PĀ GƏ̄ 80:2 - Bibəl ta Sar̄

² Nge ngɔ̄m̄ Israel, ī-nēl̄ mbīí ōō. Ḭ̄ ń ā ɔ́r no gír deē yāí gə̄ tītə̄ loo kɔr no ɓūtə̄ yá̰a̰ kul̄ gə̄ ní, ḭ̄ ń kōr̄ kāgə̄ mbang yāí ndi i dɔɔ́ dɔ de kə́ dɔ rā̰ tə́ gə̄ tə́ ní, ɔ́jə kə̄ ndágá kadə̄ ī-ndi noó.

Bible sar

² Nge ngɔ̄m̄ *Israel, ī-nēl̄ mbīí ōō. Ḭ̄ ń ā ɔ́r no gír deē yāí gə̄ tītə̄ loo kɔr no ɓūtə̄ yá̰a̰ kul̄ gə̄ ní, ḭ̄ ń kōr̄ kāgə̄ mbang yāí ndi i dɔɔ́ dɔ *de kə́ dɔ rā̰ tə́ gə̄ tə́ ní, ɔ́jə kə̄ ndágá kadə̄ ī-ndi noó.

PĀ GƏ̄ 80:2 Referans Kwoze

PĀ GƏ̄ 35:23

Nə́ɓā yāḿ, ḭ́ḭ dɔɔ́ ī-gān̄g sarya yāḿ, Kɔ́ɔ̄ɓē, á̰a̰ loo ráý ráý ba ī-rɔ̄ɔ̄ dɔḿ tə́!

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

PĀ GƏ̄ 78:38

Ɓá tā ba ni ń kumən o̰o̰n kə de gēé ní, lōō gír tɔ̄l̄də́ malang kɔ̄ɔ́ tə́ ba ɔr̄ majaĺ yādə́ kɔ̄ɔ́ ō, lōō gír rāā wōn̄g sedə́ tə́ nja i ngá̰ý ō, adə̄ wōn̄g rāān dɔdə́ tə́ aĺ ō,

Teē Ngán Israel gə̄ 25:22

M-ā m-ə́ngeī i loo ń noō tə́. M-ā m̄-ndi i dɔ ta sandúkə́ tə́ dɔɔ́, dɔ dán de kə́ jōó gə̄ kə́ dɔ rā̰ tə́ kə́ ngé ngɔ̄m̄ loo gə̄ ń ndin̄ dɔ ta sandúkə́ tə́ ní, yā kədaīneé najə̄ gə̄ malang ń kadə̄ ə́dá ngán Israel gə̄ ní.

1 SAMUEL 4:4

Ngán Israel gə̄ əlan̄ de gə̄ Silo adə̄ aw̄ reēn̄ kə sandúkə madə̄ naā yā Kɔ́ɔ̄ɓē nge tɔgə yá̰a̰ malang ń ndi dɔ de kə́ dɔ rā̰ tə́ gə̄ kə́ ngé ngɔ̄m̄ loo gə̄ tə́ ní. Ngán Eli kə́ jōó gə̄ ń i Hopəni nin̄ kə Pinas ní, nin̄ i kadə sandúkə madə̄ naā yā Nə́ɓā tə́.

1 MBAN̄G GƏ̄ 8:6

Ngé tun̄ yá̰a̰ gə̄ aw̄n̄ kə sandúkə madə̄ naā yā Kɔ́ɔ̄ɓēé əndān̄ loo ndin tə́ kem kújə́ ń a ɓārə́n̄ na i loo kə́ yā ɓōĺ gidə ní tə́, gír bɔ̄gə̄ de kə́ dɔ rā̰ tə́ kə́ ngɔ̄m̄ loo gə̄ tə́.

2 MBAN̄G 19:15

ba ndɔ̄ȳ əda na: Kɔ́ɔ̄ɓē Nə́ɓā yā Israel, ḭ̄ ń ī-ndi dɔɔ́ dɔ ngé ngɔ̄m̄ loo kə́ dɔ rā̰ tə́ gə̄ tə́ ní, i ḭ̄ kógə̄ḿ beē ngóy n i Nə́ɓā kə́ tām̄ yā ɓē ko̰o̰ gə̄ malang kə́ dɔ nang tə́ tə́, tām̄ i ḭ̄ n ī-rāā dɔ rā̰ ō, dɔ nang ō ní.

PĀ GƏ̄ 50:2

Siyo̰ ń i ɓē kə́ majə ngá̰ý ní, Nə́ɓā ndi kemeé ndə́lē pipir.

PĀ GƏ̄ 99:1

Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!