PĀ GƏ̄ 82:5 - Bibəl ta Sar̄

⁵ Banī sḭḭ̄ ī-gerī yá̰a̰ aĺ ō, ī-gerī kum najə̄ aĺ ō, ī-ndiī i ndɔ̄ɔ́, ā ī-mámī i loo n ā ī-njə̄rāińeé ní, adə̄ gír ngəra dɔ nang malang i kə́ sóngə̄lō kɔ̄ɔ́.

Bible sar

⁵ Banī sḭḭ̄ ī-gerī yá̰a̰ aĺ ō, ī-gerī kum najə̄ aĺ ō, ī-ndiī i ndɔ̄ɔ́, ā ī-mámī i loo n ā ī-njə̄rāińeé ní, adə̄ gír ngəra dɔ nang malang i kə́ sóngə̄lō kɔ̄ɔ́.

PĀ GƏ̄ 82:5 Referans Kwoze

PĀ GƏ̄ 11:3

Dan ń yá̰á̰ kə́ majə nujə kɔ̄ɔ́ ní, de kə́ súmūú a rāā i ba̰ý?

MISE 3:1

Ba mā m-ə́dásí na: I beé ɓá ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ń i ngé gān̄g sarya yā gír de gə̄ yā Israel ní, ōōī. Yá̰á̰ ń i yá̰á̰ kə́ gōtə́ ní, i sḭḭ̄ n i ngé ger̄ gə̄ ní wa ḿ?

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

Gōsə̄ najə̄ gə̄ 2:13

jī ngé kəya̰ róbə́ kə́ súmūú kɔ̄ɔ́ ba kunəń róbə́ kə́ súmūú aĺ gə̄ tə́ ō.

1 JA̰A̰ 2:11

Ba deē ń im̄ ngōkó̰o̰n ní ndi i tilií ō, njə̄rā i kum til tə́ ō, ger̄ loo ń ni a aw̄ kə̄ tū tə́ ní aĺ ō, tām̄ til utə̄ kumən kɔ̄ɔ́.

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

Gōsə̄ najə̄ gə̄ 1:29

Tɔdɔ̄ nin̄ mbātə́n̄ ger̄ yá̰a̰ ō, gə̄rān̄ kadə̄ kə n-ɓōlən̄ ndíĺ Kɔ́ɔ̄ɓē aĺ ō.

PĀ GƏ̄ 14:4

Kɔ́ɔ̄ɓē əda na ngé rāā yá̰a̰ majaĺ gə̄ ń noō na gerə̄n̄ yá̰a̰ aĺ rɔ̄kum, tɔdɔ̄ na əsan̄ jī gír deē yān gə̄ ajən̄neé, ba na ɓārə́n̄ rīn nja kógə̄ḿ aĺ bátə́.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

JA̰A̰ 3:19

Sarya ní n toó: Loo kə́ unjə̄ kow reē dɔ nang tə́, ba de gə̄ ndigən̄ til tɔȳ loo kə́ unjə̄ kow, tɔdɔ̄ yá̰a̰ rāādə́ i kə́ majaĺ.

IJAI 59:9

I tām̄ najə̄ ń toō tə́ n Nə́ɓā rāā yá̰a̰ tām̄ yājí tə́ aĺ ō, gān̄g sarya kə́ gōtə́ adə̄jí aĺ ō ní. J-əndāī kemjí dɔ loo kə́ unjə̄ kow tə́, banī jḭḭ̄ i kum loo kə́ ndul tə́. J-a jə-ngóōī i kə́ kadə̄ loo tīī dɔjí tə́, banī jə-njə̄rāī i ndɔ̄ɔ́.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

PĀ GƏ̄ 53:4

Nin̄ malang ndúmə̄n̄ kɔ̄ɔ́, nin̄ malang nujən̄ kɔ̄ɔ́. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo, kal kógə̄ḿ lélék gə̄gē gətóo.

KOHELET 3:16

Yá̰á̰ ń m-ə̄ndā ma̰ȳ m-á̰a̰ā̰ dɔ nang tə́ ɓáý to̰ ní n toó: Kem ndul taā loo jī yá̰á̰ kə́ súmūú tə́ ō jī yá̰á̰ kə́ gōtə́ tə́ ō.

KOHELET 2:14

Tɔdɔ̄ kum de kə́ nge kum kedə̄ a̰a̰ loo ń ni a aw̄ kə̄ tū tə́ ní, ba de kə́ mbóo a njə̄rā i kum til tə́. Banī mā m̄-ger̄ kadə̄ i yá̰á̰ kə́ kógə̄ḿ beē n a rāādə́ jōó mbak ní.

Gōsə̄ najə̄ gə̄ 4:19

Banī háĺ ngé kem ndul gə̄ to i tītə̄ loo kə́ ndɔ̄ɔ́ kə́ ndul ndḭ́ ndḭ́ beē. Yá̰á̰ kə́ to kum róbó ń a rāā yā kəga njadə́ ní, nin̄ asən̄ ka̰ā̰ alé.

PĀ GƏ̄ 75:3

Nə́ɓā əda na n-a n-gān̄g sarya kə gō róbəneé, ndɔ̄ ń n-a n-ɔjə̄ tə́ ní.

Makətūbə̄ yā Job 8:9

Jḭḭ i de kə́ tagə́bēé laā gə̄ ō, jə-ger̄ yá̰á̰ kógə̄ḿ aĺ ō. Tɔdɔ̄ ndɔ̄jí gə̄ ń jə-ndiń kə kumjí dɔ nang tə́ ní, ton̄ i tītə̄ ndíĺ yá̰á̰ kə́ a mān̄ beé.

PĀ GƏ̄ 99:1

Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!