PĀ GƏ̄ 72:4 - Bibəl ta Sar̄

⁴ Ngé ndoō gə̄ kə́ dan gír de gə̄ tə́ ní, ādə̄ mban̄g gān̄g sarya yādə́ kə gōó. Ādə̄ ni i nge kajə ngé ndoō gə̄ ō, nge rējə̄ ngé bám̄də́ gə̄ ō!

Bible sar

⁴ Ngé ndoō gə̄ kə́ dan gír de gə̄ tə́ ní, ādə̄ mban̄g gān̄g sarya yādə́ kə gōó. Ādə̄ ni i nge kajə ngé ndoō gə̄ ō, nge rējə̄ ngé bám̄də́ gə̄ ō!

PĀ GƏ̄ 72:4 Referans Kwoze

IJAI 11:4

Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

PĀ GƏ̄ 109:31

Tɔdɔ̄ ni-ra dɔ jī ko̰ de kə́ nge rɔ̄ tō ndoō tə́ yā kajən jī ngé gān̄g sarya dɔn tə́ gə̄ tə́.

JEJU TEĒ KUM JA̰A̰ 19:2

Tɔdɔ̄ sarya gāngə̄n i rɔ̄kum ō, i kə́ gōtə́ ō. Ni-gān̄g sarya dɔ dəyá̰ ájə́ba kə́ bo ń nujə dɔ nang kə rāā ájə́ba yānneé ní ō, əndan najə̄ ɓōkə́ ń ni ɓōkə́ mósə́ ngé kəla yān gə̄ nang tə́ ní ō.

JEJU TEĒ KUM JA̰A̰ 18:24

Ngé koō ta gə̄ ō, deē yā Nə́ɓā gə̄ ō, de kə́ dɔ nang tə́ gə̄ malang ń tɔ̄lə̄n̄də́ ō ní, mósə́də́ a̰ȳ nang tə́ i kem ɓē kə́ Babilon tə́.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

JAKARI 11:11

Adə̄ kum mbang ngeé ń noō tə́ ní, madə̄ naā i kə́ ngān̄g kɔ̄ɔ́. Ngé kigə yá̰a̰ gə̄ ń nin̄ i de kə́ rɔ̄kum aĺ gə̄ á ra a̰a̰mə̄n̄ ní, gerə̄n̄ kadə̄ i Kɔ́ɔ̄ɓē n ɔr̄ najə̄ kə ta kūl̄ yá̰á̰ gə̄ ń m̄-rāā ní.

JAKARI 11:7

Adə̄ m̄-tél nge kul̄ batə̄ gə̄ kə́ ngé kigə yá̰a̰ gə̄ kə́ nin̄ i de kə́ rɔ̄kum aĺ gə̄ gírə̄n̄ tɔ̄l̄. M-ɔ́y kāgə̄ yā nge kul̄ yá̰a̰ jōó. m̄-ɓāŕ nge kə́ ta kəga dɔ na i madə̄ naā ō, kə́ nge ko̰ jōó na i ɓoo naā ō, ba m-á̰a̰ gō batə̄ gə̄.

IJAI 9:4

Sākə̄rā nja madə̄ ba̰ā̰ gə̄ malang ń rāā adə̄ dɔ nang ndew ní, kūbə̄ malang mósə́ i tū tə́ ní, hor o̰o̰.

Gōsə̄ najə̄ gə̄ 20:26

Mban̄g kə́ nge kum kedə̄ tə̄ndā ngé kem ndul gə̄ tḭ̄ḭ̄də́ kɔ̄ɔ́ ō, adə̄ yá̰a̰ səɓā kōō agə dɔdə́ tə́ ō.

PĀ GƏ̄ 94:5

Kɔ́ɔ̄ɓē, nin̄ rāān̄ kum deē yāí gə̄ ndoō tə́! Ngé gə̄ ń i deē yāí gə̄ ní, nin̄ əlan̄ rɔ̄sɔl̄ dɔdə́ tə́.

PĀ GƏ̄ 2:9

Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

Makətūbə̄ yā Job 34:24

Ni tétə̄ kə̄ngā de kə́ bo gə̄ rárák kanjə̄ ndo̰ gír najə̄ yādə́, ba əndā de kə́ rang gə̄ gotədə́ tə́.

Makətūbə̄ yā Job 19:2

Ā ī-rāāī kumḿ ndoō tə́ kə najá ō, ā ī-rējə̄mī kə najá ō, i bátə́ ndɔ̄ kə́ rá tə́?

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

IJAI 42:3

Ni-tetə mu tə̄ɓā kə́ rugə alé. Ta ndo̰ hor kə́ tɔ́gən gətóó ń a o̰o̰ ɓáý ní, ni tɔ̄l̄ alé. Banī ni-rāā adə̄ de gə̄ gerə̄n̄ yá̰á̰ kə́ súmūú rɔ̄kum.