PĀ GƏ̄ 72:10 - Bibəl ta Sar̄

¹⁰ Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

Bible sar

¹⁰ Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

PĀ GƏ̄ 72:10 Referans Kwoze

IJAI 60:6

Ɓūtə̄ jámbal kə́ ngá̰ý gə̄ a taān̄ loo dɔ nang yāí tə́, i ngáń jámbal kə́ Madian ō kə́ Epa ō. Nin̄ malang a ḭḭn̄ i Saba n a reēn̄ ní. A reēn̄ kə lɔ́r ō, kə kajaja ō, a ənīn̄ pā tɔ̄ȳ Kɔ́ɔ̄ɓē ta kum de gə̄ tə́ malang ō.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

PĀ GƏ̄ 68:29

Nə́ɓā yāí gḛy kadə̄ ī-ngan̄g. Nə́ɓā, ḭ̄ ń ī-rāā yá̰a̰ tām̄ yājí tə́ ní ɔ́jə́ tɔ́gí!

1 MBAN̄G GƏ̄ 10:1

Mban̄g kə́ dəyá̰ kə́ Saba oō najə yā Salomo̰, tɔdɔ̄ rī Salomo̰ ɓār̄ ngá̰ý sɔɔ̄ń rī Kɔ́ɔ̄ɓē. Ni-reē kənge Salomo̰ tə́ yā nāā kum kedə̄ yān kə najə̄ kə́ ngan̄g ngan̄g gēé.

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

PĀ GƏ̄ 45:12

Ādə̄ nel̄ mban̄g seí tām̄ mandií tə́! I ni n i kɔ́ɔ̄í ní. Ɔ́sə noí nang tə́ ī-rɔȳnneé.

2 YÁ̰A̰ GƏ̄ 9:21

Tɔdɔ̄ mban̄g aw̄ kə to bo gə̄ kə́ a əlań Tarsis kə ngé kəla gə̄ yā Hiram. Kə dɔ ɓāl̄ kə́ nge ko̰ mətá gə̄ malang ń noō to bo gə̄ ní a tél reēn̄ kə lɔ́r ō, kə gində̄ arjā̰a̰ ō, kə ngān̄g dā̰á̰ ō, kə ɓetə̄ gēé ō, kə yel̄ pá̰a̰ gēé ō adə̄nən̄.

TA KƏLA 10:7

Ngán Kus gə̄ i Seba ō, Habila ō, Sabəta ō, Ragəma ō, Sabəteka ō. Ngán Ragəma gə̄ i Saba ō, Dedan ō.

MATIYE 2:11

Nin̄-udən̄ kújú anī a̰a̰n̄ ngōn̄ ní nin̄ kə kó̰o̰n Mari. Nin̄-ɔsən̄ nodə́ nang tə́ non tə́ rɔȳnən̄neé. Gō tə́ anī teēn̄ ta sandúkə́ yá̰a̰ kənge yādə́ gə̄, ba ɔyn̄ lɔ́r ō, kajaja ō, nō kāgə̄ mír ō, ndējə̄n̄ ngōn̄ ní.

IJAI 60:3

Nápar de gə̄ njə̄rān̄ kum kə̄ rɔ̄ loo yāí kə́ unjə̄ kow tə́ ō, mban̄g gə̄ aw̄n̄ kum kə̄ rɔ̄ loo kə́ unjə̄ kow ń ḭḭ nang tə́ kum kə̄ dɔɔ́ dɔí tə́ ní ō.

IJAI 43:6

M-ə́dá mbɔ́r ɓē kə́ ko̰ó̰ na ī-tél ādə̄m̄ sedə́ ō, m-ə́dá mbɔ́r ɓē kə́ geleé na ī-lōō kəhɔdə́ gotoó ō. Ngánə́ḿ kə́ dəngam gə̄ ń ndin̄ ɓē kə́ sa̰y gə̄ ń toō tə́ ní, ī-tél ī-reēī sedə́ ādə̄mī ō, ngánə́ḿ kə́ dəyá̰ gə̄ ń ndin̄ ta ngóy dɔ nang tə́ ní, ī-tél ī-reēī sedə́ ādə̄mī ō.

IJAI 43:3

Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ Etiopi ō, i ɓē kə́ Seba ō.

IJAI 42:10

Ə̄nī pā kə́ kijə ādī Kɔ́ɔ̄ɓē. Sḭḭ̄ ngé njə̄rā mbā dɔ bā bo tə́ gə̄ ō, sḭḭ̄ yá̰a̰ gə̄ ń ī-rosiī loo kum bā bo tə́ ní ō, sḭḭ̄ gír de gə̄ ń ī-ndiī sa̰y ní ō, ī-ndiī ta ngóy dɔ nang tə́ ə̄nīīneé pā tɔ̄ȳ Kɔ́ɔ̄ɓē.

IJAI 42:4

Tɔ́gən a ur̄ wak alé. Ni a əya̰ alé, mbóńg yā kadə̄ ni-əndā ngəra yá̰á̰ kə́ súmūú dɔ nang tə́ pá tá. Gír de gə̄ ń ndin̄ sa̰y ní gḛyn̄ kənge yá̰á̰ ndóō yān.

1 MBAN̄G GƏ̄ 10:25

Kə dɔ ɓāl̄ gə̄ ń noō nin̄ a reēn̄ i kə yá̰á̰ kə́ rāā kə gində̄ arjā̰a̰ gə̄ ō, kə́ rāā kə lɔ́r gə̄ ō, kūbə̄ gə̄ ō, yá̰a̰ rɔ̄ɔ̄ gə̄ ō, yá̰á̰ kə́ kotə majə gə̄ ō, sə́nda gə̄ ō, kərō rapáy gə̄ ō n a ndējə̄n̄ Salomo̰ ní.

1 MBAN̄G GƏ̄ 10:10

Gō tə́ anī mban̄g kə́ dəyá̰ kə́ Saba ní adə̄ mban̄g Salomo̰ lɔ́ŕ kə́ kɔȳn malang asə kəlōo dūbú mətá kə núsə ō, adə̄n yá̰á̰ kə́ kotə majə gə̄ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Yá̰á̰ kə́ kotə majə gə̄ ń ni reēń adə̄ mban̄g Salomo̰ ní, kə́ rang kə́ asə beé gətóo i kə́ bátə́ gə̄ tə́.

1 MBAN̄G GƏ̄ 10:2

Reē ugə̄ Jerusalem kə de kə́ ngá̰ý gēé gōn tə́ ō, kə jámbal gə̄ kə́ ətōn̄ yá̰á̰ kə́ kotə majə gə̄ ō, lɔ́ŕ kə́ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Dan ń ugə̄ rɔ̄ Salomo̰ tə́ anī, yá̰a̰ malang ń ni núm̄ kemən tə́ yā kɔr̄ seneé ní ɔr̄ seneé.

ESTER 10:1

Mban̄g Jerses gān̄g lambóo dɔ de gə̄ ń ndin̄ dɔ nang kə́ laa ngá̰ý tə́ ní ō, de gə̄ ń ndin̄ dɔ dor̄ loo gə̄ kə́ kum bā bo tə́ ní ō.

PĀ GƏ̄ 68:30

Dan ń mban̄g gə̄ a̰a̰n̄ kújə mban̄g yāí ń dɔn un dɔ kújə gə̄ malang kə́ Jerusalem tə́ ní anī, a reēn̄ kə kadə̄ karī yādə́ gēé yā ndējī.