PĀ GƏ̄ 73:6 - Bibəl ta Sar̄

⁶ Yá̰á̰ súū rɔ̄ yādə́ i kɔjə rɔ̄. Yá̰á̰ kə́ rāā kə dɔ́nɔ́ əhɔdə́ ngá̰ý, tītə̄ kūbə̄ kə́ asə rɔ̄də́ rep beé.

Bible sar

⁶ Yá̰á̰ súū rɔ̄ yādə́ i kɔjə rɔ̄. Yá̰á̰ kə́ rāā kə dɔ́nɔ́ əhɔdə́ ngá̰ý, tītə̄ kūbə̄ kə́ asə rɔ̄də́ rep beé.

PĀ GƏ̄ 73:6 Referans Kwoze

PĀ GƏ̄ 109:18

Ni-əla ndɔ̄ĺ kūbə̄ tə́ rɔ̄n tə́ ní, ādə̄ ndɔ̄ĺ əla loo kemən tə́ tītə̄ man̄ beé ō, taā loo jīn gə̄ tə́ kə̄ njan gə̄ tə́ tītə̄ yibə̄ beé ō!

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

Gōsə̄ najə̄ gə̄ 1:9

Tɔdɔ̄ nge ń noō i jākā mbang kə́ majə kə́ dɔí tə́ ō, i məde kə́ kɔ́ɔ́í tə́ ō.

NGÉ SARYA 8:26

Nə̄ngá lɔ́r ń Jedeo̰ dəje ní kɔȳn malang i kəlōo kutə jōó. Ni-ənge yá̰á̰ súū rɔ̄ɔ̄ gə̄ dɔ tə́ ō, yá̰a̰ ta mbī gə̄ ō, kūbə̄ kə́ kərē ning gə̄ ń i kūbə̄ ko̰ō̰ mban̄g gə̄ kə́ Madian ní ō, məde gə̄ ń a súūnəń míndə́ jámbal yādə́ gə̄ ní ō.

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.

EJEKIEL 16:11

m̄-tə́la yá̰a̰ ta mbī gə̄ mbīí tə́ ō, m̄-tə́la nə̄ngá gə̄ jīí tə́ ō, m-ə̄nī məde kɔ́ɔ́í tə́ ō.

JEREMI 48:29

J-oō hoy kɔjə rɔ̄ yā Moab i kun ta rɔ̄ kə́ al̄ naā ngá̰ý, i ta ngan̄g ō, i kɔjə rɔ̄ ō, i tə́da najə̄ ō, i kɔjə kasə rāā yá̰a̰ ō kə́ ba̰ý beē.

JEREMI 48:11

Moab ndi kanjə̄ sōl̄ yá̰á̰ kógə̄ḿ i kə ngōn̄ dūúneé beē. Ni to i tītə̄ kasə kə́ ɗīgə̄ beé, tɔdɔ̄ tūrə̄n̄ gírən kem káĺ kə́ rang tə́ nja kógə̄ḿ alé. Kumən na əhɔ aw̄n̄ seneé dɔ nang kə́ rang tə́ nja kógə̄ḿ aĺ ɓáý, adə̄ nelə̄n ō, kotən ō, ton̄ gotoó.

IJAI 3:19

yá̰a̰ ta mbī gə̄ ō, nə̄ngá kə́ jī tə́ gə̄ ō, kūbə̄ kə́ yā seĺ ta kum tə́ gə̄ ō,

PĀ KƏ́ MAJƏ 4:9

Ngōkó̰ó̰ḿ kə́ dəyá̰, nge nong yāḿ, nelə̄m̄ seí ngá̰ý. Mbelií kə́ nja kógə̄ḿ beē ń ī-mbel á̰a̰m̄ ní adə̄m̄ rɔ̄nel̄ ngá̰ý. Məde kə́ kɔ́í tə́ kə́ kal kógə̄ḿ beē rāā adə̄ dɔḿ ndi kə gōó alé.

KOHELET 8:11

Yá̰á̰ ń gāngə̄n̄ dɔ de kə́ nge rāā yá̰a̰ majaĺ tə́ loo sarya tə́ ní rāānən̄ láẃ alé. I tām̄ najə̄ ń noō tə́ n ngur rāā yá̰á̰ kə́ majaĺ gə̄ i ngá̰ý kem de gə̄ tə́ ní.

Gōsə̄ najə̄ gə̄ 4:17

Nin̄ əsan̄ mápá kə́ rāān̄ i yá̰á̰ kə́ gōtə́ aĺ n əngen̄neé ní. Kasə nduú ń a̰ȳn̄ ní, i kan̄ yá̰á̰ kə́ rāā kə dɔ́nɔ́.

Gōsə̄ najə̄ gə̄ 3:31

Ī-lōō kəndā nge rāā yá̰a̰ kə dɔ́nɔ́ nii ō, ī-lōō ndájə̄ háĺ yá̰a̰ rāān gə̄ ō.

PĀ GƏ̄ 109:29

Ādə̄ əlan̄ rɔ̄sɔl̄ kūbə̄ tə́ rɔ̄ ngé tétə̄ najə̄ dɔḿ tə́ gə̄ tə́, ādə̄ selə́n̄ rɔ̄sɔl̄ yādə́ dɔdə́ tə́ tītə̄ kūbə̄ kūl̄ beé!

ESTER 3:1

Gō yá̰a̰ gə̄ ń noō tə́ ní mban̄g Jerses əndā Haman kə́ ngōn̄ Hamedata ń i de kə́ gír yā Agag tə́ ní loo kə́ bo tə́. Ni-ɔsə gɔnən ō, əndān dɔ de kə́ bo yān gə̄ tə́ malang ō.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

TA KƏLA 41:42

Parao̰ ɔr̄ kulūm̄ kə́ jīn tə́ əla jī Jəjep tə́ ō, əla kūbə̄ kə́ majə kə́ sɔl̄ lɔ́ḿ lɔ́ḿ rɔ̄n tə́ ō, ənī məde lɔ́ŕ kɔ́ɔn tə́ ō,