PĀ GƏ̄ 79:1 - Bibəl ta Sar̄

¹ Pā yā Asap. Nə́ɓā, nápar de gə̄ taān̄ loo dɔ nang yāí tə́. Nin̄ rāān̄ adə̄ kújə́ kə́ táĺ yāí téĺ kújə́ kə́ yḛr ō, nin̄ nujən̄ ɓē kə́ Jerusalem sák sák kɔ̄ɔ́ ō.

Bible sar

¹ Pā yā Asap. Nə́ɓā, nápar de gə̄ taān̄ loo dɔ nang yāí tə́. Nin̄ rāān̄ adə̄ kújə́ kə́ *táĺ yāí téĺ kújə́ kə́ yḛr ō, nin̄ nujən̄ ɓē kə́ Jerusalem sák sák kɔ̄ɔ́ ō.

PĀ GƏ̄ 79:1 Referans Kwoze

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

2 YÁ̰A̰ GƏ̄ 36:19

De kə́ Babilon gə̄ əlan̄ hor dɔ kújə yā Nə́ɓā tə́ ō, tetən̄ ndogə̄ mbal̄ kə́ Jerusalem nang tə́ ō, tə́lan̄ hor dɔ kújə mban̄g gə̄ kə́ kemeé tə́ kɔ̄ɔ́ ō. yá̰á̰ kə́ gātə̄də́ i ngá̰ý gə̄ ní nujən̄neé kɔ̄ɔ́ malang ō.

NŌŌ RƆ̄ 1:10

Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem loo kə́ táĺ yān tə́.

JEREMI 26:18

Mise nge koō ta kə́ Moreset tə́ ɔr̄ najə̄ ɓāl̄ yā Ejekias, mban̄g kə́ Juda tə́, əda gír de gə̄ malang kə́ Juda tə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A ndɔrə̄n̄ ɓē kə́ Siyo̰ tītə̄ loo ndɔr̄ loo beé ō, Jerusalem a tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ō, mbal̄ kə́ kújə yā Kɔ́ɔ̄ɓē tə́ a tél loo kə́ kḭḭ kə̄ dɔɔ́ kə́ mu taā dɔ ō.

JEREMI 52:13

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.

PĀ GƏ̄ 78:71

Unən i gō batə̄ yān gə̄ tə́ n reē seneé, kadə̄ tél nge kul̄ Jakob ń i gír deē yān ní, Israel ń i yá̰a̰ ndəbā yān ní.

2 YÁ̰A̰ GƏ̄ 36:17

Ta anī Kɔ́ɔ̄ɓē rāā adə̄ mban̄g kə́ Babilon reē ənīdə́ rɔ̄ɔ̄, tɔ̄l̄ ngé rɔ̄ɔ̄ yādə́ gə̄ bátə́ ugə̄ń kem loo kə́ táĺ yādə́ tə́ gə̄gē kə kaskaraá. Kumən o̰o̰n tām̄ yā balsáá tə́ aĺ ō, mandə tə́ aĺ ō, de kə́ tɔgə nājə̄ tə́ aĺ ō, de kə́ tɔgə ɓə́gá tə́ aĺ ō. Kɔ́ɔ̄ɓē əla yá̰a̰ malang kem jī mban̄g kə́ Babilon tə́.

2 MBAN̄G 24:13

Tītə̄ ń Kɔ́ɔ̄ɓē ədań kété ní, Nabukodonosor ɔy yá̰a̰ kənge kə́ kem kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō, malang aw̄ń. Ni tɔ̄ɔ̄ ngáń gájə́ yá̰a̰ rāā kəla gə̄ ń mban̄g Salomo̰ adə̄ rāān̄ kə lɔ́rɔ́ tām̄ yā kújə yā Kɔ́ɔ̄ɓē tə́ ní kɔ̄ɔ́ malang.

Teē Ngán Israel gə̄ 15:17

Kə́ ngɔr ń toō tə́ ní Kɔ́ɔ̄ɓē, ā āw̄ sedə́ i kə̄ dɔ mbal̄ yāí tə́ yā kaw̄ kəndādə́ tū tə́. I loo ń ə̄ndā dɔ danaá yā kadə̄ ī-ndi tū tə́, yā kadə̄ īkɔ́ ī-rāā loo kə́ táĺ yāí tū tə́ ní.

JEJU TEĒ KUM JA̰A̰ 11:2

Kə m-ə́yá̰ ndágə loo kə́ gīr̄ gidə kújə yā Kɔ́ɔ̄ɓē, ba kə m̄-lōō mbɔ̄jə́. Tām̄ na adə̄n̄ de gə̄ kə́ nin̄ i Jipə aĺ gə̄ ta róbə́ tə́ɓā ɓē kə́ táĺ njadə́ tə́ nāā kutə sɔ́ gidə i jōó.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

EJEKIEL 9:7

Anī Kɔ́ɔ̄ɓē adə̄ ndūn əda na: Ī-rāāī kújə yā Kɔ́ɔ̄ɓē ādī téĺ kə́ yḛr, ādī nīń gə̄ taān̄ loo ndágə loo kə́ gīr̄ gidə kújə yān gə̄ tə́, ba gō tə́ anī ī-teēī ndágá!

JEREMI 39:8

Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

PĀ GƏ̄ 50:1

I pā yā Asap. Nə́ɓā, Nə́ɓā ń i Kɔ́ɔ̄ɓē ní, ɔr̄ najə̄. Ni ɓāŕ dɔ nang, əla gír loo ń mbang a əɓa tū tə́ ní, bátə́ loo ń mbang a udə tū tə́ ní.

IJAI 63:18

Jḭḭ ń i gír deē yāí kə́ táĺ gə̄ ní, j-ənge dɔ nang yá̰a̰ ndəbā tə́ dan i ngá̰ý alé. Madə̄ ba̰ā̰jí gə̄ rāān̄ loo yāí kə́ táĺ adə̄ téĺ kə́ yḛr kɔ̄ɔ́.

JEREMI 51:51

Dan ń de gə̄ tájə̄n̄jí ō, tə̄rā gə̄ reē udən̄ kem loo kə́ táĺ tə́ kem kújə yā Kɔ́ɔ̄ɓē tə́ ō ní, rɔ̄jí nel̄jí aĺ ō, rɔ̄jí sɔl̄jí ō.