PĀ GƏ̄ 73:1 - Bibəl ta Sar̄

¹ Pā yā Asap. Nə́ɓā i de kə́ majə tām̄ yā Israel tə́ rɔ̄kum. Ni i de kə́ majə tām̄ yā de gə̄ ń kemdə́ unjə̄ njáý njáý tə́ ní.

Bible sar

¹ Pā yā Asap. Nə́ɓā i de kə́ majə tām̄ yā *Israel tə́ rɔ̄kum. Ni i de kə́ majə tām̄ yā de gə̄ ń kemdə́ *unjə̄ njáý njáý tə́ ní.

PĀ GƏ̄ 73:1 Referans Kwoze

MATIYE 5:8

Rɔ̄nel̄ i kə ngé gə̄ ń kemdə́ unjə̄ njáý njáý ní, tɔdɔ̄ a a̰a̰n̄ Nə́ɓā.

PĀ GƏ̄ 51:10

Ədam̄ najə̄ mā̰ȳ rɔ̄ yāí na a adə̄m̄ rɔ̄nel̄ ngá̰ý. Loo ń noō tə́ mā ń ī-tétə̄ kə̄ngāḿ rárák kɔ̄ɔ́ ní, m-ā m̄-rāā rɔ̄nel̄.

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

TITƏ 3:5

ni-ajəjí i tām̄ yá̰á̰ kə́ gōtə́ kə́ jḭḭ̄ kɔ́ gə̄ jə-rāāī tə́ alé, banī i tām̄ kumən kə o̰o̰n tām̄ yājí tə́ tə́. Ni-ajəjí ō, rāā adə̄ j-udiī tū ndi kə kumuú kə́ kijə tə́ ō, i kə ta kūl̄ tə́go rɔ̄ yā kojə kijə ō, i kə ta kūl̄ Ndíĺ kə́ Táĺ ō.

Makətūbə̄ ń Pol ndang adə̄ Rom gə̄ ní 4:16

Adə̄ j-a j-əngeī yá̰á̰ ń Nə́ɓā ənī míndən yā kadə̄jí ní sɔɔ̄ń i taā kem yājí, yā kadə̄ jə-gerīiń na i Nə́ɓā n adə̄ yá̰á̰ ń toō tām̄ rajə yān tə́ ō, kadə̄ kənī míndə yā Nə́ɓā kə́ tām̄ yā Abəraham tə́ ní to noó ɓáý tām̄ yā ngán kaan gə̄ tə́ malang ō. I ngán kaan gə̄ ń rāān̄ yá̰á̰ kə́ ndū najə̄ ɔjə ní ngóy alé, ba i ngé gə̄ ń taān̄ kem tītə̄ yān ní ō. Abəraham i kaají malang,

PĀ GƏ̄ 50:1

I pā yā Asap. Nə́ɓā, Nə́ɓā ń i Kɔ́ɔ̄ɓē ní, ɔr̄ najə̄. Ni ɓāŕ dɔ nang, əla gír loo ń mbang a əɓa tū tə́ ní, bátə́ loo ń mbang a udə tū tə́ ní.

2 YÁ̰A̰ GƏ̄ 29:30

Gō tə́ anī mban̄g Ejekias ō, ngār gə̄ ō, mērə̄n̄ ngán Lebi gə̄ tɔ̄ȳ Kɔ́ɔ̄ɓē ɓáý to̰ kə pā gə̄ ń Dabid rāā ní ō, kə pā gə̄ ń Asap nge ka̰a̰ yá̰a̰ rāā ní ō, adə̄ nin̄ tɔ̄ȳn̄ Kɔ́ɔ̄ɓē kə rɔ̄nelēé ō, tétə̄n̄ kejədə́ ba ɔsən̄ nodə́ nang tə́ rɔȳn̄neé Kɔ́ɔ̄ɓē ō.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

PĀ GƏ̄ 83:1

Pā yā Asap.

PĀ GƏ̄ 73:18

Kə́ rɔ̄kum tə́ tā anī, ḭ̄ ə̄ndādə́ i loo kə́ a ndəte sedə́ tə́, yā mbəredə́ kadə̄ əsō nujən̄ sák sák kɔ̄ɔ́.

PĀ GƏ̄ 42:11

Ndū ń madə̄ ba̰ā̰ḿ gə̄ tájə̄mə̄n̄ ní tétə̄ kə̄ngāḿ rárák. Nin̄ ədamə̄n̄ kə dɔ ndɔ̄ gə̄ na ké Nə́ɓā yāḿ ngaá i rá wa.

PĀ GƏ̄ 24:4

I deē ń jīn unjə̄ njáý njáý ō kemən ndaa tá táĺ ō ní. I deē ń əga rɔ̄n gidə Nə́ɓā tə́ rāań yá̰á̰ kə́ majaĺ aĺ ō, túbə yā góləń deē aĺ ō ní.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

1 YÁ̰A̰ GƏ̄ 16:37

Dabid əndā Asap nin̄ kə ngákó̰o̰n gēé ta sandúkə madə̄ naā yā Kɔ́ɔ̄ɓē tə́, kadə̄ rāān̄ kəla yādə́ ta tə́ kanjə̄ kəya̰ ta kə gō ń kadə̄ rāān̄neé kə dɔ ndɔ̄ gə̄ ní ō,

1 YÁ̰A̰ GƏ̄ 16:7

Dabid əla gír kəndā kəla tɔ̄ȳ Kɔ́ɔ̄ɓē dɔ Asap tə́ kə ngákó̰o̰n gēé i ndɔ̄ ń noō tə́.

1 YÁ̰A̰ GƏ̄ 15:17

De gə̄ ń ngán Lebi gə̄ tə́ndān̄də́ kem kəla yādə́ gə̄ tə́ ní i Heman ngōn̄ Joel ō, Asap ngōn̄ Berekia ń gə̄rānən̄ dan ngákó̰o̰n gə̄ tə́ ní ō, Etan ngōn̄ Kusaya ń gə̄rānən̄ dan ngán Merari gə̄ ń i ngákó̰ó̰də́ gə̄ ní tə́ ō.

1 YÁ̰A̰ GƏ̄ 6:39

Rī loo kə́ kem ɓēé gə̄ ń de kə́ gír kojə yā Aaro̰ tə́ gə̄ kə́ kem gír kaa yā Kehat tə́ gə̄ ndin̄ tū tə́ ní n toó. Tɔdɔ̄ i nin̄ n wə̄lā kə́ túgə̄ əhɔ dɔ nang adə̄də́ kété ta kəga dɔ ní.