PĀ GƏ̄ 78:8 - Bibəl ta Sar̄

⁸ Ɓáa nin̄ a ton̄ tītə̄ kaadə́ gə̄ alé. Kaadə́ gə̄ i ngé dɔ ngan̄g gə̄ ō, ngé mbātə́ najə̄ gə̄ ō, ngé kem jōó gə̄ ō, ngé ra dɔ ndūdə́ tə́ kə Nə́ɓāá aĺ gə̄ ō.

Bible sar

⁸ Ɓáa nin̄ a ton̄ tītə̄ kaadə́ gə̄ alé. Kaadə́ gə̄ i ngé dɔ ngan̄g gə̄ ō, ngé mbātə́ najə̄ gə̄ ō, ngé kem jōó gə̄ ō, ngé ra dɔ ndūdə́ tə́ kə Nə́ɓāá aĺ gə̄ ō.

PĀ GƏ̄ 78:8 Referans Kwoze

PĀ GƏ̄ 78:37

Kemdə́ i seneé mámák alé, nin̄ tā a ran̄ dɔ ndūdə́ ń ənīn̄ adə̄nən̄ ní tə́ alé.

Teē Ngán Israel gə̄ 32:9

Kɔ́ɔ̄ɓē əda Moijə na n-a̰a̰ kadə̄ ngán Israel gə̄ na i de kə́ ngé dɔ ngan̄g gə̄.

EJEKIEL 20:18

M-ə́da ngáńdə́ gə̄ kem dəla loo tə́ na: Ī-mbātíī rāā yá̰a̰ gə̄ ń ndū najə̄ gə̄ yā bɔbə̄sí əndan̄ ní ō, ī-lōōī kun gō jī bēl̄ loo rāā yá̰a̰ yādə́ gə̄ ō. Ī-lōōī tél de kə́ yḛr gə̄ kə ta kūl̄ rɔȳ nə́ɓā yādə́ kə́ rɔ̄kum aĺ gə̄.

2 MBAN̄G 17:14

Banī nin̄ mbātə́n̄ koō yá̰á̰ ń ədan̄də́ ní. Dumə̄n̄ naā tītə̄ yā kaadə́ gə̄ ń taān̄ kem Kɔ́ɔ̄ɓē Nə́ɓā yādə́ aĺ ní.

NDŪ NAJƏ̄ 31:27

Tɔdɔ̄ m̄-ger̄ mbātə́ najə̄ yādə́ ō, dɔ ngan̄g yādə́ ō. Dan ń m̄-ndi kə kumḿ dandə́ tə́ ɓáý á mbātə́n̄ najə̄ ta Kɔ́ɔ̄ɓē tə́ toō ní, ré m-óy kɔ̄ɔ́ anī a rāān̄ kə́ kadə̄ mān̄ loo ń noō.

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

2 YÁ̰A̰ GƏ̄ 30:7

Ī-lōōī ndájə̄ kaasí gə̄ ō, ngákó̰ó̰sí gə̄ ō ń rāān̄ háĺ kə́ gōtə́ aĺ kə Kɔ́ɔ̄ɓē Nə́ɓā yā kaadə́ gə̄ ní. Ni əladə́ kem jī madə̄ ba̰ā̰də́ gə̄ tə́ adə̄ nujən̄ sedə́ sák sák kɔ̄ɔ́ tītə̄ ń sḭḭ̄ kɔ́ gə̄ á̰a̰īń ní.

NDŪ NAJƏ̄ 9:24

Jóo nəkɔ́ ń m̄-gerə̄ńsí toó ní sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

NDŪ NAJƏ̄ 9:13

Ba Kɔ́ɔ̄ɓē tél ədam̄ ɓáý to̰ na: M-á̰a̰ā̰ ní, gír de gə̄ ń toō i gír de kə́ ngé dɔ ngan̄g gə̄.

Teē Ngán Israel gə̄ 33:5

Kɔ́ɔ̄ɓē əda Moijə na kə əda ngán Israel gə̄ na nin̄ na i de kə́ dɔdə́ na ngan̄g ngá̰ý gə̄. Ré na n-udə dandə́ tə́ bang anī, n-a n-nujə sedə́ kɔ̄ɔ́ malang. Adə̄ kə ró̰ȳn̄ yá̰á̰ súū rɔ̄ kə́ rɔ̄də́ tə́ gə̄ kɔ̄ɔ́ malang. Tāa ń noō n-a n-ger̄ yá̰á̰ kə́ yā rāā sedə́ ɓáý.

Teē Ngán Israel gə̄ 33:3

Kə aw̄n̄ dɔ nang ń mba ō, yibə̄ tejə ō, na i ngá̰ý tū tə́ ní tə́. Ba na n-a n-njə̄rā dɔ dáńdə́ tə́ yā kaw̄ń sedə́ alé. Ré na n-njə̄rā dɔ dáńdə́ tə́ anī, na n-a n-tɔ̄l̄də́ róbó kɔ̄ɔ́ malang, tɔdɔ̄ nin̄ na i gír de kə́ dɔdə́ na ngan̄g ngá̰ý gə̄.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

IJAI 30:9

I gír de kə́ ngé dum̄ naā gə̄, nin̄ i ngé sor̄ gə̄, i de gə̄ kə́ ngé mbātə́ koō yá̰á̰ ndóō yā Kɔ́ɔ̄ɓē.

