PĀ GƏ̄ 74:9 - Bibəl ta Sar̄

⁹ Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

Bible sar

⁹ Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

PĀ GƏ̄ 74:9 Referans Kwoze

AMOS 8:11

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ a reē noó kadə̄ m-ā m̄-rāā kadə̄ ɓō əsō kem ɓēé. Ɓō a rāā de gə̄, ba i ɓō yá̰a̰ kəsa alé. kəndā a rāā de gə̄, banī i kəndā man̄ alé. Ɓō koō najə̄ yāḿ ō, kəndā najə̄ yāḿ ō a rāādə́.

EJEKIEL 7:26

Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ nge koō ta kadə̄ a̰a̰ yá̰á̰ kógə̄ḿ kə ədadə́ ō, nge tun̄ yá̰a̰ a ndóō de gə̄ yá̰a̰ to̰ aĺ ō, kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.

1 SAMUEL 3:1

Ba Samuel ń i ngōn̄ ní, a rāā kəla yā Kɔ́ɔ̄ɓē i ta kum Eli tə́. Dan ngeé ń noō tə́ ní Kɔ́ɔ̄ɓē a ɔr̄ najə̄ kə deé i láẃ láẃ aĺ ō, a rāā kadə̄ deē a̰a̰ yá̰a̰ i láẃ láẃ aĺ ō.

MISE 3:6

I tām̄ najə̄ ń noō tə́ n tām̄ yāsí sḭḭ̄ ngé koō ta gə̄ ɓáa, loo ndɔ̄ kɔ̄ɔ́ ní. Sḭḭ̄ ā á̰a̰ī yá̰á̰ kógə̄ḿ to̰ alé. Tām̄ yāsí sḭḭ̄ tə́ ɓáa, loo risə til nding. Dɔsí a ədasí yá̰á̰ kógə̄ḿ to̰ alé. Mbang a udə kɔ̄ɔ́ tām̄ yāsí tə́, loo kə kadaá a risə til.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

Teē Ngán Israel gə̄ 12:13

Ba mósə́ kə́ ta kújə gə̄ ń ā ī-ndiī kemeé tə́ ní a rāā rɔ̄n i yá̰a̰ kɔjə dɔ kújə yāsí gə̄ tə́. Dan ń m-ā m-á̰á̰ mósə́ ní anī m-ā m̄-gə̄lā dɔ adə̄ yá̰á̰ kə́ tōr̄ a ɔdə rɔ̄sí alé. Adə̄ ré m-ā m-ə́nda ɓē kə́ Ejiptə anī, sḭḭ̄ ā ī-teēī kum tə́ karī.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

EJEKIEL 20:12

M-ādə̄də́ ndɔ̄ sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

NGÉ SARYA 6:17

Anī Jedeo̰ tél ədan na: Ré ī-rāā kem majə seḿ anī ī-rāā yá̰á̰ kógə̄ḿ ɔ́jəmə̄ń kadə̄ i ḭ̄ Kɔ́ɔ̄ɓē n ī-ra ā ɔ̄r̄ najə̄ seḿ toō.

MISE 3:7

Rɔ̄ ngé ka̰a̰ yá̰a̰ gə̄ ō, rɔ̄ kɔdə̄ sāā gə̄ ō, a sɔl̄də́. Nin̄ malang a utə̄n̄ ta kumdə́ kɔ̄ɔ́, tɔdɔ̄ Nə́ɓā daldə́ to̰ alé.