PĀ GƏ̄ 71:5 - Bibəl ta Sar̄

⁵ Kɔ́ɔ̄ɓē Nə́ɓā, m-ə̄ndā kemḿ i dɔí ḭ̄ tə́. M-ə́lá gír kənī kemḿ kadī i kə ngōn̄ dūúḿ.

Bible sar

⁵ Kɔ́ɔ̄ɓē Nə́ɓā, m-ə̄ndā kemḿ i dɔí ḭ̄ tə́. M-ə́lá gír kənī kemḿ kadī i kə ngōn̄ dūúḿ.

PĀ GƏ̄ 71:5 Referans Kwoze

JEREMI 17:7

Ba tɔ́r̄ ta i dɔ deē ń əndā kemən dɔ Kɔ́ɔ̄ɓē tə́ ní. Kɔ́ɔ̄ɓē a rāā kadə̄ ni a ənī kemən báŕ báŕ.

PĀ GƏ̄ 39:7

Rɔ̄kum, deē aw̄ ō tél ō banī ni i ndíĺ yá̰a̰ karī! A̰á̰ā̰ aw̄ kə̄ yóō aw̄ kə̄ laā, banī ni i koō ngóy! Ni kán̄ yá̰a̰ kə̄ dɔ naā tə́ banī ger̄ deē ń a ɔy ní alé.

PĀ GƏ̄ 71:17

Nə́ɓā, ə́lá gír kɔjəm̄ yá̰a̰ i kə ngōn̄ dūúḿ ō, m-ə̄nī mbēr̄ dɔ yá̰a̰ rāāí kə́ majə ngá̰ý gə̄ tə́ bátə́ ɓōólaā ō.

PĀ GƏ̄ 119:81

Tɔ́gə́ḿ gətóo kɔ̄ɔ́ loo ngóō kajə kə́ kadə̄ ájəm̄ tə́. Mā m-ə̄ndā kemḿ dɔ najə̄ yāí tə́.

JEREMI 17:17

Ḭ̄ ń i loo ɓɔ̄ɔ̄ rɔ̄ yāḿ ndɔ̄ yá̰á̰ kə́ to kum kaȳ aĺ tə́ ní, ī-lōō rāām̄ kadə̄ m̄-sōl̄.

PĀ GƏ̄ 119:166

Kɔ́ɔ̄ɓē, m-ún gō míndí gə̄, adə̄ m̄-ngóō kadə̄ ájəm̄.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

JEREMI 14:8

Ḭ̄ ń Israel əndā kemən dɔí tə́ ní, ḭ̄ ń ájən kum mbang ń wurən ɔlənneé tə́ ní, i tām̄ rí tə́ á ī-rāā rɔ̄í tītə̄ de kə́ mbā tə́ kem ɓēé ō, ī-rāā rɔ̄í tītə̄ nge njə̄rā mbā kə́ a əja dɔɔ́ adə̄ a ɓīī i ndɔ̄ kógə̄ḿ beé ō ní.

2 TIMOTE 3:15

I dan ń ḭ̄ i ngōn̄ kə́ dūú ɓáý ní n ī-ger̄ makətūbə̄ yā Nə́ɓā ní. Makətūbə̄ ní asə rāā kadə̄ kumií edə̄. Ba kum kedə̄ ngeé ń toō a rāā kadə̄ ájə, kə ta kūl̄ taā kə́ ī-taā kem Kərist Jeju.

Najə̄ kə́ Majə yā Jeju ń Luk ndang ní 2:40

Jeju tɔgə ō, ngan̄g ō, kumən edə̄ ngá̰ý ō, Nə́ɓā rāā kem majə seneé ō.

PĀ GƏ̄ 13:5

na sōgə́ madə̄ ba̰ā̰ḿ əda na n-tetəm̄ rɔ̄ɔ̄ ō, ngé rɔ̄ɔ̄ḿ gə̄ tɔ̄ȳn̄ jīdə́ dɔḿ mā ń m̄-to nang tə́ ní ō.

1 SAMUEL 16:13

Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.

JEREMI 50:7

De gə̄ malang ń əngen̄də́ ní rə́yā̰n̄də́ naā tə́. Madə̄ ba̰ā̰də́ gə̄ ədan̄ na: Najə̄ a əsō dɔjí tə́ alé, tɔdɔ̄ nin̄ rāān̄ majaĺ kə Kɔ́ɔ̄ɓēé. I Kɔ́ɔ̄ɓē n i nge rāā yá̰á̰ kə́ gōtə́ ō, i ni n i yá̰a̰ kəndā kem dɔ tə́ yā kaadə́ gə̄ ō ní.

KOHELET 12:1

Dan ń ī-na̰y ngōn̄ ɓáý ní, ādə̄ əga kemií dɔ nge kəndāí tə́. Ādə̄ əga kemií dɔn tə́ kété pá tá kadə̄ ndɔ̄ kə́ majaĺ gə̄ reē ugə̄n̄ ɓáý, pá tá kadə̄ kum mbang ń ā ə́dań najə̄ń toō ní reē ugə̄ ɓáý, ā ə́da na: Ngur ndi kə kumḿ rāām̄ to̰ alé.

PĀ GƏ̄ 42:11

Ndū ń madə̄ ba̰ā̰ḿ gə̄ tájə̄mə̄n̄ ní tétə̄ kə̄ngāḿ rárák. Nin̄ ədamə̄n̄ kə dɔ ndɔ̄ gə̄ na ké Nə́ɓā yāḿ ngaá i rá wa.

1 MBAN̄G GƏ̄ 18:12

Ré m-ə́ya̰ī ba m-ɔ́tə kɔ̄ɔ́ anī, Ndíĺ Kɔ́ɔ̄ɓē a reē yā kuniī kaw̄ seí loo kə́ m-ā m̄-ger̄ aĺ tə́. Ré m-ə́da Akab kōōí ba əngeī aĺ anī a tɔ̄lə̄m̄. Tá mā m-ə́lá gír ɓōĺ Kɔ́ɔ̄ɓē i dan ń mā i balsáá ɓáý ní.

2 YÁ̰A̰ GƏ̄ 34:3

Kem ɓāl̄ ko̰o̰ ɓē yān kə́ nge ko̰ sɔ́sɔ́ tə́, adə̄ dan ń ni i son̄g deē ɓáý ní, əla gír sāā Nə́ɓā yā kaan Dabid. Ba kem ɓāl̄ ko̰o̰ ɓē yān kə́ nge ko̰ kutə gidə i jōó tə́ anī, ni nujə loo ndɔ̄ȳ gə̄ ō, ró̰ȳ ɓesə̄ kāgə̄ kə́ túdə̄ gə̄ kɔ̄ɔ́ ō, ɓesə̄ kāgə̄ kə́ tɔ́sə̄ kə́ yā ɓōĺ gidə gə̄ ō, ɓesə̄ gində̄ kə́ nō horoó gə̄ ō ní ni nujəń kɔ̄ɔ́.