PĀ GƏ̄ 82:2 - Bibəl ta Sar̄

² Ā ī-gāngī sarya kə gōó aĺ i bátə́ ta kaw̄ kə̄ rá? Tɔdɔ̄ sḭḭ̄ ə̄nīī najə̄ kə̄ gíŕ ngé rāā yá̰á̰ kə́ gōtə́ aĺ gə̄ tə́.

Bible sar

² Ā ī-gāngī sarya kə gōó aĺ i bátə́ ta kaw̄ kə̄ rá? Tɔdɔ̄ sḭḭ̄ ə̄nīī najə̄ kə̄ gíŕ ngé rāā yá̰á̰ kə́ gōtə́ aĺ gə̄ tə́.

PĀ GƏ̄ 82:2 Referans Kwoze

NDŪ NAJƏ̄ 1:17

A ī-gāngī sarya tām̄ ta kum deē alé. Ōōī najə̄ yā nge ndoō ō, yā de kə́ bo ō. Ī-lōōī ɓōĺ ta kum deē kógə̄ḿ, tɔdɔ̄ sarya ń ā ī-gāngī ní i kə rī Nə́ɓāá. Ré najə̄ kə́rēý tɔȳ dɔsí anī, ī-reēīneé rɔ̄ḿ tə́ ādə̄ m-ə̄ndā ma̰ȳ sesí.

Gōsə̄ najə̄ gə̄ 18:5

Rāā de kə́ súmūú kadə̄ ndóm̄ loo sarya tə́ yā rāań majə kə nge kem nduluú i yá̰á̰ kə́ majaĺ.

GALATƏ 2:6

Ba ngé gə̄ ń i ngé kɔr no de gə̄ ní, ɔjəmə̄n̄ yá̰a̰ kə́ kijə gə̄ kadə̄ m̄-rāādə́ dɔ gúú tə́ alé. Kə́ rɔ̄kum tə́, ká ré nin̄ i ngé kɔr no de gə̄ kété gə̄gē anī usəm̄ mā alé, tɔdɔ̄ Nə́ɓā a gān̄g sarya i tām̄ ta kum deē alé.

PĀ GƏ̄ 62:3

A̰á̰ā̰, ni i mbal̄ yāḿ ō, nge kajəḿ ō, loo ndiḿ kə́ ngan̄g ō. Adə̄ yá̰a̰ a yéȳm̄ kə̄ noó rim alé.

Makətūbə̄ yā Job 34:19

I ni ngóy n i nge rɔȳ ngār gə̄ tām̄ ta kumdə́ tə́ aĺ ní ō, nge kɔr̄ kam̄ nge kənge yá̰a̰ naā tə́ kə nge ndoó aĺ ní ō. Tɔdɔ̄ i ni n i nge rāādə́ jōó mbak ní.

2 YÁ̰A̰ GƏ̄ 19:7

Ní, ī-ɓōlíī Kɔ́ɔ̄ɓē ō, ə̄ndāī kumsí gíŕ yá̰á̰ ń ā ī-rāāī tə́ ní majə ō. Tɔdɔ̄ Kɔ́ɔ̄ɓē Nə́ɓā yājí i nge rāā yá̰a̰ gōtə́ aĺ aĺ ō, i nge rāā yá̰a̰ tām̄ ta kum deē aĺ ō, i nge ndigə kadə̄ karī yā nujəń sarya aĺ ō.

1 MBAN̄G GƏ̄ 18:21

Eli ndɔ́tə̄ kə̄ rɔ̄ de gə̄ tə́ malang ba ədadə́ na: I rə́ngáý tə́ ń a asəsí ndām̄ dɔ njasí kə́ kógə̄ḿ tə́ ō, tél ndām̄ dɔ njasí kə́ rang tə́ ō ní? Ré i Kɔ́ɔ̄ɓē n i Nə́ɓā anī úniī gōn ō, ré i Baal n i Nə́ɓā anī, uniī gōn ō! Banī deē kógə̄ḿ ədan najə̄ alé.

LEBI GƏ̄ 19:15

Ī-gāngī sarya kə́ gōtə́ aĺ dɔ deē tə́ alé. Ī-lōō kadə̄ nge ndoō, aláa de kə́ bo najə̄ loo sarya tə́ dɔ bám̄ tə́ karī, ba ī-gān̄g sarya yā ngōn̄ nge ɓē madí kə gōó.

Teē Ngán Israel gə̄ 10:3

Moijə nin̄ kə Aaro̰ aw̄ əngen̄ Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

MATIYE 17:17

Anī Jeju un najə̄ ɔr̄, əda na: Sḭḭ̄ de kə́ majaĺ gə̄ ō, kə́ ngé taā kem aĺ gə̄ ō, kə m̄-ndi sesí i bátə́ rə́ngáý tə́? Kə m̄-tə́gā taḿ dɔsí tə́ i bátə́ rə́ngáý tə́? Ī-reēī kə ngōnōó laā ādə̄mī.

Makətūbə̄ yā Job 32:21

M-ā m-ɔ̄r̄ kam̄ deē aĺ ō, m-ā m̄-tɔ́y gidə deē kə najá aĺ ō.

EJEKIEL 45:9

Najə̄ ń Kɔ́ɔ̄ɓē Nə́ɓā əda ní n toó: Sḭḭ̄ ngār kə́ Israel tə́, nge ń noō asə beé! Ī-dəbaī ta rāā yá̰a̰ kə dɔ́nɔ́ ō, ī-dəbaī ta kɔy yá̰a̰ yā de gə̄ dɔ gúú tə́ ō! Ī-ɓōlíī gidə ndū najə̄ gə̄ ō, yá̰a̰ rāā kə́ gōtə́ ō, adə̄ asəsí ɓogə yá̰a̰ kənge gə̄ yā gír deē yāḿ gə̄! I mā Kɔ́ɔ̄ɓē Nə́ɓā n m-ə́dásí yá̰á̰ ń noō kadə̄ ī-rāāī ní.