PĀ GƏ̄ 72:1 - Bibəl ta Sar̄

¹ Pā yā Salomo̰. Nə́ɓā, ī-rāā ādə̄ sarya gān̄g mban̄g to tītə̄ yāí. Ādə̄ ngōn̄ kem mban̄g ń toō háĺ kə́ gōtə́ yāí.

Bible sar

¹ Pā yā Salomo̰. Nə́ɓā, ī-rāā ādə̄ sarya gān̄g mban̄g to tītə̄ yāí. Ādə̄ ngōn̄ kem mban̄g ń toō háĺ kə́ gōtə́ yāí.

PĀ GƏ̄ 72:1 Referans Kwoze

IJAI 11:2

Ndíl Kɔ́ɔ̄ɓē a ndi dɔn tə́. A adə̄n kum kedə̄ ō, kəndā ma̰ȳ yá̰a̰ ō, a rāā seneé kadə̄ a unəń ndūn dɔ yá̰a̰ gə̄ tə́ ō, a adə̄n wur kil ō, a rāā kadə̄ a ger̄ Kɔ́ɔ̄ɓē ō, a ndóōn loo ɓōĺ ndíĺ Kɔ́ɔ̄ɓē ō.

2 YÁ̰A̰ GƏ̄ 1:10

I beé ní ādə̄m̄ kum kedə̄ ō, ger̄ kəndā ma̰ȳ yá̰a̰ ō, kadə̄ m̄-gerə̄ń loo njə̄rā kété no gír de gə̄ ń toō tə́. Tɔdɔ̄ kanjə̄ nge ń noō anī de kə́ asə ko̰o̰ ɓē dɔ gír deē yāí gə̄ tə́ gətóo, tām̄ nin̄ i ngá̰ý.

1 YÁ̰A̰ GƏ̄ 29:19

Ādə̄ ngōnə̄ḿ Salomo̰ kem kə́ ndigə ngɔ̄m̄ gō míndí gə̄ ō, yá̰á̰ ndóō yāí gə̄ ō, yá̰a̰ gə̄ ń ī-ndang kadə̄ yā rāā gə̄ ní ō, tá kadə̄ rāań yá̰a̰ gə̄ ń noō malang ō, rāań kújə mban̄g ń m-ɔ́sə nja yá̰a̰ gə̄ ń toō malang naā tə́ yā rāań ní ō.

1 MBAN̄G GƏ̄ 1:39

Sadok nge tun̄ yá̰a̰ un gajə dā̰ kə́ kem kújə tandā tə́ ń yibə̄ kə́ táĺ i kemeé ní jīn tə́. Ni ur yibə̄ ní dɔ Salomo̰ tə́ əndānneé mban̄g. Loo ń noō tə́ kɔ̄rə́n̄ tōw̄ gajə dā̰ ō, de gə̄ malang ədan̄ kə ndū boó na ādə̄ dɔ mban̄g ngan̄g májə́ májə́ ō.

PĀ GƏ̄ 127:1

Pā kə́ yā kaw̄ń loo kə́ táĺ tə́. I pā yā Salomo̰. Ré Kɔ́ɔ̄ɓē əndā kújə aĺ anī, ngé kəndā kújə gə̄ rāān̄ kəla i ndāńg. Ré Kɔ́ɔ̄ɓē ngɔ̄m̄ ɓē aĺ anī, ngé ngɔ̄m̄ loo gə̄ ɔgə̄n̄ kumdə́ ɓīī i ndāńg.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

2 SAMUEL 23:3

Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

1 MBAN̄G GƏ̄ 3:9

Ní Kɔ́ɔ̄ɓē, ādə̄m̄ kem kə́ ger̄ najə̄ ādə̄ m̄-ndiń dɔ gír deē yāí gə̄ tə́ ō, kadə̄ m̄-gerə̄ń kɔr̄ kam̄ yá̰á̰ kə́ majə ō, kə́ majaĺ ō naā tə́. Tɔdɔ̄ kanjə̄ nge ń noō anī, de kə́ asə ndi dɔ gír deē yāí gə̄ tə́ gətóo, tām̄ nin̄ i ngá̰ý.

1 YÁ̰A̰ GƏ̄ 18:14

Dabid o̰o̰ ɓē dɔ nang kə́ Israel tə́ malang kə taá, ḭ̄ deē ń najə̄ i yāí anī Dabid adī najə̄ ō, sarya gāngən i gōtə́ ō. Ni-rāā tītə̄ ń noō kə Israel gēé malang.

1 YÁ̰A̰ GƏ̄ 22:9

Banī na m-ā m-ójə ngōn̄ kə́ dəngam, ngōn̄ ní na i de kə́ nge kem sɔl̄ adə̄ na n-a n-əya̰ madə̄ ba̰ā̰n gə̄ ń ndin̄ gīrə̄n̄ gidən ní kadə̄ njə́ɓānən̄ alé. A ɓārə́n̄ ngōn̄ ní na i Salomo̰, kə́ kumən na i de kə́ gḛy ndi majə kə madə̄ ɓēn gēé. Tɔdɔ̄ na ɓāl̄ ko̰o̰ ɓē yān tə́ ní n-a n-adə̄ Israel kem sɔl̄ ō, na n-rāā kadə̄ ndi jəke kanjə̄ sōl̄ yá̰á̰ kógə̄ḿ ō, ɓāl̄ ko̰o̰ ɓē yān tə́.