PĀ GƏ̄ 81:11 - Bibəl ta Sar̄

¹¹ I mā n i Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kem ɓē kə́ Ejiptə tə́ ní. Ī-teē taí ngá̰ý na m-ā m̄-ɓōkə́ yá̰a̰ kemeé kadə̄ rosə.

Bible sar

¹¹ I mā n i Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kem ɓē kə́ Ejiptə tə́ ní. Ī-teē taí ngá̰ý na m-ā m̄-ɓōkə́ yá̰a̰ kemeé kadə̄ rosə.

PĀ GƏ̄ 81:11 Referans Kwoze

NDŪ NAJƏ̄ 32:18

Ngán Israel gə̄, mbal̄ ń ojəsí ní sḭḭ̄ ī-rāāniī nja bə̄yā̰ kə́ gogə́ tə́. Dɔsí ndígə̄nal dɔ Nə́ɓā ń i bɔbə̄sí tə́ ní.

Gōsə̄ najə̄ gə̄ 1:30

Dan ń nin̄ gḛyn̄ kɔjə̄ yāḿ gə̄ aĺ ō, kídə̄n̄ tāā yāḿ gə̄ malang ō ɓá ní,

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

Teē Ngán Israel gə̄ 32:1

Dan ń ngán Israel gə̄ a̰a̰n̄ kadə̄ Moijə risə dɔ mbalá láẃ aĺ anī, kánə̄n̄ naā rɔ̄ Aaro̰ tə́, ədanən̄ na kə rāā nə́ɓā kə́ kadə̄ njə̄rā kété nodə́ tə́ kə adə̄də́, tɔdɔ̄ yá̰á̰ ń na rāā Moijə, nge teē sedə́ kem ɓē kə́ Ejiptə tə́ kɔ̄ɔ́ ní na n-gerə̄n̄ alé.

HEBƏRO 10:29

Deē ń a tə́ɓā Ngōn̄ Nə́ɓā njan tə́ ō, rāā mósə́ ń Nə́ɓā əhɔń madə̄ naā kə de gēé ní yá̰á̰ kə́ karī tə́ ō, mósə́ ń unnəń majaĺ yān gə̄ kɔ̄ɔ́ dɔn tə́ adə̄ ni tél de kə́ kɔr̄ kam̄ tayā ō, tájə̄ Ndíĺ ń kem majə yā Nə́ɓā adə̄jí ní ō anī, ī-gírī kadə̄ yá̰á̰ kə́ tōr̄ ń majə kadə̄ rāān̄ seneé tām̄ majaĺ yān tə́ ní, i yá̰á̰ kə́ tōr̄ kə́ tɔȳ nge ń noō aĺ a?

JAKARI 7:11

Banī de gə̄ mbātə́n̄ koō najə̄ ń toō kété kɔ̄ɔ́ ɓá. Nin̄ tūrə̄n̄ gidədə́ ta tə́ ō, utə̄n̄ mbīdə́ kɔ̄ɔ́ ō, yā koōń najə̄ ní alé.

Teē Ngán Israel gə̄ 6:6

Adə̄ m̄-mērī kədadə́ najə̄ ń toō: Mā i Kɔ́ɔ̄ɓē. M-ā m-ɔ̄r̄sí ta kəla ngámbá tə́ ō, ta kəla ɓəlo tə́ jī de kə́ Ejiptə gə̄ tə́ ō kɔ̄ɔ́. M-ā m-ə́ndádə́ kə tɔ́gə́ḿ ń yá̰á̰ kə́ dum̄ tan gətóó ní kadə̄ a ɓōlə́n̄ ō, m-ā m̄-taāsí jīdə́ tə́ yā kəya̰sí dɔɔ́ ō.

Teē Ngán Israel gə̄ 16:6

Moijə nin̄ kə Aaro̰ ədan̄ ngán Israel gə̄ malang na ɓōólaā loo tíbí anī na a gerə̄n̄ kadə̄ i Kɔ́ɔ̄ɓē n teē sedə́ kem ɓē kə́ Ejiptə tə́ kɔ̄ɔ́ ní.

Teē Ngán Israel gə̄ 20:2

Ɓē kə́ Ejiptə ń ḭ̄ i ɓəlo tū tə́ ní, i mā Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kemeé ní.

NDŪ NAJƏ̄ 5:6

I mā n i Kɔ́ɔ̄ɓē Nə́ɓā yāí, nge kɔrī ɓəloó kɔ̄ɔ́ kem ɓē kə́ Ejiptə tə́ ní.

2 MBAN̄G 4:3

Elije ədan na: Āw̄ ī-ndə̄mā madə̄ ɓēí gə̄ malang kū yibə̄ kə́ kem karī gə̄. Ba ī-ndə̄mādə́ kū yibə̄ gə̄ ní ādə̄ təsóo.

JEREMI 16:14

Najə̄ ń de gə̄ ədan̄ ngándáńg na Kɔ́ɔ̄ɓē kə́ nge rāā kadə̄ ngán Israel gə̄ teēn̄ kem ɓē kə́ Ejiptə tə́ kɔ̄ɔ́ na ndi kə kumneé noō ní, de gə̄ a ton̄ dan kəda tə́ to̰ alé, ba á̰a̰ī kem ndɔ̄ gə̄ ń a reēn̄ noó tə́ ní a ədan̄ na:

Najə̄ kə́ Majə yā Jeju ń Luk ndang ní 11:25

Ni-tél aw̄ gogə́ anī ənge loo i kə́ kɔy ō, yá̰a̰ gə̄ i kə́ tə́ndādə́ kə gōó gōó ō.