PĀ GƏ̄ 72:3 - Bibəl ta Sar̄

³ Ādə̄ mbal̄ bo gə̄ ō, ngán mbal̄ gə̄ ō, adə̄n̄ de gə̄ yá̰a̰ kənge kə ta kūl̄ yá̰a̰ rāā kə́ gōtə́!

Bible sar

³ Ādə̄ mbal̄ bo gə̄ ō, ngán mbal̄ gə̄ ō, adə̄n̄ de gə̄ yá̰a̰ kənge kə ta kūl̄ yá̰a̰ rāā kə́ gōtə́!

PĀ GƏ̄ 72:3 Referans Kwoze

IJAI 52:7

Ka̰a̰ nge kəla kə́ nge reē kə najə̄ kə́ majaá loo reē tə́ dɔ mbal̄ gə̄ tə́ i yá̰á̰ kə́ to rɔ̄nel̄ ngá̰ý! Ni-əda najə̄ yā lɔm ō, kem majə ō, kajə ō. Ni ədaī ḭ̄ Jerusalem na: Nə́ɓā yāí i mban̄g.

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

PĀ GƏ̄ 72:16

Ādə̄ ndɔr̄ taā loo kem ɓēé, bátə́ ta kaw̄ kə̄ ta tél mbal̄ gə̄ tə́ dɔɔ́. Ādə̄ dɔ kōō kə́ tū tə́ gə̄ yéȳn̄ tītə̄ kāgə̄ gə̄ kə́ Liban beé. Ādə̄ ré deē ra kem ɓēé anī, loo i mbī kámbə́ kə́ mbōl̄ malang.

PĀ GƏ̄ 65:12

Ī-tɔ̄l̄ ta kem majə yāí ɓāl̄ ń noō tə́ kə gōó majə. De gə̄ əngen̄ yá̰á̰ ngá̰ý kə gō tóóí.

IJAI 45:8

Dɔ rā̰, ə́yá̰ yá̰a̰ rāā yāí kə́ gōtə́ ādə̄ tə́sō tītə̄ tal beé. Ādə̄ kil̄ man̄ gə̄ rāān̄ adə̄ yá̰a̰ rāā yāí kə́ gōtə́ edə kə́ man̄ tə́! Ādə̄ dɔ nang teē tan adə̄ kajə hútə̄ ō, ādə̄ yá̰á̰ kə́ gōtə́ əɓa ō! Mā Kɔ́ɔ̄ɓē, m̄-rāā yá̰a̰ gə̄ ń noō malang.

IJAI 60:17

M-ā m̄-rāā kadə̄ lɔ́r a reē kum gotə nə̄ngá kasə ō, m-ā m̄-rāā kadə̄ gində̄ arjā̰a̰ a reē kum gotə gində̄ kə́ karī ō, m-ā m̄-rāā kadə̄ gində̄ nə̄ngá kasə a reē kum gotə kāgə̄ ō, m-ā m̄-rāā kadə̄ gində̄ kə́ karī a reē kum gotə mbal̄ gə̄ ō. I kem sɔl̄ lɔm n a ɔr nosí kə ta kūlə̄ḿ mā ō, i yá̰a̰ rāā kə́ gōtə́ n a o̰o̰ ɓē dɔsí tə́ kə ta kūlə̄ḿ mā ō.