PĀ GƏ̄ 81:3 - Bibəl ta Sar̄

³ Əndaī yá̰a̰ gō pā tə́, ə́ndaī kɔdə ādī ɓār̄, úgiī kənde kə́ kəlān i ngá̰ý kə́ ɓār̄ majə ō, úgiī kənde kə́ kəlān i ngá̰ý aĺ ō.

Bible sar

³ Əndaī yá̰a̰ gō pā tə́, ə́ndaī kɔdə ādī ɓār̄, úgiī kənde kə́ kəlān i ngá̰ý kə́ ɓār̄ majə ō, úgiī kənde kə́ kəlān i ngá̰ý aĺ ō.

PĀ GƏ̄ 81:3 Referans Kwoze

2 YÁ̰A̰ GƏ̄ 2:4

Tá kújə́ ń m̄-sāā rāā ní i kújə́ kə́ bo, tɔdɔ̄ Nə́ɓā yājí i Nə́ɓā kə́ bo tɔȳ nə́ɓā gə̄ malang.

TƏ́DA 15:3

ba ā ī-róōī dā̰ horoó yā kadə̄m̄, aláa ā ī-tunī dā̰ kənī ndū, aláa dā̰ kə́ kə gō kem ndigə yāsí, aláa dā̰ kə́ ndɔ̄ rāā nāā tə́ yā kadə̄m̄ anī, ā ī-gērāī i man̄g, aláa i batə̄, aláa i bə̄yā̰ n ā ī-tunī yā kadə̄ sēēn nel̄ Kɔ́ɔ̄ɓē ní.

2 YÁ̰A̰ GƏ̄ 13:14

Dan ń Juda gə̄ tūrə̄n̄ kumdə́ ní anī a̰a̰n̄ kadə̄ rɔ̄ɔ̄ i kété ō, gogə́ ō. Anī əgan̄ kɔŕ kə̄ dɔ Kɔ́ɔ̄ɓē tə́ ō, ngé tun̄ yá̰a̰ gə̄ kɔ̄rə́n̄ bərúnjə gə̄ ō.

2 YÁ̰A̰ GƏ̄ 13:12

Á̰a̰ī, Nə́ɓā i sejí, i ni n i ngār yājí ní. Ngé tun̄ yá̰a̰ yān gə̄ i sejí ō, j-aw̄ kə bərúnjə gə̄ kə́ yā kɔ̄ŕ dɔsí tə́ yā rɔ̄ɔńsí ō. Beé ní, ngán Israel gə̄, ī-lōōī rɔ̄ɔ̄ Kɔ́ɔ̄ɓē Nə́ɓā yā kaasí gə̄ tām̄ ā ī-tetəniī rɔ̄ɔ̄ alé.

2 YÁ̰A̰ GƏ̄ 5:12

Gōsə̄ gə̄ kə́ ngán Lebi gə̄ ń i Asap ō, Heman ō, Yedutun ō, ngáńdə́ gə̄ ō, gotə ngéédə́ kə́ rang gə̄ kə́ gír kaa yādə́ gə̄ tə́ ō, ní, tə́lan̄ kūbə̄ lḛ́ḛ rɔ̄də́ tə́ ō, ran̄ i kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde gə̄ kə́ kəlādə́ i ngá̰ý aĺ gə̄ ō, kə́ kəlādə́ i ngá̰ý gə̄ ō jīdə́ tə́. Ré deē ra loo tun̄ yá̰á̰ tə́ anī, loo ń nin̄ ran̄ tū tə́ ní i kə̄ dām̄ kə́ gír ɓē tə́. Ngé tun̄ yá̰a̰ gə̄ ɓú kə kutə jōó i sedə́. Ngé tun̄ yá̰a̰ gə̄ ní a kɔ̄rə́n̄ i bərúnjə.

1 YÁ̰A̰ GƏ̄ 16:42

Kəla rā Heman nin̄ kə Yedutun i ka̰a̰ gō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yá̰á̰ kə́ rang kə́ ɓār̄ gōsə̄ gə̄ ń a dānə̄nəń gō pā gə̄ yā Nə́ɓā ní ō. Ngán Yedutun gə̄ i ngé ngɔ̄m̄ ta róbə gə̄.

1 YÁ̰A̰ GƏ̄ 16:6

Ngé tun̄ yá̰a̰ gə̄ ń i Benaya ō, Yajiel ō, ní, nin̄ i ngé kɔ̄ŕ bərúnjə́ ngándáńg no sandúkə madə̄ naā yā Nə́ɓā tə́.

2 MBAN̄G 4:23

Ngaan əda na: Ɓōólaā i ndɔ̄ nāā kə́ kijə aĺ ō, i ndɔ̄ sabat aĺ ō, ba i ba̰ý á ā āw̄ kə̄ ɓēé looneé ní? Dəyá̰ ní tél əda ngaan na: Ī-lōō sōl̄!

