadə̄ dɔ nang yājí teē kōō ō.

Bible sar

¹³ Kɔ́ɔ̄ɓē nəkɔ́ i nge rāā kadə̄ deē ndi majə ō, nge rāā kadə̄ dɔ nang yājí teē kōō ō.

PĀ GƏ̄ 85:13 Referans Kwoze

PĀ GƏ̄ 89:14

Jī kə́ kɔl watang ń toō, kə́ tɔ́gən i ngá̰ý ń toō, jī ko̰ kə́ kəla kə̄ dɔɔ́ ń toō i jīí ḭ̄.

JA̰A̰ 13:34

M-ādə̄sí gō míndə́ kə́ kijə: Ī-táriī naā. Tītə̄ ń m̄-tárəńsí ní, ī-táriī naā dɔ dáńsí tə́ ō.

1 JA̰A̰ 2:6

Deē ń əda na n-ndi na i kemən tə́ ní, majə kadə̄ kɔ́ɔ̄ njə̄rā tītə̄ ń Jeju nəkɔ́ njə̄rań ní.

1 PIYER 4:1

Dan ń rɔ̄ Kərist tōrə̄n ní, majə kadə̄ i gír̄ kə́ kógə̄ḿ beē nəkɔ́ ń toō n sḭḭ̄ āwīneé dɔsí tə́ yā rań ta yá̰á̰ kə́ tōr̄ gə̄ tə́ ní ō. Tɔdɔ̄ deē ń a̰a̰ tápə̄ kem dā̰ rɔ̄n tə́ ní, nin̄-əya̰n̄ naā kə majaĺ kɔ̄ɔ́.

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

IJAI 58:8

Loo ń noō tə́ loo kə́ unjə̄ kow yāí a teē tītə̄ ta gír loo kə́ atə wororo beé ō, do yāí a idə̄ láẃ ō. Yá̰a̰ rāāí kə́ gōtə́ a njə̄rā kété noí tə́ ō, kɔsə gɔn yā Kɔ́ɔ̄ɓē a njə̄rā gogə́ gōí tə́ ō.

PĀ GƏ̄ 119:35

Āw̄ seḿ dɔ róbə yā gō míndí gə̄ tə́, anī rɔ̄ḿ a nelə̄m̄ ngá̰ý loo kun gō tə́.

LEBI GƏ̄ 26:4

m-ā m̄-rāā kadə̄ man̄ edə tām̄ yāsí tə́ kə dɔ nān gēé. Dɔ nang a teē kōō ō, kāgə̄ gə̄ a anə̄n̄ ō.

JEREMI 31:14

M-ā m̄-rāā kadə̄ ngé tun̄ yá̰a̰ gə̄ əsan̄ dā̰ kə́ yḛmbə gə̄ kadə̄ ndān̄ kemdə́ ō, kadə̄ gír deē yāḿ gə̄ əngen̄ yá̰a̰ yāḿ gə̄ kadə̄ asə jīdə́ ō.

EJEKIEL 36:30

Kāgə̄ yāsí gə̄ a anə̄n̄ ngá̰ý ō, ndɔr̄ yāsí gə̄ a teēn̄ kōō ngá̰ý ō, kə ta kūlə̄ḿ. Loo ń noō tə́ rɔ̄sí a sɔl̄sí najə̄ yā ɓō kə́ rāāsí tə́ ta kum nápar de gə̄ tə́ to̰ alé.