PĀ GƏ̄ 82:3 - Bibəl ta Sar̄

³ Majə kadə̄ ī-gāngī sarya kə gōó tām̄ yā nge tɔ́gə gətóó tə́ ō ngōn̄ hal tə́ ō. Ī-gāngī sarya yā nge rɔ̄ tō ndoō ō, nge nal̄ yá̰a̰ ō, kə gōó.

Bible sar

³ Majə kadə̄ ī-gāngī sarya kə gōó tām̄ yā nge tɔ́gə gətóó tə́ ō ngōn̄ hal tə́ ō. Ī-gāngī sarya yā nge rɔ̄ tō ndoō ō, nge nal̄ yá̰a̰ ō, kə gōó.

PĀ GƏ̄ 82:3 Referans Kwoze

PĀ GƏ̄ 10:18

yā gāngəń sarya yā ngōn̄ hal ō, yā deē ń rāān̄ kumən ndoō tə́ ní ō, kə gō róbə́ kə́ súmūú. Loo ń noō tə́ de kə́ dɔ nang tə́ kə́ yā rāā madə̄n majaĺ a gətóo.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

JEREMI 22:16

Əndā rɔ̄n ta najə̄ yā deē ń əlan̄ rɔ̄sɔl̄ dɔn tə́ ní ō, ta najə̄ yā nge ndoō tə́ ō kə gōó adə̄ yá̰a̰ malang njə̄rā majə. Deē ń a rāā yá̰a̰ tītə̄ ń noō ní kɔ́ɔ̄ gerə̄m̄ i mbée n noō aĺ a? Najə̄ ń Kɔ́ɔ̄ɓē əda ní n noó.

JEREMI 22:3

Najə̄ ń Kɔ́ɔ̄ɓē əda ní n toó: Ī-rɔ̄ɔ̄ī dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́. Ī-lōōī rāā kum de gə̄ ndoō tə́, ī-lōōī rāā nge nam̄ ɓē ō, ngōn̄ hal ō, dəyá̰ kə́ ngaa koy ō, yá̰á̰ kə́ tōr̄. Ī-lōōī ɓōkə́ mósə de kə́ najə̄ gətóo dɔn tə́ loo ń toō tə́.

JEREMI 5:28

Nin̄ boon̄ majə ō, ndə́lēn̄ ō, rāān̄ majaĺ al̄ naā ō. Nin̄ ɓōlə́n̄ ndíl najə̄, aláa yá̰a̰ yā deē aĺ ō, yā ngōn̄ hal aĺ ō. Yá̰a̰ rāādə́ malang teēdə́ yá̰á̰ tə́ usədə́ dɔ najə̄ yā ngé rɔ̄ tō ndoō gə̄ tə́ alé.

NDŪ NAJƏ̄ 24:17

Ā ī-tūr̄ gidə yá̰á̰ kə́ gōtə́ yā tə̄rā kə́ nge nam̄ aĺ ō, yā ngōn̄ hal aĺ ō. Ā ə́hɔ kūbə̄ yā dəyá̰ kə́ ngaa koy kə̄rā tə́ gíŕ yá̰á̰ kə́ ādə̄n loo tə̄nā tə́ tə́ aĺ ō.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.

NDŪ NAJƏ̄ 10:18

Ni i nge rɔ̄ɔ̄ dɔ ngōn̄ hal tə́ ō, dɔ dəyá̰ kə́ ngaa koy tə́ ō, ni i nge tár nge nam̄ kə yá̰a̰ kəsaá ō, kə kūbūú ō.

Teē Ngán Israel gə̄ 23:3

Ā ī-rāā kə de kə́ nge rɔ̄ tō ndoó loo sarya tə́ kadə̄ teēń kum tə́ alé.

Teē Ngán Israel gə̄ 23:6

Ā ī-nujə najə̄ yā nge rɔ̄ tō ndoō yāí loo sarya tə́ alé.

Makətūbə̄ yā Job 29:12

Tɔdɔ̄ m-ájə nge ndoō ń nōō kə̄ dɔḿ tə́ ní ō, m-ájə ngōn̄ hal ń de kə́ nge rāā seneé gətóó ní ō.

Makətūbə̄ yā Job 31:21

Ré m-ún jīḿ kə́ ɓir̄ kə̄ dɔɔ́ yā kəndań ngōn̄ hal, tām̄ m̄-ger̄ kadə̄ ngé sarya gə̄ ndigən̄ najə̄ gōḿ tə́ anī,

Gōsə̄ najə̄ gə̄ 31:9

Ī-teē taí ī-gāngəń sarya kə gō róbə́ kə́ súmūú ō, ɔ̄rəń najə̄ yā nge ndoō ō, de kə́ nge rɔ̄ tō ndoō ō.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.