NDŪ NAJƏ̄ 16:15

Ā ī-rāā nāā ní i ndɔ̄ sīrí tām̄ yā Kɔ́ɔ̄ɓē Nə́ɓā yāí tə́, loo ń a gə̄rā tə́ ní. Tɔdɔ̄ Kɔ́ɔ̄ɓē a adī kōō ngá̰ý ō, kəla malang ń ā ī-rāā ní, ni a rāā kadə̄ teēī yá̰a̰ ō. Adə̄ yāí ḭ̄ i rɔ̄nel̄ rɔ̄kum.

TƏ́DA 28:11

Kə ndɔ̄ kə́ ta kəga dɔ yā nāā gə̄ malang ní, ā ī-ndējī Kɔ́ɔ̄ɓē dā̰ kə́ loodə́ kógə̄ḿ nujə aĺ gə̄, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ī-róōīdə́ horoó.

KOLOSƏ 2:16

I beé ní, ādə̄ deē kógə̄ḿ gān̄g sarya dɔsí tə́ najə̄ yā yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, najə̄ yā rāā nāā tə́ aĺ ō, ndɔ̄ teē nāā tə́ aĺ ō, ndɔ̄ sabat tə́ aĺ ō.

NŌŌ RƆ̄ 2:6

Ni bótə̄yō̰ gong kə́ kɔr gidə ndɔr̄ yān tə́ ō, nujə kə loo kán̄ naā yānneé kɔ̄ɔ́ ō. Kɔ́ɔ̄ɓē rāā adə̄ dɔ de kə́ Siyo̰ gə̄ ndígə̄nal rāā nāā gə̄ ō, ngɔ̄m̄ ndɔ̄ sabat ō. Ni-əla rɔ̄sɔl̄ dɔ mban̄g tə́ ō, dɔ nge tun̄ yá̰á̰ tə́ ō, kə wōngōó ngá̰ý.

PĀ GƏ̄ 98:6

Ī-kɔ̄ríī bərúnjə gə̄ ō, ī-kɔ̄ríī tōw̄ ō, úriī kɔĺ ō, dɔ mban̄g tə́, dɔ Kɔ́ɔ̄ɓē tə́.

2 YÁ̰A̰ GƏ̄ 8:13

Ni ndējə̄ Kɔ́ɔ̄ɓē yá̰a̰ tun̄ gə̄ ndɔ̄ sabat tə́ ō, ndɔ̄ teē nāā tə́ ō, ndɔ̄ nāā kə́ bo gə̄ ń a rāān̄ nja mətá kem ɓāl̄ kógə̄ḿ tə́ ní ō, adə̄ i ndɔ̄ nāā yā mápa gə̄ kə́ kanjə̄ kaa mápa tə́ ō, ndɔ̄ nāā sāā kōō gə̄ tə́ ō, ndɔ̄ nāā yā kújə kámbə gə̄ tə́ ō. Ni ndējə̄ yá̰a̰ tun̄ gə̄ ní i kə jī bēl̄ loo rāā yá̰a̰ gə̄ ń Moijə ɔjəń kadə̄ ndējə̄n̄ kə dɔ ndɔ̄ gə̄ ń noō ní.

1 YÁ̰A̰ GƏ̄ 15:16

Dabid əda ngol ngán Lebi gə̄ kadə̄ tə́ndān̄ ngákó̰ó̰də́ kə́ ngé kənī pā gə̄ kem kəla yādə́ tə́, kadə̄ ənīn̄ pā kə yá̰á̰ kə́ ɓār̄ gōsə̄ gēé. Yá̰a̰ gə̄ ní i kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō, i gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō. A ugən̄ kənde gə̄ ní ō, a əndan̄ gində̄ kə́ laa gə̄ ní naā tə́ ō, kadə̄ kōōdə́ ɓār̄ ngá̰ý yā kɔjəń na rɔ̄nel̄ to.

1 YÁ̰A̰ GƏ̄ 15:19

Dan ngé kənī pā gə̄ tə́ ní, ngé kənda gində̄ kə́ laa gə̄ kə́ yā kənda naā tə́ kadə̄ ɓār̄ gə̄ i Heman ō, Asap ō, Etan ō.

1 YÁ̰A̰ GƏ̄ 25:1

De kə́ gír kaa yā Asap tə́ gə̄ ō, Heman tə́ gə̄ ō, Yedutun tə́ gə̄ ō ń nin̄ i ngé dān̄ gō najə̄ kɔr̄də́ kə́ loo ngé koō ta gə̄ tə́ i kə kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō, i kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō ní, Dabid nin̄ kə ngāgəra dɔ ɓūtə̄ gə̄ kə́ dɔ kəla rɔȳ Nə́ɓā tə́ gə̄ ɔrə̄n̄ kam̄də́ tayā tām̄ yā kəla rɔȳ Nə́ɓā tə́. Rī de gə̄ ń a rāān̄ kəla ń noō ní n toó:

PĀ GƏ̄ 33:2

Úgiī kənde ī-ɓōkíīneé Kɔ́ɔ̄ɓē tɔ̄ȳ. Úgiī kənde kə́ kəlān i kutə ādə̄niī!

PĀ GƏ̄ 149:3

Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.