PĀ GƏ̄ 80:8 - Bibəl ta Sar̄

⁸ Nə́ɓā kə́ bo kə́ tɔ́gən i ngá̰ý, ī-tél ī-reē sejí gogə́, á̰á̰jí kə kumií kə́ majaá, anī j-a j-ajə.

Bible sar

⁸ Nə́ɓā kə́ bo kə́ tɔ́gən i ngá̰ý, ī-tél ī-reē sejí gogə́, á̰á̰jí kə kumií kə́ majaá, anī j-a j-ajə.

PĀ GƏ̄ 80:8 Referans Kwoze

JEREMI 2:21

Mā m-ə̄ndāī, adə̄ ī-to tītə̄ kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

PĀ GƏ̄ 44:2

Nə́ɓā, yá̰á̰ kə́ to rī ɓār̄ gə̄ ń ī-rāā kété jóo ɓāl̄ yā kaají gə̄ tə́ ní, bɔbə̄jí gə̄ ənīn̄jí gotə, adə̄ j-oō kə mbījí.

EJEKIEL 17:6

Ngōn̄ kāgə̄ ní tɔgə ba tél kāgə̄ nduú kə́ majə ngá̰ý kə́ al nang tə́. Ta jīn gə̄ alən̄ kum kə̄ rɔ̄ kə̄rō ní tə́ ō, tə́la ngəran gə̄ nang tə́ gír bɔ̄gə̄n gə̄ tə́ ō. Kāgə̄ nduú ní tɔ̄ɔ̄ ta jīn kə́ kijə kanjə̄ dəba ta ō.

JEREMI 12:10

Kósə ngé kul̄ yá̰a̰ gə̄ nujən̄ kə ndɔr̄ kāgə̄ nduú yāḿ sák sák kɔ̄ɔ́ ō, tə́ɓān̄ ndɔr̄ yāḿ njadə́ tə́ ō, rāān̄ ndɔr̄ ngeé ń toō ń majə ngá̰ý ní adə̄ tél dəla loo kə́ to kum ko̰ ō.

KƏLA RĀĀ 7:45

Kaají gə̄ taān̄ kújə tandā ní udən̄neé kə Jojue nge kɔr nodə́ kem ɓē ń nin̄-taān̄ jī nápar de gə̄ ń Nə́ɓā tə̄ɓādə́ kɔ̄ɔ́ nodə́ tə́ ní tə́. Kújə́ ní ndi noó bátə́ ugə̄ ɓāl̄ yā Dabid tə́.

EJEKIEL 19:10

Kó̰ó̰sí to i tītə̄ kāgə̄ nduú kə́ əhɔn̄ kadə man̄ tə́ beē. Ni an̄ ngá̰ý ō, mbīn i ngá̰ý ō, tɔdɔ̄ man̄ asən.

EJEKIEL 15:6

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: I kāgə̄ nduú n gḛyn̄ kənī horoó ní banī i kāgə̄ kə́ rang alé. Adə̄ de kə́ Jerusalem gə̄ ní, m-ā m-ə́la hor dɔdə́ tə́.

PĀ GƏ̄ 78:55

Ni-tə̄ɓā nápar de gə̄ nodə́ tə́ kɔ̄ɔ́, gán̄g dɔ nang yā de gə̄ ní naā tə́ nə̄ɓōdə́ yá̰a̰ ndəbā tə́, tə́ndā gír ɓē kə́ Israel tə́ gə̄ dɔ tə́.

JOJUE 13:6

gō nang kə́ mbalá ń ra dɔ dán Liban kə Misərepot Maim tə́ á de kə́ tū tə́ gə̄ i Sidon gə̄ malang ní ō. Mə̄kɔ́ m-ā m̄-tə̄ɓā de gə̄ ń ndin̄ dɔ nang gə̄ ń noō tə́ ní kɔ̄ɔ́ no ngán Israel gə̄ tə́. Yá̰a̰ ń kadə̄ i rāā ní i kadə̄ ī-gán̄g dɔ nang ní ādə̄ ngán Israel gə̄ tītə̄ ń m-ə́daīń ní ngóy.

PĀ GƏ̄ 31:17

Á̰a̰m̄ mā nge kəla yāí kə kumií kə́ majaá, ájəm̄ tām̄ kem majə yāí tə́.

PĀ GƏ̄ 60:3

Nə́ɓā ḭ̄ ī-mbātə́jí, ī-tə̄ndā ī-tḭ̄jí kə̄ loo gə̄ tə́. I wōn̄g n rāāī ní ba úńjí dɔɔ́ gogə́ rang.