PĀ GƏ̄ 81:9 - Bibəl ta Sar̄

⁹ Gír deē yāḿ gə̄, ī-nēlī mbīsí ba ōōī yá̰á̰ kə́ kadə̄ m̄-tāāsí dɔ tə́ to laā, Israel gə̄, nə́ngētə́ gēé ōōī i najə̄ taḿ tə́ anī,

Bible sar

⁹ Gír deē yāḿ gə̄, ī-nēlī mbīsí ba ōōī yá̰á̰ kə́ kadə̄ m̄-tāāsí dɔ tə́ to laā, *Israel gə̄, nə́ngētə́ gēé ōōī i najə̄ taḿ tə́ anī,

PĀ GƏ̄ 81:9 Referans Kwoze

IJAI 43:12

I mā n i nge reē kə kajaá ní, nge kəda najə̄n kété no tə́ ō, nge rāā kadə̄ deē gerə̄n ō ní. I mā, ba i nə́ɓā kə́ mbā kə́ deē asə kənge ɓēé loosí alé. Najə̄ ń Kɔ́ɔ̄ɓē əda ɓáý to̰ ní n toó: Sḭḭ̄ ní, sḭḭ̄ i de kə́ kum tə́ yāḿ gə̄, ba mā ní, mā i Nə́ɓā.

NDŪ NAJƏ̄ 32:12

Kɔ́ɔ̄ɓē ɔr no gír deē yān gə̄ i kə kérneé, kanjə̄ nə́ɓā kə́ rang seneé.

NDŪ NAJƏ̄ 6:14

Ā ə́laī dɔsí gír ɓesə̄ gə̄ yā gír de kə́ rang gə̄ ń ndin̄ gīrə̄n̄ gidəsí tə́ ní alé.

MALASI 2:11

De kə́ Juda gə̄ ran̄ dɔ míndə́də́ kə́ ənīn̄ tə́ alé. Nin̄ rāān̄ yá̰á̰ kə́ majaĺ ngá̰ý gə̄ kem ɓē kə́ Jerusalem tə́ ō, kem ɓēé kə taá malang ō. Tām̄ nin̄ kídə̄n̄ loo kə́ táĺ ń nel̄ Kɔ́ɔ̄ɓē ní. Nin̄ táān̄ dəyá̰ kə́ ngé rɔȳ nə́ɓā kə́ mbā gə̄.

PĀ GƏ̄ 44:20

Banī ḭ̄ ī-rējə̄jí adə̄ jḭḭ i loo yā tal̄ gə̄ tə́. Ḭ̄ ə̄nī loo kə́ risə til nding dɔjí tə́.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.

PĀ GƏ̄ 50:7

Sḭḭ̄ gír deē yāḿ gə̄ ōōī, m-ā m-ɔ̄r̄ najə̄ sesí. Israel, i mā Nə́ɓā ń i Nə́ɓā yāí ní n m-ā m̄-gɔŕyɔ̄ī najə̄ ní.

IJAI 28:23

Ī-teēī mbīsí ōōīń najə̄ yāḿ! Ə̄ndāī kumsí gír najə̄ kɔrə̄ḿ gə̄ tə́ majə!

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.