PĀ GƏ̄ 72:7 - Bibəl ta Sar̄

⁷ Ɓāl̄ ko̰o̰ ɓē yān tə́ ní ādə̄ de kə́ súmūú tḭ̄ḭ̄ rɔ̄n ndiń ō, yá̰a̰ kənge i ngá̰ý ō, bátə́ kadə̄ nāā teēń aĺ kə́ njɔ́ḿ gə̄ tə́.

Bible sar

⁷ Ɓāl̄ ko̰o̰ ɓē yān tə́ ní ādə̄ de kə́ súmūú tḭ̄ḭ̄ rɔ̄n ndiń ō, yá̰a̰ kənge i ngá̰ý ō, bátə́ kadə̄ nāā teēń aĺ kə́ njɔ́ḿ gə̄ tə́.

PĀ GƏ̄ 72:7 Referans Kwoze

IJAI 2:4

Ni a gān̄g sarya yān kə́ dɔ dáń nápar de gə̄ tə́ ō, a ra dɔ dáń gír de kə́ ngá̰ý gə̄ tə́ yā gān̄gəń sarya ō. Nin̄ a ɔyn̄ kaskar yādə́ gə̄ yā rāā kɔsə man̄g tə́ ō, a ɔyn̄ nənga yādə́ gə̄ yā rāā ngorong tə́ ō. Ɓē kógə̄ḿ a ḭḭ yā kənī ɓē kə́ rang rɔ̄ɔ̄ to̰ aĺ ō, de kə́ dəngam gə̄ a ndóōn̄ naā loo rɔ̄ɔ̄ to̰ aĺ ō.

PĀ GƏ̄ 92:12

Ngé gə̄ ń a umə̄mə̄n̄ ní, m-á̰á̰də́ kə kumḿ ō, ngé kem ndul gə̄ ń ənīmə̄n̄ rɔ̄ ní, m-ōō kōōdə́ kə mbīḿ ō.

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

IJAI 60:22

De kə́ dūú tɔȳ madə̄n gə̄ kə́ dandə́ tə́ a ojə de gə̄ dūbú, de kə́ tɔ́gən gətóo tɔȳ madə̄n gə̄ kə́ dandə́ tə́ a téĺ gír de gə̄ kə́ tɔ́gə́də́ i ngá̰ý. Mā Kɔ́ɔ̄ɓē, dan ń kum mbang a asə anī, m-ā m̄-rāā yá̰á̰ ń noō i láẃ ngá̰ý.

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

Najə̄ kə́ Majə yā Jeju ń Luk ndang ní 1:33

Ni a o̰o̰ ɓē dɔ gír kojə yā Jakob tə́ ngándáńg ō, gír ko̰o̰ ɓē yān dan a gān̄g aĺ ō.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

IJAI 60:1

Jerusalem, ḭ́ḭ dɔɔ́! Ādə̄ hor gə̄ rāān̄ adə̄ loo unjə̄ kow dɔí tə́, tɔdɔ̄ loo kə́ unjə̄ kow ḭḭ nang tə́ kum kə̄ dɔɔ́ tām̄ yāí tə́: Kɔsə gɔn yā Kɔ́ɔ̄ɓē unjə̄ dɔí tə́ tītə̄ mbang kə́ əɓa beé.

1 MBAN̄G GƏ̄ 5:4

Gō nang malang ń deē ra bā Opəratə tə́ anī i dɔ dáń mbɔ́r ɓē kə́ geleé tə́ kə no ɓēé ní, Salomo̰ o̰o̰ ɓē dɔ tə́, əla gír i Tipəsa bátə́ Gaja. Adə̄ mban̄g gə̄ kə́ gō nang ń noō tə́ malang əlan̄ dɔdə́ gíŕ tɔ́gə yān tə́. Lápə́ya to dɔ dán Salomo̰ tə́ kə madə̄ ɓēn gə̄ malang ń ndin̄ gīrə̄n̄ gidən ní.

JAKARI 9:10

Ni a rāā kadə̄ púsə rɔ̄ɔ̄ gə̄ kə́ Epəraim gətóon̄ kɔ̄ɔ́ ō, ni a rāā kadə̄ sə́nda gə̄ kə́ Jerusalem gətóon̄ kɔ̄ɔ́ ō. Ni a tétə̄ ga̰ gərā gə̄ kə́ yā rɔ̄ɔń kɔ̄ɔ́ ō, a rāā kadə̄ lɔm to dan nápar de gə̄ tə́ ō. Əla gír bā katə̄ tə́ bátə́ bā bo kə́ no ɓē tə́ ō, bā Opəratə tə́, bátə́ ta ngóy ɓē kə́ dām̄ kə́ rang tə́ ō ní, ni i ngol de gə̄.