PĀ GƏ̄ 106:7

Kété dan ń kaají gə̄ ndin̄ Ejiptə tə́ ní, nin̄ gerə̄n̄ kum yá̰á̰ kə́ yáā gə̄ yā Kɔ́ɔ̄ɓē alé. Kem majə ń ni-rāā sedə́ nja ngá̰ý ní dɔdə́ ndígə̄nal kɔ̄ɔ́. Nin̄ mbātə́n̄ najə̄ taí tə́ kadə bā bo tə́, bā tə̄ɓā gə̄ tə́.

PĀ GƏ̄ 68:6

Háĺ Nə́ɓā kə́ kem kújə́ kə́ táĺ yān tə́ n toó: Ni i bɔbə̄ ngán hal gə̄ ō, nge ka̰a̰ gō ngé ngaa koy gə̄ ō.

Makətūbə̄ yā Job 11:13

Dan ń ngəra ger̄ kum yá̰a̰ yāí əhɔ nang majə ō, dan ń ā ī-sə́ra jīí kum kə̄ rɔ̄ Nə́ɓā tə́ yā ndɔ̄ynneé ō ní,

2 YÁ̰A̰ GƏ̄ 30:19

Kɔ́ɔ̄ɓē, Nə́ɓā yā kaají gə̄, ḭ̄ ń i de kə́ majə ní, de gə̄ malang ń ɓōkə́n̄ rɔ̄də́ a sāānī kə ngarā̰ kemdə́ mámák ní, ká ré nin̄ unjə̄n̄ njáý njáý tām̄ yā yá̰á̰ kə́ táĺ gə̄ tə́ aĺ gə̄gē anī, ī-mā̰ȳ rɔ̄í dɔdə́ tə́.

2 YÁ̰A̰ GƏ̄ 20:33

Ɓá tā ba loo ndɔ̄ȳ gə̄ ton̄ kem ɓēé ɓáý ō, kem de gə̄ əhɔ yā Nə́ɓā yā kaadə́ gə̄ aĺ ɓáý ō.

2 YÁ̰A̰ GƏ̄ 19:3

Ɓá tā ba yá̰á̰ kə́ majə to kemií tə́ ɓáý, tɔdɔ̄ ḭ̄ ī-róō kāgə̄ ɓesə̄ Asera gə̄ adə̄ gətóon̄ kem ɓē yāí tə́ ō, ḭ̄ ōō ta Nə́ɓā kə ngarā̰ kemií mámák adə̄ ī-rāā yá̰á̰ ń kemən ndigə ní ō.

2 YÁ̰A̰ GƏ̄ 12:14

Roboam rāā yá̰a̰ kə majə alé, tɔdɔ̄ əndā rɔ̄n ta sāā Kɔ́ɔ̄ɓē tə́ kə ngarā̰ kemənneé mámák alé.

NDŪ NAJƏ̄ 4:4

Ba sḭḭ̄ ń ə́hɔī gō Kɔ́ɔ̄ɓē Nə́ɓā yāsí ngan̄g ní, ɓōólaā sḭḭ̄ malang ī-ndiī kə kumsí.

Teē Ngán Israel gə̄ 34:9

Gō tə́ anī əda na, dan ń Kɔ́ɔ̄ɓē na rāā kem majə seneé ɓá ní, na n-rāān ɓɔ́ kadə̄ kə dān̄də́ kə aw̄ sedə́. Na n-ger̄ majə kadə̄ de gə̄ ń noō na i de gə̄ kə́ dɔdə́ na ngan̄g ngá̰ý ɓá tā ba kə mā̰ȳ rɔ̄n dɔ majaĺ yādə́ gə̄ tə́ ō, dɔ yá̰á̰ kə́ gōtə́ aĺ gə̄ ń rāān̄ tə́ ní ō, kə rāādə́ gír deē yān gə̄ kə́ rɔ̄kum tə́ ō.

JOJUE 22:15

Nin̄ aw̄n̄ rɔ̄ ngán Ruben gə̄ tə́ ngán Gad gə̄ tə́ ō, de kə́ gír ɓē yā Manase tə́ dɔ nang kə́ Galaad tə́ gə̄ ō, ba ədan̄də́ na:

1 SAMUEL 8:8

Əla gír ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ bátə́ ɓōólaā ní, asədə́ kəya̰m̄ kɔ̄ɔ́ ba ndɔ̄yń ɓesə̄ gə̄ alé. I yá̰á̰ ń rāān̄ seḿ ní n rāān̄ seí ō ní.

PĀ GƏ̄ 78:40

Nin̄ mbātə́n̄ najə̄ tan tə́ nja i ngá̰ý kem dəla loo tə́, sāān̄ tan kem loo kə́ man̄ gətóo tū tə́ ń noō tə́!

PĀ GƏ̄ 78:56

Nin̄ dumə̄n̄ naā, nāān̄ Nə́ɓā kə́ dɔɔ́ sa̰y ngá̰ý, mbātə́n̄ ngɔ̄m̄ ndū najə̄ yān gə̄.