PĀ GƏ̄ 72:6 - Bibəl ta Sar̄

⁶ Ādə̄ ni risə tītə̄ man̄ kə́ a edə kə̄ dɔ mu kə́ tél sitə gogə́ tə́, tītə̄ man̄ kə́ edə ba rāā adə̄ dɔ nang sɔl̄ beé!

Bible sar

⁶ Ādə̄ ni risə tītə̄ man̄ kə́ a edə kə̄ dɔ mu kə́ tél sitə gogə́ tə́, tītə̄ man̄ kə́ edə ba rāā adə̄ dɔ nang sɔl̄ beé!

PĀ GƏ̄ 72:6 Referans Kwoze

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

NDŪ NAJƏ̄ 32:2

Ādə̄ yá̰á̰ ndóō yāḿ gə̄ edən̄ tītə̄ man̄ ō, ādə̄ najə̄ kə́ taḿ tə́ teē tītə̄ tal kə́ a tə́sō ō, i tītə̄ man̄ kə́ edə dɔ mbī kámbə́ tə́ ō, dɔ mu tə́ ō.

2 SAMUEL 23:4

to tītə̄ mbang kə́ əɓa dəloí ndɔ̄ kə́ kil̄ man̄ gətóó tə́ adə̄ ndə́lē dɔ rā̰ tə́ beē. Yḛŕ mbang kə́ gō man̄ kə́ edə tə́ rāā adə̄ mu əɓa.

PĀ GƏ̄ 65:10

Ḭ̄ ī-go̰ō̰ dɔ nang, ādə̄n man̄ adə̄ a̰ȳ ō, ādə̄n yá̰a̰ kənge ngá̰ý ō. Man̄ yā Nə́ɓā i ngá̰ý kem kārə̄n tə́. Ḭ̄ ə̄ndā dɔ kōō gémē danaá tām̄ yā de gə̄ tə́. Loo rāā ń ā ī-rāā dɔ nang kadə̄ majə ndɔr̄ ní n toó:

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

Gōsə̄ najə̄ gə̄ 19:12

Wōn̄g yā mban̄g i yá̰á̰ kə́ to ɓōĺ ngá̰ý tītə̄ nōō ɓɔl beé, banī kem majə yān rāā majə kə deé tītə̄ tal kə́ əhɔ dɔ mu tə́ beé.

Gōsə̄ najə̄ gə̄ 16:15

Dan ń dɔ kum mban̄g nelə̄n anī de gə̄ ndin̄ majə! Kem majə yān to i tītə̄ man̄ kə́ rāā majə kə kōō gēé beē.

MISE 5:6

Israel gə̄ ń na̰yn̄ kə kumdə́ dan gír de gə̄ kə́ ngá̰ý gə̄ tə́ ní, a ton̄ i tītə̄ tal kə́ tə́sō ɗḛy ɗḛy gə̄, kə́ Kɔ́ɔ̄ɓē əlań beē, a ton̄ i tītə̄ man̄ ndī kə́ tə́sō dɔ mu tə́ beē. Nin̄ əndān̄ kemdə́ dɔ deē ndul gə̄ tə́ aĺ ō, ngóōn̄ ta yá̰á̰ kógə̄ḿ jīdə́ tə́ aĺ ō.