PĀ GƏ̄ 78:7 - Bibəl ta Sar̄

⁷ ādə̄ ənīn̄ kemdə́ mámák adə̄n̄ Nə́ɓā. Ādə̄ dɔdə́ ndígə̄nal yá̰á̰ ń ni-rāā ní alé. Ādə̄ əndān̄ kumdə́ gíŕ gō míndən gə̄ tə́.

Bible sar

⁷ ādə̄ ənīn̄ kemdə́ mámák adə̄n̄ Nə́ɓā. Ādə̄ dɔdə́ ndígə̄nal yá̰á̰ ń ni-rāā ní alé. Ādə̄ əndān̄ kumdə́ gíŕ gō míndən gə̄ tə́.

PĀ GƏ̄ 78:7 Referans Kwoze

NDŪ NAJƏ̄ 5:29

Ré ran̄ dɔ míndə́də́ tə́ ō, ɓōlə́n̄ ndílə́ḿ adə̄ rāān̄ yá̰a̰ malang ń m-ə́dádə́ kadə̄ rāān̄ ní ō, kə ndɔ̄ gə̄ anī, nin̄ ō, ngáńdə́ gə̄ ō, ngán kaadə́ gə̄ ō ní rɔ̄də́ a nel̄də́ i ta kaw̄ kə̄ jóo.

JEJU TEĒ KUM JA̰A̰ 14:12

De gə̄ yā Nə́ɓā ń i ngé ra dɔ gō míndən gə̄ tə́ ō, i ngé ra dɔ taā kem Jeju tə́ ō ní, kum mbang ń toō i kum mbang kə́ kadə̄ nin̄-tə́gān̄ tadə́.

1 JA̰A̰ 5:3

Tɔdɔ̄ yá̰á̰ ń i tár Nə́ɓā ní n toó: I rāā yá̰a̰ kə gō míndəneé, ba gō míndən i yá̰á̰ kə́ ɔȳ gə̄ alé.

NDŪ NAJƏ̄ 4:9

Banī yá̰á̰ ń kadə̄ ə̄ndāī kumsí gírí majə ní, i kadə̄ dɔsí ndígə̄nal yá̰a̰ gə̄ ń á̰a̰ī kə kumsí ní alé. Bátə́ gēé ādī dɔsí ndígə̄nal alé, ba ɔ́jiī ngáńsí gə̄ ō, ngán kaasí gə̄ ō, ādə̄ gerə̄n̄.

PĀ GƏ̄ 103:2

Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ. Yá̰á̰ kə́ majə gə̄ ń ni-rāā seí ní, ī-lōō kadə̄ dɔí ndígə̄nal nge kógə̄ḿ!

PĀ GƏ̄ 91:14

Dan ń ni-əhɔ gōḿ adə̄ ngan̄g ní m̄-gān̄g dɔn. M-ā m̄ ngɔ̄mən tɔdɔ̄ ni ger̄ rīḿ.

PĀ GƏ̄ 40:4

Ni-əndā pā kə́ kijə taḿ tə́, i pā tɔ̄ȳ Nə́ɓā yājí. Ngá̰ý gə̄ a a̰a̰n̄, adə̄ a ɓōlə́n̄ ō, a əndān̄ kemdə́ dɔ Kɔ́ɔ̄ɓē tə́ ō.

NDŪ NAJƏ̄ 8:11

Ə̄ndāī kumsí gíŕ yá̰a̰ yā Kɔ́ɔ̄ɓē Nə́ɓā yāsí kə́ yā rāā gə̄ tə́ ō, jī-bēl̄ loo rāā yá̰a̰ yān gə̄ tə́ ō, ndū najə̄ yān gə̄ tə́ ō ń m-ādə̄sí ɓōólaā ní, na sōgə́ dɔsí ndígə̄nal dɔ Kɔ́ɔ̄ɓē Nə́ɓā yāsí tə́.

NDŪ NAJƏ̄ 8:2

Ādə̄ əga kemsí dɔ róbə́ ń Kɔ́ɔ̄ɓē Nə́ɓā yāsí rāā adə̄ ī-njə̄rāī tū tə́ ɓāl̄ kutə sɔ́ kem dəla loo tə́ ní. Ni-rāā adə̄ yá̰á̰ kə́ ngan̄g gə̄ əngen̄sí i yā nāańsí ō, i yā ka̰a̰ń yá̰á̰ kə́ kemsí tə́ ō, yā gerə̄ń ké ā ī-rāāī yá̰a̰ gə̄ ń ɔjəsí ní aké ā ī-rāāī aĺ wa ō.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

1 KORḚNTƏ 11:24

ba dan ń ndadə̄ Nə́ɓā dɔ tə́ oy anī, tētə̄ naā tə́ ba əda na: Nge ń toō i rɔ̄ḿ ń m-ādə̄ tām̄ yāsí tə́ ní. Ī-rāāī yá̰á̰ ń toō kadə̄ əgań kemsí dɔḿ tə́.

PĀ GƏ̄ 146:5

Deē ń Nə́ɓā yā Jakob i nge rāā seneé ō, əndā kemən dɔ Kɔ́ɔ̄ɓē Nə́ɓā yān tə́ ō ní, rɔ̄n nelə̄n!

PĀ GƏ̄ 105:5

Sḭḭ̄ ngán kaa nge kəla yān Abəraham gə̄, sḭḭ̄ ngán Jakob gə̄ ń ni gə̄rāsí ní, ādə̄ əga kemsí dɔ yá̰á̰ kə́ yáā gə̄ ō, kə́ to ɓōĺ gə̄ ō ń ni-rāā tə́ ní ō, dɔ sarya gə̄ ń ni-gān̄g tə́ ō ní.

PĀ GƏ̄ 62:5

A̰á̰ā̰, nin̄ sāān̄ mbəre kənīn, i najə̄ loo kə́ bo ń ni-ndi tū tə́ ní tə́. Nel̄də́ sor̄ ngá̰ý, a tɔ́rə̄n̄ tadə́ dɔ de gə̄ tə́ i kə tadə́, banī kemdə́ a ndɔ̄ĺ de gə̄.

NDŪ NAJƏ̄ 6:12

Ba ādī dɔsí ndígə̄nal dɔ Kɔ́ɔ̄ɓē ń ɔr̄sí ɓəloó kɔ̄ɔ́ kem ɓē kə́ Ejiptə tə́ ní alé.

NDŪ NAJƏ̄ 6:21

Anī ī-téĺ ə́daīdə́ na: Kété ní jḭḭ i ɓəlo gə̄ yā mban̄g Parao̰ dɔ nang kə́ Ejiptə tə́, banī Kɔ́ɔ̄ɓē teē sejí kɔ̄ɔ́ Ejiptə kə tɔ́gə jīneé.

NDŪ NAJƏ̄ 6:25

Gō míndə gə̄ ń noō ré j-əndāī kumjí gírí malang jə-rāāī ta kum Kɔ́ɔ̄ɓē Nə́ɓā yājí tə́ tītə̄ ń əndāń dɔjí tə́ ní anī, j-a jə-téliī de kə́ súmūú gə̄.

PĀ GƏ̄ 105:45

yā kadə̄ nin̄-ngɔ̄mə̄n̄neé yá̰a̰ gə̄ ń ni ndang kadə̄ yā rāā ní ō, əndān̄neé kumdə́ gír ndū najə̄ yān gə̄ tə́ ō. Aleluya!