PĀ GƏ̄ 80:7 - Bibəl ta Sar̄

⁷ Ḭ̄ ī-rāājí i yá̰a̰ kɔ̄l̄ naā yā madə̄ ɓējí gə̄ tə́ ō, madə̄ ba̰ā̰jí gə̄ rāān̄jí i kur̄ kəgō yādə́ tə́ ō.

Bible sar

⁷ Ḭ̄ ī-rāājí i yá̰a̰ kɔ̄l̄ naā yā madə̄ ɓējí gə̄ tə́ ō, madə̄ ba̰ā̰jí gə̄ rāān̄jí i kur̄ kəgō yādə́ tə́ ō.

PĀ GƏ̄ 80:7 Referans Kwoze

IJAI 64:5

Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.

PĀ GƏ̄ 51:10

Ədam̄ najə̄ mā̰ȳ rɔ̄ yāí na a adə̄m̄ rɔ̄nel̄ ngá̰ý. Loo ń noō tə́ mā ń ī-tétə̄ kə̄ngāḿ rárák kɔ̄ɔ́ ní, m-ā m̄-rāā rɔ̄nel̄.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

PĀ GƏ̄ 80:19

Loo ń noō tə́, j-a j-ɔr̄ rɔ̄jí rɔ̄í tə́ to̰ alé, ā ī-tél yā rāā kadə̄ jə-ndi kə kumjí ō, j-a jə-ɓāŕ rīí ō.

PĀ GƏ̄ 80:3

Ɔ́jə́ tɔ́gí ō, ī-reē ájə́jí ō, ta kum gír ɓē yāí gə̄ tə́, ta kum Epəraim tə́ ō Benjamḛ tə́ ō Manase tə́ ō.

Najə̄ kə́ Majə yā Jeju ń Luk ndang ní 1:16

Ni a tél kə ngán Israel gə̄ ngá̰ý yā reē sedə́ gogə́ rɔ̄ Kɔ́ɔ̄ɓē ń i Nə́ɓā yādə́ ní tə́.

MARK 4:12

yā kadə̄ dan ń a̰a̰n̄ anī, a̰a̰n̄ ba a̰a̰n̄ kə gōó aĺ ō, yā kadə̄ dan ń oōn̄ najə̄ anī, oōn̄ ba gerə̄n̄ kum najə̄ ń oōn̄ ní aĺ ō, na sōgə́ nin̄ a tūrə̄n̄ háĺdə́ anī, Nə́ɓā a māȳ rɔ̄n dɔdə́ tə́.

IJAI 30:15

Najə̄ ń Kɔ́ɔ̄ɓē, ni ń i Nə́ɓā kə́ táĺ yā Israel Najə̄ ń əda ní n toó: Ā ájiī i loo ń ī-tūrī rɔ̄sí kə̄ rɔ̄ḿ tə́ ō, ī-raī jəke ngóy ō ní. Tɔ́gə́sí kə́ kal kógə̄ḿ beē i kadə̄ ī-raī jəke ō, kadə̄ ə̄ndāī kemsí dɔḿ tə́ ō, i kadə̄ ə̄nī kemsí ādə̄mī ō. Banī sḭḭ̄ ɔ́diī alé.

NEHEMI 2:19

Dan ń Sanbalat kə́ Horon ō, Tobia kə́ Amon nge kɔsə kílən kem kəlaá ō, Gesem ń i Arabə ní ō, oōn̄ gotə najə̄ ní anī əgōn̄jí ō, idən̄ tadə́ gíŕjí tə́ ō, ba dəjen̄jí na ké j-a jə-rāā ké i rí n noó wa, ké j-a jə-sāā i mbātə́ najə̄ ta mban̄g tə́ wa.