PĀ GƏ̄ 71:3 - Bibəl ta Sar̄

³ Ādə̄ ḭ̄ i mbal̄ ń m-ā m̄-déw gidə tə́ kadə̄ yá̰a̰ ɔdə rɔ̄ḿ aĺ ní, mbal̄ ń m-ásə kaw̄ tū tə́ kə kum mbang gə̄ malang ní. Ḭ̄ ī-gḛy kajəm̄. A̰á̰ā̰, ḭ̄ i mbal̄ yāḿ, ɓē kə́ ngan̄g ngá̰ý yāḿ.

Bible sar

³ Ādə̄ ḭ̄ i mbal̄ ń m-ā m̄-déw gidə tə́ kadə̄ yá̰a̰ ɔdə rɔ̄ḿ aĺ ní, mbal̄ ń m-ásə kaw̄ tū tə́ kə kum mbang gə̄ malang ní. Ḭ̄ ī-gḛy kajəm̄. A̰á̰ā̰, ḭ̄ i mbal̄ yāḿ, ɓē kə́ ngan̄g ngá̰ý yāḿ.

PĀ GƏ̄ 71:3 Referans Kwoze

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

PĀ GƏ̄ 91:9

Rɔ̄kum Kɔ́ɔ̄ɓē, i ḭ̄ n i loo ɓɔ̄ɔ̄ rɔ̄ yāḿ ní! Ḭ̄ ī-rāā Nə́ɓā kə́ dɔɔ́ sa̰y ngá̰ý i loo ndi yāí tə́,

NDŪ NAJƏ̄ 33:27

Nə́ɓā kə́ nge ndi ngándáńg i loo ɓɔ̄ɔ̄ rɔ̄ yāí. Nəkɔ́ ń jóo bátə́ ɓōólaā toó ní, tɔ́gən i ngá̰ý dɔ nang tə́ laā. I ni n tə̄ɓā madə̄ ba̰ā̰í gə̄ noí tə́ ō, mērī tɔ̄l̄də́ kɔ̄ɔ́ ō ní.

PĀ GƏ̄ 44:4

Kaají gə̄ taān̄ ɓē, banī i kə ta kūl̄ kaskar yādə́ alé. Nin̄ tetən̄ rɔ̄ɔ̄, ba i kə tɔ́gə jīdə́ nin̄ kɔ́ gə̄ alé. I īkɔ́ n ī-dḭḭ̄də́ kə tɔ́gí ō, ə́hɔ́də́ kə̄ rɔ̄í tə́ majə ō, ɔ́jə́də́ kadə̄ nelī sedə́ ō ní.

PĀ GƏ̄ 42:8

Ḭ̄ ī-rāā ādə̄ kōō man̄ gə̄ ɓārə̄n̄ pukətu pukətu, man̄ kógə̄ḿ ɓāŕ man̄ madə̄n. Ḭ̄ ī-rāā ādə̄ man̄ gə̄ ní reēn̄ dɔḿ tə́ malang, taān̄ dɔḿ kɔ̄ɔ́.

IJAI 33:16

Deē ngeé ń toō a ndi loo kə́ kḭḭ kə̄ dɔɔ́ tə́ kanjə̄ sōl̄ yá̰á̰ kógə̄ḿ. Mbo̰ō̰ mbal̄ kə́ njar i loo ɓɔ̄ɔ̄ rɔ̄ yān. Ngáńdáńg ni a ənge yá̰á̰ kə́ yā kəsa ō, ni a ənge man̄ kə́ yā ka̰ȳ ō.

PĀ GƏ̄ 68:28

Benjamḛ ń i ngōn̄ kə́ dūú ní i laā, tá ngār kə́ Juda gə̄ ō, kə́ Jabulo̰ gə̄ ō, kə́ Nepətali gə̄ ō, i laā ō.

EJEKIEL 9:6

Ī-tɔ̄lī ɓə́ga gə̄ ō, ngásáā gə̄ ō, ngámandə gə̄ ō, ngán gə̄ ō, dəyá̰ gə̄ ō! Ī-rāāī ādī nin̄ gətóon̄ kɔ̄ɔ́ malang! Banī de gə̄ malang ń əjan̄ yá̰a̰ nɔtə nodə́ tə́ ní, ī-lōōī kɔdə rɔ̄də́. Ə́laī gír kem loo kə́ táĺ yāḿ tə́ laā. Loo ń noō tə́ nin̄ əlan̄ gír tɔ̄l̄ kum kɔɔ̄ gə̄ ndin̄ ta kújə yā Kɔ́ɔ̄ɓē tə́ ní.

PĀ GƏ̄ 144:2

I ni n i nge rāā kem majə seḿ ní ō, ni i loo ɓɔ̄ɔ̄ rɔ̄ yāḿ ō, i ni n i loo ndi kə́ ngan̄g ngá̰ý ō, nge kajəḿ ō ní. Ni i der yāḿ ō, m-ā m̄-ɓɔ̄ɔ̄ rɔ̄ḿ i rɔ̄n tə́ ō. Ni-əla dɔ gír deē yāḿ gə̄ gíŕ tɔ́gə yāḿ tə́ ō.

PĀ GƏ̄ 90:1

Ndɔ̄ȳ yā Moijə, deē yā Nə́ɓā. Kɔ́ɔ̄ɓē, i ḭ̄ n i loo ɓɔ̄ɔ̄ rɔ̄ yājí kə dɔ ɓāl̄ gə̄ kə dɔ ɓāl̄ gə̄ ní.

PĀ GƏ̄ 18:3

Kɔ́ɔ̄ɓē i mbal̄ yāḿ ō, loo ndiḿ kə́ ngan̄g ngá̰ý ō, nge gān̄g dɔḿ ō. Ni i Nə́ɓā yāḿ ō, mbal̄ ɓɔ̄ɔ̄ rɔ̄ yāḿ ō. Ni i der yāḿ ō, yá̰á̰ ń m̄-tetəń rɔ̄ɔ̄ ní ō, loo ndiḿ kə́ ngan̄g ō.

PĀ GƏ̄ 89:27

Ni a ɓārə́m̄ mā na i bɔbə̄n ō, Nə́ɓā yān ō, mbal̄ kə́ nge kajən ō.