PĀ GƏ̄ 78:10 - Bibəl ta Sar̄

¹⁰ i tɔdɔ̄ nin̄ ngɔ̄mə̄n̄ madə̄ naā yā Nə́ɓā alé, nin̄ mbātə́n̄ rāā yá̰á̰ ń ndū najə̄ yān əda ní.

Bible sar

¹⁰ i tɔdɔ̄ nin̄ ngɔ̄mə̄n̄ *madə̄ naā yā Nə́ɓā alé, nin̄ mbātə́n̄ rāā yá̰á̰ ń *ndū najə̄ yān əda ní.

PĀ GƏ̄ 78:10 Referans Kwoze

NDŪ NAJƏ̄ 31:20

Tɔdɔ̄ m-ā m-āw̄ sedə́ dɔ nang ń mba ō, yibə̄ tejə ō, i ngá̰ý tū tə́ á m-ə̄nī ndūḿ m-ādə̄ kaadə́ gə̄ ní tə́. A əsan̄ yá̰a̰ kadə̄ asədə́ ō, a ndin̄ majə ō. Gō tə́ anī a tūrə̄n̄ rɔ̄də́ kə̄ rɔ̄ ɓesə̄ gə̄ tə́ yā rāā kəla kadə̄də́. Ba a kídə̄mə̄n̄ ō, a gāngə̄n̄ madə̄ naā ń m-ə́hɔ sedə́ ní kɔ̄ɔ́ ō.

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

Teē Ngán Israel gə̄ 16:28

Kɔ́ɔ̄ɓē əda Moijə na yá̰a̰ gə̄ ń n-əndā dɔdə́ tə́ kadə̄ rāān̄ ō, yá̰a̰ gə̄ ń ndū najə̄ yān gə̄ ədan̄ kadə̄ rāān̄ ō ní ké a mbātə́n̄ rāā i ta kaw̄ rə́ngáý tə́ wa.

NEHEMI 9:17

Nin̄ mbātə́n̄ koō ō, dɔdə́ ndígə̄nal yá̰á̰ kə́ yáā gə̄ ń ī-rāā tām̄ yādə́ tə́ ní kɔ̄ɔ́ ō. Nin̄ rāān̄ dɔ ngan̄g ō, loo dum̄ naā yādə́ tə́ ní gírə̄n̄ tél kaw̄ Ejiptə ta kəla ɓəlo yādə́ tə́ gogə́ ō. Banī ḭ̄ i Nə́ɓā kə́ ā ī-mā̰ȳ rɔ̄í ō, kemií majə ō, kumií a o̰o̰ī ō, ī-rāā wōn̄g láẃ aĺ ō, ī-rāā kem majə ngá̰ý ō, adə̄ ə́yá̰də́ kɔ̄ɔ́ alé.

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.