PĀ GƏ̄ 8:2 - Bibəl ta Sar̄

² Kɔ́ɔ̄ɓē, kɔ́ɔ̄jí, rīí majə to ɓōĺ ngá̰ý dɔ nang tə́ malang! Dɔ rā̰ bo ɓá tā ba ḭ̄ ī-bo tɔȳn.

Bible sar

² Kɔ́ɔ̄ɓē, kɔ́ɔ̄jí, rīí majə to ɓōĺ ngá̰ý dɔ nang tə́ malang! Dɔ rā̰ bo ɓá tā ba ḭ̄ ī-bo tɔȳn.

PĀ GƏ̄ 8:2 Referans Kwoze

MATIYE 21:16

ba dəjen̄ Jeju na ké oō najə̄ ń a ədan̄ noó wa. Anī ni-tél ədadə́ na: A̰á̰ā̰ m-ōō, ba najə̄ ń ndangən̄ na ḭ̄ ī-rāā ādə̄ ngáń kə́ dūú gə̄ ō, ngáń kásə̄ gə̄ ō, ɓōkə́nī tɔ̄ȳ ní, sḭḭ̄ ī-tə́daī nja kógə̄ḿ aĺ a?

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

1 KORḚNTƏ 1:27

Banī Nə́ɓā gə̄rā i yá̰á̰ kə́ to mbóo ta kum de kə́ dɔ nang tə́ gə̄ tə́ n əlań rɔ̄sɔl̄ dɔ ngé kum kedə̄ gə̄ tə́ ō, ni-gə̄rā i yá̰á̰ kə́ tɔ́gən gətóo ta kum de gə̄ tə́ n əlań rɔ̄sɔl̄ dɔ yá̰á̰ kə́ tɔ́gən to tə́ ō,

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

Najə̄ kə́ Majə yā Jeju ń Luk ndang ní 10:21

Ndíĺ kə́ Táĺ adə̄ Jeju rɔ̄nel̄ kə́ ngá̰ý kemən tə́ kum mbang nəkɔ́ ń noō tə́, adə̄ Jeju əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō, dɔ nang tə́ ō ní, m̄-tɔ̄yī tām̄ teē ń i teē kum ngé kə́ dūú gə̄ dɔ yá̰á̰ ń ī-mundə̄ ngé kum kedə̄ gə̄ ō, ngé ger̄ yá̰a̰ gə̄ ō ní tə́. Rɔ̄kum, Bɔbə́ḿ, i kem ndaa yāí n rāā adə̄ ī-gḛyń kadə̄ to i tītə̄ ń noō ní.

PĀ GƏ̄ 44:16

Dan ń m-ōō ndū madə̄ ba̰ā̰ kə́ nge kənī rɔ̄ loo sa tají tə́ ō, loo tájə̄ Kɔ́ɔ̄ɓē tə́ ō anī,

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

Teē Ngán Israel gə̄ 15:16

Ndíĺdə́ a̰ȳ malang. Kɔ́ɔ̄ɓē, dan ń gír deē yāí gə̄ ń ī-gān̄g dɔdə́ ní a mānə̄n̄ anī, ɓōĺ asə madə̄ ɓēdə́ gə̄ nák adə̄ ədan̄ najə̄ alé, tɔdɔ̄ a̰a̰n̄ tɔ́gí ń ī-rɔ̄ɔń dɔ deē yāí gə̄ tə́ ní.

AMOS 5:9

Ni-adə̄ ta róbə kadə̄ ənīn̄ de kə́ dəngam kə́ ngan̄g rɔ̄ɔ̄ ō, adə̄ ta róbə kadə̄ nujən̄ ɓē bo kə́ ngɔ̄mə̄n̄ majə ngá̰ý ō.

PĀ GƏ̄ 4:4

Yá̰á̰ ń kadə̄ ī-gerī ní n toó: Kɔ́ɔ̄ɓē ɔr̄ kam̄ deē yān tayā, dan ń m̄-ɓārə́n kadə̄ dḭḭ̄m̄ anī ni ndigəm̄.

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

Teē Ngán Israel gə̄ 11:7

Banī ɓē ngán Israel gēé ní bísə na a ndōgə̄ deē aĺ ō, dā̰ aĺ ō, yā kadə̄ gerə̄n̄neé kadə̄ Kɔ́ɔ̄ɓē i nge kɔr̄ kam̄ de kə́ Ejiptə gə̄ ō, ngán Israel gə̄ ō naā tə́.

PĀ GƏ̄ 57:6

Nə́ɓā, ḭ́ḭ ī-ra dɔ rɔ̄í tə́ dɔɔ́ dɔ rā̰ tə́! Ādə̄ kɔsə gɔn yāí taā loo dɔ nang tə́ malang!

PĀ GƏ̄ 148:13

Ī-tɔ̄yī rī Kɔ́ɔ̄ɓē, tɔdɔ̄ i rīn ni ngóy kə kérneé n bo ní. Kɔsə gɔn yān taā loo dɔ nang tə́ ō dɔ rā̰ tə́ ō.

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!