PĀ GƏ̄ 83:18 - Bibəl ta Sar̄

¹⁸ Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

Bible sar

¹⁸ Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

PĀ GƏ̄ 83:18 Referans Kwoze

Teē Ngán Israel gə̄ 6:3

Dan ń m̄-ndɔ̄bə̄ Abəraham ō, Isaak ō, Jakob ō ní, nin̄-ger̄mə̄n̄ i kə rīḿ ń na i Nə́ɓā kə́ bo kə́ tɔ́gən i ngá̰ý ní, ba rīḿ ń na i Kɔ́ɔ̄ɓē ní tá nin̄-gerə̄n̄ alé.

PĀ GƏ̄ 59:13

Ré ɔrə̄n̄ najə̄ anī majaĺ i tadə́ tə́. Ādə̄ gūmbə̄ kɔjə rɔ̄ yādə́ əhɔdə́, tɔdɔ̄ nin̄ ndɔ̄lə́n̄ madə̄də́ ō, sorə̄n̄ ō.

EJEKIEL 38:23

M-ā m-ɔ́jə́ nápar de gə̄ malang kadə̄ mā i Nə́ɓā kə́ bo ō, kə́ táĺ ō, i tītə̄ ń noō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

PĀ GƏ̄ 97:9

Tām̄ i ḭ̄ Kɔ́ɔ̄ɓē ń i Nə́ɓā kə́ dɔɔ́ sa̰y ngá̰ý dɔ dɔ nang tə́ malang ní. Ḭ̄ ī-ndi dɔɔ́ dɔ nə́ɓā kə́ rang gə̄ tə́ malang.

JEREMI 16:21

I tām̄ ń toō tə́ n m-ā m̄-rāā kadə̄ gerə̄n̄ tɔ́gə jīḿ kə́ ɔl watang ō, a gerə̄n̄ kadə̄ rīḿ i Kɔ́ɔ̄ɓē ō.

2 MBAN̄G 19:19

Banī ḭ̄ Kɔ́ɔ̄ɓē Nə́ɓā yājí, ī-taājí jī Senakerib tə́ ə́yá̰jí dɔɔ́. Loo ń noō tə́, Kɔ́ɔ̄ɓē, de kə́ kem ɓē ko̰o̰ gə̄ kə́ dɔ nang tə́ gə̄ malang a gerə̄n̄ kadə̄ i ḭ̄ ngóy n i Nə́ɓā ní.

DANIEL 4:32

De kə́ dɔ nang tə́ gə̄ malang ká nin̄ i ngá̰ý tītə̄ rí gə̄gē, nin̄ i yá̰a̰ alé ta kumən tə́. Ni a rāā yá̰a̰ i kə gō kem ndigə yānneé kə de kə́ dɔ rā̰ tə́ gēé ō, kə de kə́ dɔ nang tə́ gēé ō. De kə́ asə kəhɔ jīn ba kədan na ké ā i rí n toó wa ní gətóo.

EJEKIEL 30:19

M-ā m-ún sarya gāngə̄ḿ yā rāań yá̰a̰ kə ɓē kə́ Ejiptə ō, de gə̄ malang a gerə̄n̄ kadə̄ Kɔ́ɔ̄ɓē i mā ō.

IJAI 42:8

Mā i Kɔ́ɔ̄ɓē, rīḿ n noó. M-ā m-ún kɔsə gɔn yāḿ yā kadə̄ de kə́ rang alé. M-ā m-ə́ya̰ tɔ̄ȳ kə́ tām̄ yāḿ tə́ yā kadə̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ alé.

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

1 MBAN̄G GƏ̄ 18:37

Ī-ndigəm̄, Kɔ́ɔ̄ɓē, ī-ndigəm̄, ādə̄ de gə̄ ń toō gerə̄n̄ kadə̄ i ḭ̄ Kɔ́ɔ̄ɓē n i Nə́ɓā ō, nge tūr̄ kem deē yāí gə̄ kə̄ rɔ̄í tə́ ō ní.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

PĀ GƏ̄ 92:8

Ré de kə́ sew aĺ gə̄ tɔgən̄ ngá̰ý tītə̄ mu ō, ngé rāā yá̰a̰ majaĺ gə̄ malang teēn̄ deē ō anī, i yā kadə̄ nujən̄ sedə́ kə́ njɔ́ḿ gə̄ tə́.

PĀ GƏ̄ 9:2

Kɔ́ɔ̄ɓē, m̄-ndigə ɓōkíī tɔ̄ȳ kə ngarā̰ kemḿ gēé malang ō, m̄-ndigə kənī gotə yá̰a̰ malang kə́ majə ngá̰ý gə̄ ń ī-rāā ní ō.

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

TA KƏLA 22:14

Abəraham əndā rī loo ní na i Kɔ́ɔ̄ɓē a adə̄. I tām̄ ń toō tə́ n ɓōólaā gə̄gē a ədan̄ na dɔ mbal̄ yā Kɔ́ɔ̄ɓē tə́ Kɔ́ɔ̄ɓē na a adə̄ ní.

JAKARI 4:14

Tā anī, ni ɔjəm̄ kum, əda na: I de kə́ jōó gə̄ ń ɔrə̄n̄ kam̄də́ tayā kə yibīí kadə̄ rāān̄ kəla yā kɔ́ɔ̄ dɔ nang kə taá malang ní.

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

IJAI 5:16

Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

PĀ GƏ̄ 18:13

Loo ndə́lē kété non tə́ ō kil̄ man̄ yān gə̄ mānə̄n̄ naā tə́ kə kɔ̄sɔ̄ɔ́ ō, kə yā̰l̄ hor kə́ a kə̄rā sirií ō.

PĀ GƏ̄ 35:4

Ngé gə̄ ń sāān̄ tɔ̄lə̄m̄ ní ādə̄ ndə̄ngān̄ rɔ̄də́ ō, ādə̄ rɔ̄də́ sɔl̄də́ ō! Ngé gə̄ ń nómə̄n̄ rāām̄ yá̰á̰ kə́ to kum kaȳ aĺ ní ādə̄ télən̄ kə gōdə́ kə rɔ̄sɔlɔ̄ɔ́.