PĀ GƏ̄ 85:1 - Bibəl ta Sar̄

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

Bible sar

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

PĀ GƏ̄ 85:1 Referans Kwoze

PĀ GƏ̄ 14:7

I náā n ndi Siyo̰ nú yā tetəń rɔ̄ɔ̄ kadə̄ Israel ní? Dan ń Kɔ́ɔ̄ɓē a tél kə ngé gə̄ ń rɔ̄ gān̄gdə́ ní yā reē sedə́ dan gír deē yān gə̄ tə́ anī, Jakob a rāā walya, Israel a ndi i kə rɔ̄nelēé.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ táĺ ō.

PĀ GƏ̄ 77:7

Ndɔ̄ɔ́ anī əga kemḿ dɔ pā yāḿ tə́, m̄-tél m̄-gír̄ dɔ tə́ ɓáý ō, m̄-dəje rɔ̄ḿ najə̄ ō.

JOEL 2:18

Nə́ɓā rāā jang tām̄ yā ɓē yān tə́. Ni-a̰a̰ kum tō ndoō yā gír deē yān gə̄.

PĀ GƏ̄ 42:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā ngán Kore gə̄.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.

JOEL 3:1

Gō tə́ anī, m-ā m-ādə̄ Ndílə́ḿ risə dɔ de gə̄ tə́ malang. Ngáńsí kə́ dəngam gə̄ ō, ngáńsí kə́ dəyá̰ gə̄ ō, a ədan̄ najə̄ kə́ Nə́ɓā əndā tadə́ tə́ ō, nī a rāā de kə́ tɔgə ɓə́ga yāsí gə̄, ngósaa yāsí gə̄ a a̰a̰n̄ yá̰a̰.

LEBI GƏ̄ 26:42

A əga kemḿ dɔ madə̄ naā kə́ m-ə́hɔ kə kaadə́ Jakob ō, Isaak ō, Abəraham ō tə́. A əga kemḿ dɔ nang kə́ m-ə̄nī míndə́ḿ yā kadə̄də́ tə́ ō.

JEREMI 31:23

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

ESDRAS 1:11

Yá̰a̰ malang kə́ rāā kə lɔ́rɔ́ ō, kə arjā̰a̰á̰ ō, i 5 400. Sesəbasar ɔy malang aw̄ń Jerusalem dan ń ngán Israel gə̄ teēn̄neé ɓəloó kɔ̄ɔ́ kem ɓē kə́ Babilon tə́ ní.