PĀ GƏ̄ 71:22 - Bibəl ta Sar̄

²² Loo ń noō tə́ m-ā m̄-ɓōkíī tɔ̄ȳ kə kəndeé. Nə́ɓā yāḿ, m-ā m-ə̄nī pā seí najə̄ ra kə̄ ī-ra dɔ ndūí tə́. M-ā m-úgə kənde yā kɔsəń gɔnií, ḭ̄ Nə́ɓā kə́ táĺ yā Israel.

Bible sar

²² Loo ń noō tə́ m-ā m̄-ɓōkíī tɔ̄ȳ kə kəndeé. Nə́ɓā yāḿ, m-ā m-ə̄nī pā seí najə̄ ra kə̄ ī-ra dɔ ndūí tə́. M-ā m-úgə kənde yā kɔsəń gɔnií, ḭ̄ Nə́ɓā kə́ *táĺ yā *Israel.

PĀ GƏ̄ 71:22 Referans Kwoze

2 MBAN̄G 19:22

I Náā n ī-tájə̄n ō, ī-tə́da najə̄ kə́ to ngonjə̄ gə̄ dɔn tə́ ní ō? I náā n ún ndūí kə̄ dɔɔ́ ɔ̄rəń najə̄ dɔn tə́ ní? I náā n á̰a̰n kə ngēl̄ kumií ní? Ī-rāā yá̰a̰ gə̄ ń noō i kə kə́ táĺ yā Israel.

PĀ GƏ̄ 33:2

Úgiī kənde ī-ɓōkíīneé Kɔ́ɔ̄ɓē tɔ̄ȳ. Úgiī kənde kə́ kəlān i kutə ādə̄niī!

PĀ GƏ̄ 89:18

Rɔ̄kum, ḭ̄ i tɔ́gə́də́ kə́ to ɓōĺ ngá̰ý. Ḭ̄ ī-rāā ādə̄ kumjí a̰a̰ rá ráńg i kə ta kūl̄ kem majə yāí.

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

PĀ GƏ̄ 144:9

Nə́ɓā, m-ā m-ə̄nī pā kə́ kijə yā kadī ō, m-ā m-úgə kənde kə́ kəlān i kutə yā kadī ō.

PĀ GƏ̄ 98:3

Əga kemən dɔ kem majə yān kə́ rāā kə ngán Israel gēé tə́ ō, dɔ ra kə́ ni-ra dɔ ndūn tə́ sedə́ ō. De gə̄ ń ndin̄ ta kaw̄ kə̄ ta ngóy dɔ nang tə́ nú ní a̰a̰n̄ Nə́ɓā yājí loo tetə rɔ̄ɔ̄ tə́.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

IJAI 43:3

Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ Etiopi ō, i ɓē kə́ Seba ō.

IJAI 5:19

Tá nin̄ ədan̄ na: Ādə̄ Kɔ́ɔ̄ɓē rāā yá̰á̰ láẃ, jə-sāā ka̰a̰n loo rāā yá̰á̰ tə́! Ādə̄ yá̰á̰ ń Nə́ɓā kə́ táĺ yā Israel ɔjə rāā ní téĺ yá̰á̰ kə́ rɔ̄kum láẃ, jə-sāā ger̄ yá̰á̰ ní!

IJAI 5:16

Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

PĀ GƏ̄ 138:2

M-ɔ́sə noḿ nang tə́ sɔɔ̄ kújə́ kə́ táĺ yāí ō, m̄-tɔ̄ȳ rīí ō, i tām̄ kem majə yāí tə́ ō, najə̄ kə́ rɔ̄kum yāí tə́ ō, tɔdɔ̄ ḭ̄ ī-rāā i yá̰á̰ ń ə̄nī míndí yā rāā ní ō, ḭ̄ ī-rāā ādə̄ mān̄ dɔ ō.

PĀ GƏ̄ 89:1

Pā kə́ kəda yā Etan kə́ ngōn̄ nge ɓē.

PĀ GƏ̄ 78:41

Tél nāān̄ Nə́ɓā gogə́ rang ɓáý to̰, adə̄n̄ Nə́ɓā kə́ táĺ yā Israel wōn̄g.

PĀ GƏ̄ 56:4

Ndɔ̄ ń ɓōĺ rāām̄neé tə́ ní, m-ə̄ndā kemḿ dɔí tə́.

PĀ GƏ̄ 25:10

Yá̰a̰ gə̄ ń Kɔ́ɔ̄ɓē ɔjə malang ní i kem majə ō, ra dɔ ndū tə́ ō tām̄ yā ngé gə̄ ń rāān̄ yá̰á̰ ń ndū najə̄ kə́ dɔ madə̄ naā yān tə́ əda ní.

Makətūbə̄ ń Pol ndang adə̄ Rom gə̄ ní 15:8

Tɔdɔ̄ m-ə́dásí na, dan ń Kərist rāā rɔ̄n nge kəla yā Nə́ɓā tə́ tām̄ yā Jipə gə̄ tə́ ní, rāā i yā tɔ̄ləń ta kənī ń Nə́ɓā ənī míndən adə̄ kaají gə̄ ní. Ni-rāā beé i yā kɔjəń kadə̄ Nə́ɓā i de kə́ nge ra dɔ ndūn tə́.

PĀ GƏ̄ 43:4

Loo ń noō tə́ m-ā m-ūgə̄ loo tun̄ yá̰a̰ yāí tə́, rɔ̄í ḭ̄ ń i nge rāā kadə̄ m̄-ndām̄ ndām̄ rɔ̄nel̄ ní tə́. M-ā m-ún kənde yāḿ kə̄ jīḿ tə́ yā kugə ɓōkíīneé tɔ̄ȳ, ḭ̄ ń i Nə́ɓā yāḿ ní!

PĀ GƏ̄ 98:4

Sḭḭ̄ de kə́ dɔ nang tə́ gə̄ malang, úriī kɔĺ rɔ̄nel̄ dɔ Kɔ́ɔ̄ɓē tə́. Ādī pā rɔ̄nel̄ yāsí ō, yá̰a̰ gōsə̄ yāsí gə̄ ō ɓārə̄n̄ ngá̰ý.

PĀ GƏ̄ 98:5

Úgiī kənde tām̄ yā Kɔ́ɔ̄ɓē tə́, úgiī kənde kə gō ndū yá̰a̰ gōsə̄ gēé.